Tíminn - 24.02.1973, Blaðsíða 17

Laugardagur 24. febr. 1973.
TÍMINN
17
SUPERSTAR
frumsýning í Austurbæjarbíói á
þriðjudagskvöld
Stp, Reykjavík
Næstkomandi þriðjudag, 27.
febrúar, verður frumsýning á
stórkostlegu, heimsfrægu nú-
timaverki, verki, sem fáa hefur
órað fyrir, að kæmi hér á svið svo
snemma. Og hvaða „stykki" er
þetta svo, — jú, það er hvorki
meira né minna en SOPERSTAR
-r-Jesús—Guö — Dýrlingur eftir
þá félaga Andrew Lloyd Webber
og Tim Rice, i islenzkri gerð
Nielsar Óskarssonar.
Fyrir tveim árum eða svo kom
á márkaðinn hljómplatan „Jesus
Christ Superstar’’, sem rann
miklu betur út en nokkurn tima
heitar lummur, og hún selztenn i
miklu upplagi hér á landi sem
hvarvetna i heiminum. Plata
þessi var send á markaðinn, er
„Jesúsbyltmgin’’ stóð sem hæst
og stóð í beinu sambandi við
hana. Brátt var verkið sett á svið
i London og hlaut þar afbragðs-
viðtökur, og siðar fylgdu fleiri
lönd, eins og Bandarikin (Broad-
way), Danmörk, Frakkland og
Þýzkaland. Og nú siðast Island
(L.R.). Tii gamans má geta þess,
að „blóðbræður” okkar Irar eru
einnig um þetta leyti að færa upp
verkið.
Það er Leikfélag Reykjavikur,
sem setur „Súperstar” á svið, og
verða sýningarnar haldnar i
Austurbæjarbiói, þar sem og all-
ar, æfingar hafa farið fram. A
blaðamannafundi i gær i bióinu
voru þeir kynntir, sem að verkinu
standa. Áður er sagt frá þýðand-
anum, en leikstjóri og megindrif-
fjöðrin er Pétur Einarsson. Leik-
mynd og búninga gerði Steinþór
Sigurðsson, Unnur Guðjónsdóttir
annast kóreografiu og Jón Krist-
inn Cortes sér um kór- og hljóð-
stjórn. Leikarar (þar með talið
hinn veigamikli kór) eru alls 29.
Undirleik annast hljómsveitin
Náttúra. Þannig annast alls 34
menn flutning verksins.
Aðalleikarar eru: Guðmundur
Benediktss. / Jesús (úr hljóm-
sveitinni Mánar frá Selfossi),
Pálmi Gunnarsson / Júdas (söng
það hlutverk einnig i flutningi
Verzlunarskólakórsins á Súper-
star i fyrra), Shady Owens /
Maria Magdalena (hin góðkunna
söngkona Náttúru), Jón Sigur-
björnsson / Kaifas (Jón er eini
fasti leikarinn hjá L.R., sem þátt
tekur i flutningi verksins),
Harald G. Haralds / Heródes og
Jónas R. Jónsson / P. Pílatus.
Súperstar er mjög erfitt i upp-
setningu, en allt hefur þó farið vel
að sögn þeirra Vigdisar Finn-
bogadóttur leikhússtjóra L.R. og
leikstjórans Péturs Einarssonar.
Hefur þurft að gera miklar tilfær-
ingar i Austurbæjarbiói i þvi sam
bandi og þá einkum i sambandi
við hljóðkerfiö. Lét Vigdis i ljós
sérstakt þakklæti til forstjóra
biósins, Árna Kristjánssonar,
fyrir einstaka lipurð og sam-
starfsvilia.
Hljóðkerfið er næsta fullkomið
og flókið. Er um fjögurra rása
kerfi að ræða. I einu þeirra er ein-
söngurinn, kórinn i öðru, Náttúra
i þvi þriðja, og loks er hinn er-
lendi hljómsveitarflutningur,
fiðluleikur, sem fenginn var frá
Bretlandi, i þvi fjórða. Er ekki að
efa, að verkið kemur til með að
koma vel fram hvað hljóðflutn-
inginn snertir. Um annað er ekki
timabært að dæma. Enginn þarf
þó að óttast, að hann ærist, þvi
hljóðflutningnum verður stillt vel
i hóf.
Þess má geta að lokum, að höf-
undar verksins verða gestir á
frumsýningunni á þriðjudags-
kvöld ásamt framkvæmdastjóra
sinum, David Land. Súperstar
verður sýndur kl. 9 á kvöldin, tvö
til þrjú kvöld i viku, og verða
hvorki 7- eða 9- kvikmyndasýn-
ingar i bióinu þau kvöld.
Guöinundur Benediktsson úr hljómsveitinni Mánar frá Selfossi, en
liann leikur Jesús Súperstar sjálfan.
(Timamynd: Róbert)
Hér má sjá forsmekk að þvi hvernig sviðiö í Súperstar kemur til með að líta út.
t Austurbæjarbiói á þriðjudag. Leikhússtjórinn Vigdis Finnbogadóttir, leikstjóri Súperstar.Pétur Einarsson og kór-og hljóðstjórinn.Jón Kristinn Cortes. (Tímamynd: Róbert.)