Fréttablaðið - 30.08.2004, Blaðsíða 13
MÁNUDAGUR 30. ágúst 2004
Vegna mikillar aðsóknar höfum við bætt við 2 námskeiðum.
Í átta ár hefur NTV boðið upp á Skrifstofu- og tölvunám. Á þessum árum hefur
námskeiðið þróast mikið og áherslur þess breyst í takti við tímann og
vinnumarkaðinn. Það er samdóma álit þeirra sem ljúka náminu að það sé
krefjandi en umfram allt uppbyggilegt, styrkjandi og skemmtilegt.
Námið er 258 stundir og skiptist í fjóra flokka:
- Windows stýrikerfið
- Word ritvinnsla
- Excel töflureiknir
- Power Point kynningarefni
- Access gagnagrunnur
- Internetið & Tölvupóstur
Tölvunám - 96 stundir
- Verslunarreikningur
- Bókhald
- Tölvubókhald Navision MBS®
Viðskiptagreinar - 108 stundir
- Tímastjórnun og
markmiðasetning
- Sölutækni og þjónusta
- Framsögn og framkoma
- Mannleg samskipti
- Streitustjórnun
- Atvinnuumsóknir
Sjálfsstyrking - 30 stundir
- Auglýsingatækni
- Markhópagreining
- Gerð birtingaráætlana
- Gagnvirk tenging forrita
- Flutningur lokaverkefnis
Lokaverkefni - 24 stundir
„Með náminu öðlaðist ég
hugrekki til að gera það
sem mig langaði til!“
Eftir að hafa unnið í matvöru-
verslun í 15 ár ákvað Elín að
fara í skóla og reyna fyrir sér
á öðrum starfsvettvangi. Hún
starfar í dag sem skrifstofu-
stjóri hjá BabySam á Íslandi.
Í tölvuhlutanum er lögð áhersla á þau forrit sem
nemandi þarf að kunna á til að öðlast TÖK-skírteini
sem er alþjóðleg viðurkenning á tölvukunnáttu hans.
NTV er eini skólinn þar sem öll 7 TÖK prófin og
alþjóðlegt prófskírteini er innifalið í náminu.
Kenndur er sá hluti verslunarreiknings sem er mest
notaður á skrifstofunni og tekin fyrir flest þau atriði sem
þarf til að færa bókhald fyrir lítil og meðalstór fyrirtæki.
NTV leggur mikið upp úr því að ná fram því besta úr
hverjum og einum nemanda. Það er ekki nóg að búa
yfir þekkingu og hæfileikum. Nemandinn þarf einnig
að þekkja styrk sinn og veikleika, kunna að stýra tíma
sínum, setja sér skýr markmið og kunna að selja öðrum
hugmyndir sínar og skoðanir.
„Skemmtilegasti og erfiðasti hluti námsins“ segja margir.
Unnið er í 3-4 manna hópum að markaðssetningu á
vöru eða þjónustu. Lokaverkefnisvinnan er skemmtileg,
krefjandi og framsett á þann hátt að hún taki á flestum
þáttum námskeiðsins.
UPPLÝSINGAR OG SKRÁNING Í SÍMA 544 4500 OG Á NTV.IS
Hlíðasmára 9 - Kópavogi
SKRIFSTOFU-
& TÖLVUNÁM
Næstu námsskeið:
Kvöldnámskeið
Mán. og mið frá 18-22.
og lau. 8:30-12:30
Byrjar 6. sept og lýkur 13. des.
Morgunnámskeið
Alla virka daga frá kl. 8:30-12:30
Byrjar 11. okt. og lýkur 10. des.
FÉKK FERÐASTYRK TIL DANMERKUR
Rakel Ágústsdóttir, 24 ára gömul stúlka sem bundin er við hjólastól vegna fötlunar, fékk
draum sinn um utanlandsferð uppfylltan nú í ágúst er hún fór til Danmerkur. Rakel fékk
50 þúsund króna styrk til fararinnar frá Celsus heilsuvörum, sem vildu með styrkveiting-
unni hvetja ungt fólk sem á við fötlun að stríða til að leita til fyrirtækja eftir ferðastyrkjum.
Á myndinni sést Anna Björg Hjartardóttir, eigandi Celsus, afhenda Rakel ferðastyrkinn.
FLÓRÍDA, AP Lögregluþjónn í Flór-
ída hefur verið ákærður fyrir að
hóta að myrða George W. Bush
Bandaríkjaforseta og föður hans.
Það gerði lögregluþjónninn þegar
hann var spurður hvort hann yrði
í lögregluliðinu sem tryggði
öryggi forsetans þegar hann ætti
leið um Flórída. Hann svaraði því
til að slíkt myndi hann aldrei gera,
frekar myndi hann skjóta feðgana
ef einhver léti hann hafa byssu og
byssukúlur til þess.
Lögmaður lögregluþjónsins
segir ákæruna byggja á misskiln-
ingi. Sá kærði var ellefu ár í hern-
um og er mjög andvígur inn-
rásinni í Írak. ■
ÁFENGISAUGLÝSINGAR Norsk sam-
keppnisyfirvöld hafa óskað eftir
ráðgefandi áliti frá EFTA-dóm-
stólnum um gildi banns við áfeng-
isauglýsingum þar í landi. Svör
dómstólsins um það hvort slíkt
auglýsingabann samræmist EES-
samningnum gætu haft áhrif á
réttarstöðuna hér á landi, enda er
bann við áfengisauglýsingum hér
að mestu sambærilegt við auglýs-
ingabannið í Noregi.
Í nóvember síðastliðnum
komst yfirréttur í Svíþjóð að þeir-
ri niðurstöðu að bann við áfengis-
auglýsingum þar í landi færi í
bága við EES-samninginn. Ekki
hefur verið byggt á því fyrir dómi
hér á landi að bannið við áfengis-
auglýsingum sé andstætt EES-
samningnum. Einar Páll Tamimi,
forstöðumaður Evrópuréttar-
stofnunar Háskólans í Reykjavík,
sagði í samtali við Fréttablaðið 30.
júli síðastliðinn að ólíklegt væri
að bannið stæðist: „Ég ætti erfitt
með að sjá íslenska dómstóla
komast að einhverri annarri nið-
urstöðu en sænsku dómstólana,“
sagði Einar Páll.
Í Stiklum, vefriti viðskipta-
skrifstofu utanríkisráðuneytisins,
kemur fram að málsaðilar og
stjórnvöld hafi frest til 17. sept-
ember til að leggja fram gögn í
norska málinu og síðan mun dóm-
stóllinn taka það til efnislegrar
umfjöllunar. ■
Norsk yfirvöld óska eftir áliti á banni við áfengisauglýsingum:
Vafi hvort auglýsingabann
standist EES-samninginn
MENNING Sex ungir leikarar, tón-
listarmenn og fjöllistamenn frá
Austurlandi og Vesturáli í Norður-
Noregi standa fyrir sýningu í
Sigerfjord í Lofoten í Noregi. Sýn-
ingin byggist á hugtökunum út-
jaðar, jaðar og miðja og er haldin
á nótaverkstæði fyrirtækisins
Gullfisk AS.
Sýningin er þáttur í verkefninu
Menningarátak Golfstraumsins
sem leiddi til þriggja ára menn-
ingarsamstarfs Menningarnefnd-
ar Vesturáls og Menningarráðs
Austurlands. Listamennirnir sex
munu standa fyrir vikulöngu
námskeiði sem lýkur með sýningu
sem sækir innblástur sinn í yfir-
skriftina „Jaðarinn er hin nýja
miðja – Kanten er den nye midt-
en“.
Austfirðingarnir eru Svanur
Vilbergsson, gítarleikari og
tónskáld frá Stöðvarfirði, Hall-
dóra M. Pétursdóttir leiklistar-
nemi og Stefán B. Vilhelmsson,
grafískur hönnuður frá Egils-
stöðum. ■
Menningarátak:
Ungir Austfirðingar í Lofoten
FR
ÉT
TA
B
LA
Ð
IÐ
/E
.Ó
L
ÍSLENSKAR ÁFENGISAUGLÝSINGAR
Niðurstaða EFTA-dómstólsins gæti haft
áhrif á núgildandi bann við áfengisauglýs-
ingum hér á landi.
LÖGREGLUMENN
Lögreglumaður í Flórída sagðist fyrr myrða Bush en gæta öryggis hans.
Lögregluþjónn:
Hótaði að myrða Bush