Fréttablaðið - 30.08.2004, Blaðsíða 14

14 30. ágúst 2004 MÁNUDAGUR
Í FAÐMI PÁFA
Jóhannes Páll páfi annar faðmar að sér
unga stúlku að lokinni bænastund við
sumardvalarstað páfa í Castelgandolfo í
útjaðri Rómar í gær.
STJÓRNMÁL Mikillar óánægju gætir
meðal fjórtán félaga fyrrverandi
jafnréttis- og frjálshyggjudeildar
í Heimdalli, félagi ungra sjálf-
stæðismanna. Nýkjörin stjórn
ákvað að sameina deildirnar nýj-
um nefndum félagsins án samráðs
við nefndarmenn.
Helga Björgvinsdóttir Bjarg-
ardóttir, formaður fyrrverandi
jafnréttisdeildar, segir deildirnar
innan félagsins hafa meiri völd en
nefndir. Þær hafi stjórn og rétt til
setu á fundum stjórnar Heimdall-
ar. Þann rétt hafi nefndirnar ekki.
Heimdallur hafi ekki leyfi til að
leggja deildirnar niður.
Bolli Thoroddsen, formaður
Heimdallar, segir leiðinlegt að
félagar deildanna taki breytingum
innan Heimdallar svo illa. Nýkjör-
in stjórn hljóti að hafa umboð til
að móta stefnu félagsins. Félögum
deildanna hafi verið boðið að taka
þátt í fjórum nýjum nefndum og
undirnefndum félagsins.
Helga segir vinnubrögð nýrr-
ar stjórnar síst til þess fallin að
efla félagið. Bolli hafi lýst
ánægju með störf jafnréttis-
deildarinnar, sem væri svo lögð
niður á næsta stjórnarfundi.
„Við óskum eftir skýringum og
ætlum að kæra til fulltrúaráðs
Heimdallar því lög félagsins eru
brotin.“ ■
JESSE JACKSON Í DARFUR
Bandaríski þingmaðurinn heimsótti heimili
konu sem er of veikburða til að hreyfa sig.
Flóttamenn:
Deilt um
aðstæður
SÚDAN, AP Súdönsk stjórnvöld og
sendinefnd Sameinuðu þjóðanna
greinir á um það hvort og í hversu
miklum mæli flóttamenn frá Dar-
fur séu farnir að snúa aftur til
heimila sinna.
„Mikill fjöldi fólks hefur nú
snúið aftur til síns venjubundna
lífs,“ sagði Omar el-Bashir, forseti
Súdans, og kvað flóttamenn vera
farna að snúa heim í miklum
mæli. Erick De Mul, forstöðumað-
ur sendinefndar Sameinuðu þjóð-
anna, var ekki á sama máli. „Það
er sennilega eitthvað um það, en
mjög lítið,“ sagði hann. ■
PÍLAGRÍMAR TRÓÐUST UNDIR
Fimm hindúískir pílagrímar lét-
ust þegar þeir tróðust undir í
miklum mannfjölda á trúarhátíð í
og við Krishna-fljótið í Indlandi.
Fjórtán til viðbótar slösuðust. Bú-
ist er við að um 30 milljón
hindúar taki þátt í tólf daga
Krishna Pushkaram-hátíðahöld-
unum.
DÆMDIR FYRIR HRYÐJUVERK
Fimmtán jemenskir vígamenn
hafa verið fundnir sekir um
hryðjuverk. Þeir voru meðal ann-
ars dæmdir fyrir að sprengja
franskt olíuflutningaskip í loft
upp árið 2002 og að brugga sendi-
herra Bandaríkjanna banaráð.
Einn hinna seku var dæmdur til
dauða og sjö til viðbótar fengu
tíu ára fangelsisdóm.
BOLLI SKÚLASON THORODDSEN
Segir fyrrverandi félögum deildanna hafa
verið boðið að taka þátt í nýjum nefndum
Heimdallar.
HELGA BJÖRGVINSDÓTTIR
BJARGARDÓTTIR
Vill vinna að jafnréttismálum á sjálfstæðan
hátt sem áður en ekki innan mannrétt-
indanefndar.
Deildir lagðar niður án samráðs við félagsmenn:
Færri á fundum
Heimdallar
■ ASÍA
■ MIÐ-AUSTURLÖND