Fréttablaðið - 07.09.2004, Side 14

7. september 2004 ÞRIÐJUDAGUR
AKUREYRI Samningur um margvís-
legt samstarf milli sjálfseignar-
stofnunarinnar „Akureyri í önd-
vegi“, sem að standa ýmis fyrir-
tæki og einkaaðilar, og Akureyrar-
bæjar var undirritaður í gær í Ráð-
húsi Akureyrar. Samkvæmt samn-
ingnum mun Akureyrarbær fá að-
gang að hugmyndum sem safnast í
samráðsferli með íbúum bæjarins í
tengslum við alþjóðlega hugmynda-
samkeppni um skipalag miðbæjar-
ins, sem Akureyri í öndvegi stend-
ur fyrir. Samningur um þá hug-
myndasamkeppni var undirritaður
í síðastliðinni viku og mun Arki-
tektafélag Íslands sjá um fram-
kvæmd hennar.
Meðal þeirra þátta sem Akur-
eyrarbær mun leggja til er húsnæði
og aðstaða fyrir opið samráðsþing
sem haldið verður þann 18. septem-
ber. Bærinn mun einnig leggja til
húsnæði fyrir kynningu í kjölfar
þingsins sem og kynningu á verð-
launahugmyndum í byrjun næsta
sumars. ■
FRÁ TÖKUM Á BJÓLFSKVIÐU
Fjölmenni var við tökur við Jökulsárlón í gær. Hópurinn heldur til á Höfn og öðrum nærliggjandi stöðum og setur sinn svip á mannlífið.
KVIKMYND Það er líf og fjör undir
Eyjafjöllum og við Jökulsárlón
þessa dagana. Þar fara fram tökur
á tveimur kvikmyndum sem eru
umfangsmeiri og dýrari en áður
hefur þekkst á Íslandi. Um tvö
hundruð Íslendingar hafa atvinnu
af kvikmyndagerðinni og er sam-
anlagður kostnaður við gerð
myndanna tveggja um 1,6 millj-
arðar króna. Þær eiga það sameig-
inlegt að gerast ekki á Íslandi.
Landið var valið til takanna þar
sem aðstæður hér þykja góðar,
starfsfólk hæft, landslagið heppi-
legt og skattareglur hagstæðar.
Sú staðreynd að hægt er að
taka myndirnar samtímis á litla
Íslandi er sönnun þess hve hér er
mikil þekking og hæfni í kvik-
myndagerð. Fjöldi fólks hefur
viðamikla reynslu úr faginu, bæði
af eiginlegri kvikmyndagerð og
einnig af framleiðslu auglýsinga.
Þetta sama fólk stóð frammi fyrir
einu vandamáli: við hvora mynd-
ina það vildi vinna.
Það er eitt einkenna íslenskrar
kvikmyndagerðar að fólk er
reiðubúið að ganga í hvaða störf
sem er. Slíkt þekkist ekki úti í
heimi þar sem hver situr á sínum
bás og hreyfir sig ekki þaðan.
Enda raunar víða erfitt um vik því
lög og reglur kveða á um að fólk
megi aðeins gera það sem það á að
gera. Stéttarfélögin standa svo
vörð.
Skatturinn hefur sitt að segja
Í Austur-Landeyjum vinnur Balt-
asar Kormákur að tökum á A
Little Trip to Heaven sem kostar
um 700 milljónir króna. Myndin á
að gerast í Minnesota í Bandaríkj-
unum og erlendar stórstjörnur
fara með aðalhlutverkin. Auk
Austur-Landeyja verður tekið í
Þykkvabænum, Siglufirði, Grinda-
vík og Reykjavík.
Tökur á Bjólfskviðu Vestur-Ís-
lendingsins Sturlu Gunnarssonar
hófust við Jökulsárlón í gær en
aðrir tökustaðir eru Höfn í Horna-
firði og Vík í Mýrdal. Kostnaður
við gerð myndarinnar er áætlaður
um 900 milljónir króna. Fjölmarg-
ir erlendir leikarar koma fram í
myndinni auk nokkurra íslenskra.
Þó að háar fjárhæðir séu
nefndar fer því víðsfjarri að allir
þessir peningar hafni í íslenska
hagkerfinu. Eftirvinnsla beggja
mynda fer fram í útlöndum og er-
lendu leikararnir fá sínar fúlgur
greiddar í sínum heimalöndum.
Víst er að skattareglurnar, sem
kveða á um endurgreiðslu hluta
kostnaðarins sem fellur til við
kvikmyndagerðina, hafa sitt að
segja. Þær vega upp á móti dýrtíð-
inni í landinu sem oftar en ekki
fælir menn frá að koma hingað.
Bílaleiga, matur og gisting kosta
sitt og hægt er að fá ódýrari
starfskrafta víða um heim, t.d. í
Tékklandi sem gerir út á þessi
mið. Haft er fyrir satt að kvik-
myndagerðarmenn séu löngu
hættir að taka upp atriði í París,
eftirmynd borgarinnar er frekar
búin til í Prag. Þar er mun ódýr-
ara að vinna.
Jákvæð áhrif á samfélagið
Hornfirðingar hafa vitaskuld orð-
ið varir við kvikmyndagerðar-
fólkið sem heldur til í bænum þó
tökurnar sjálfar fari að mestu
fram úti í sveit. Fólkið býr víða, á
hótelum, gistiheimilum og í
heimahúsum sem tekin voru á
leigu. Nokkrir heimamenn hafa
fengið bein störf við framkvæmd-
irnar, einhverjir koma fram í
hópatriðum og verslun og þjón-
usta njóta góðs af. Til dæmis hef-
ur hlaupið á snærið hjá Svöfu
Mjöll Jónasardóttur sem á og rek-
ur Sporthöllina á Höfn. „Kvik-
myndagerðarfólkið er duglegt að
stunda líkamsræktina og tekur
vel á því,“ segir hún.
Mönnum ber saman um að tök-
urnar fari fram á besta tíma, hefð-
bundin ferðamannatíð er að baki
og viðskiptin nú því hrein viðbót.
Haukur Þ. Sveinbjörnsson hjá
bílaleigunni Alp segir að kvik-
myndagerðarfólkið hafi leigt á
milli 20 og 30 bíla af fyrirtækinu.
„Það þarf náttúrlega að komast á
milli staða,“ segir Haukur, ánægð-
ur með umsvifin.
Baltasar og hans fólk eru að
tökum á eyðibýlinu Steinmóðar-
bæ í Vestur-Eyjafjallahreppi og
hafa hús og nágrenni fengið svip
þess sem tíðkast í Minnesota.
Hnátunni á næsta bæ var vel tek-
ið þegar hún brá sér yfir girðing-
una og túnin í fyrradag og fylgdist
með gangi mála. Hún nældi meðal
annars í eiginhandaráritanir hjá
fræga fólkinu og ætlar eflaust að
sjá myndina þegar þar að kemur.
Eftir að tökum lýkur við Eyja-
fjöll færast þær á aðra staði, meðal
annars í Þykkvabæinn, sem hingað
til hefur verið kunnari fyrir kart-
öflur en kvikmyndir. Þar hafa
smiðir verið að störfum að undan-
förnu og Sigríður Ingunn Ágústs-
dóttir í Miðkoti annast matseldina.
„Þetta setur sinn svip á samfélagið
og spennan er mikil meðal þorps-
búanna,“ segir Sigríður.
Björt framtíð
Vöxtur kvikmyndagerðar á Ís-
landi er mikill og þó að fjöldi
gerðra mynda á hverju ári sé
breytilegur er augljóst að greinin
sem slík hefur styrkst. Skattatil-
slökunin hefur haft jákvæð áhrif
en að öllu óbreyttu fellur hún úr
gildi árið 2006. Hagsmunaaðilar
vinna nú að framlengingu enda er
hún ein helsta forsenda þess að
áfram verði ráðist í stór og dýr
verkefni hérlendis.
Nokkur viðamikil verkefni eru
að baki, t.d. atriði í myndum um
Batman, James Bond og Löru
Croft og ekki ástæða til að ætla
annað en að fleiri slík komi upp á
borð á næstu árum. Þá er í bígerð
mynd Friðriks Þórs Friðrikssonar
um Þórð kakala sem kosta mun á
annan milljarð króna.
Íslenskt kvikmyndagerðarfólk
og aðrir sem njóta góðs af á hverj-
um stað á hverjum tíma geta því
litið framtíðina nokkuð björtum
augum og haldið í þá von að kvik-
myndagerðin verði einn góðan
veðurdag að stóriðju. Að Ísland
verði ekki bara álland, fiskverkun
og ferðamannastaður heldur líka
eitt stórt kvikmyndaver.
bjorn@frettabladid.is
UNDIRSKRIFT
Jóhannes Jónsson í Bónusi, Kristján Þór Júlíusson bæjarstóri á Akureyri, Ragnar Sverrisson
kaupmaður í JMJ og Helgi Teitur Helgason útibússtjóri Landsbankans á Akureyri.
Samkeppni um nýtt miðbæjarskipulag Akureyrar:
Bærinn í samstarf við fyrirtæki
FR
ÉT
TA
B
LA
Ð
IÐ
/G
U
N
N
AR
E
R
N
IR
B
IR
G
IS
SO
N
Kvikmyndaverið Ísland
Unnið er að gerð tveggja kvikmynda á Íslandi sem samtals kosta eitt þúsund og
sex hundruð milljónir króna. Mikil þekking á kvikmyndagerð hefur orðið til í
landinu á síðustu árum. Landslag, skattkerfi og hæft stafsfólk laða verkefnin að.