Fréttablaðið - 07.09.2004, Blaðsíða 35

ÞRIÐJUDAGUR 7. september 2004 27
FÓTBOLTI Ólafur Ingi Skúlason
reynir nú hvað hann getur til að
losna undan samningi sínum við
ensku meistarana í Arsenal en
hann sem er fyrirliði íslenska 21
árs landsliðsins er mættur til
Ungverjalands þar sem
strákarnir mæta heimamönnum í
öðrum leik sínum í undankeppni
Evrópumótsins í dag.
Ólafur Ingi, sem hefur verið hjá
Arsenal síðastliðin þrjú ár, segist
ósáttur við það hvað hann hafi
lítið fengið að spreyta sig með að-
alliðinu og vill nú reyna fyrir sér
annars staðar.
Þrjú ítölsk lið, Brescia, Torino og
Perugia, sýndu Ólafi áhuga en
hann fékk sig ekki lausan.
„Það hefur verið erfitt að fá
grænt ljós frá Arsenal. Liðið vildi
lána mig til Beveren í Belgíu en
ég vildi reyna fyrir mér á Ítalíu
svo það er óljóst hvað verður,“
sagði Ólafur Ingi í samtali við
DV/Fréttablaðið.
Arsenal hafnaði boðum ítölsku lið-
anna en Íslendingurinn ungi boði
Beveren. Því er stál í stál í málum
Ólafs en hann hyggst ræða við
umboðsmann sinn þegar hann
kemur aftur út til Englands.
Ólafur er nú staddur í Ungverja-
landi með U-21 árs landsliðinu
sem leikur við heimamenn í und-
ankeppni Evrópumótsins.
„Ég hef heyrt af því að lið úr
ensku 1. deildinni hafa sýnt mér
áhuga og það er betra að spila þar
en með varaliði Arsenal. Svo
getur verið betra að reyna fyrir
sér í öðru landi,“ sagði Ólafur Ingi
sem var í láni hjá Fylki í fyrra-
sumar en snéru aftur á Highbury
um haustið.
Það þykir einhverjum örugglega
undarlegt að leikmaður vilji
yfirgefa herbúðir eins besta
knattspyrnuliðs heims en það er
skiljanlegt að Ólafur Ingi.
kristjan@frettabladid.is
VILL BURTU AF HIGHBURY
Ólafur Ingi Skúlason hefur
heyrt af áhuga frá þremur
ítölskum liðum en ensku
meistararnir í Arsenal sem
hann er með samning hjá vilja
ekki leyfa honum að fara til
Ítalíu. Þeir ætluðu að lána
hann til belgíska liðsins
Beveren en Ólafur vildi ekki
fara þangað.
David Beckham fyrirliði Enska landsliðsins:
Aumur í síðu og vart
leikfær gegn Pólverjum
FÓTBOLTI Útlit er fyrir að landslið
Englands í knattspyrnu leiki án
Davids Beckham, fyrirliða þegar
liðið mætir Pólverjum í und-
ankeppni HM á morgun. Beckham
fékk högg á síðuna í jafnteflisleik
Englendinga og Austurríkis-
manna á laugardag og hefur verið
aumur í rifbeini.
Það eru því ekki bara slæm
úrslit frá leiknum í Vín sem eru
að skapa vandræði fyrir enska
liðið sem hefur verið gagnrýnt
mikið heima fyrir í kjölfar jafn-
teflisins við Austurríkismenn.
Beckham gat ekki klárað æf-
ingu með enska landsliðinu í gær-
morgun vegna meiðslanna og ótt-
ast sjúkraþjálfarar að Beckham
verði ekki leikfær á morgun.
Enska landsliðið flaug til
Póllands í gærkvöld og er æfing
fyrirhuguð síðdegis. Þá fyrst
kemur í ljós hvort landsliðsfyrir-
liðinn verður leikfær annað kvöld.
Meiðsli Beckhams eru þó ekki
eina áhyggjuefni Svens-Görans
Erikssons landsliðisþjálfara fyrir
slaginn gegn Pólverjum. Steven
Gerrard gat ekki heldur lokið
æfingu með enska landsliðinu í
gærmorgun vegna smávægilegra
meiðsla í nára og Nicky Butt situr
heima í Newcastle en hann hefur
átt við þrálát meiðsli á hné að
stríða.
Ólafur vill losna frá Arsenal
Eini Íslendingurinn hjá Englandsmeisturunum sér enga framtíð fyrir sig
á Highbury þar sem hann hefur lítið sem ekkert fengið að spreyta sig
með aðalliðinu. Mikill áhugi hjá ítölskum liðum.
Söguleg tíðindi í golfheiminum í gærkvöldi:
Tiger Woods missti
toppsæti heimslistans
GOLF Vijay Singh trónir nú á toppi
heimslistans í golfi eftir þriggja
högga sigur í einvígi við Tiger
Woods á Deutsche Bank PGA-
mótinu sem lauk í Boston í gær-
kvöld.
„Mitt aðalmarkmið var að
vinna þetta mót og það komst
ekkert annað að hjá mér í dag. Ég
var þolinmóður og það var
lykillinn að sigrinum,“ sagði
Singh og bætti við. „Það er
frábært að vera kominn á
toppinn.
„Ég get ekki beðið eftir að fara
fagna þessu langþráða takmarki,“
sagði Singh að lokum en hann er
41 árs og kemur frá Fiji-eyjum.
Hann var sterkari en Woods á
endasprettinum, lék lokahringinn
á 69 höggum eða tveimur höggum
undir pari líkt og Woods. Þriggja
högga forskot Singh fyrir loka-
hringinn dugði honum til sigurs
og færði honum að auki toppsætið
á heimslistanum í golfi.
Tiger Woods hafði þar til í
gærkvöld, setið í toppsæti heims-
listans í golfi í fimm ár og fjórar
vikur. Fall hans af toppnum hljóta
því að teljast allnokkur tíðindi í
golfheiminum.
SÁR Í SÍÐUNNI Beckham gat ekki lokið æfingu með Enska landsliðinu í gær vegna rifja-
meiðsla. Óvíst er hvort hann getur farið fyrir liði sínu þegar það mætir Pólverjum í und-
ankeppni HM á morgun. Sven-Göran var líka áhyggjufullur á svipinn þegar hann ræddi
meiðslin við enska landsliðsfyrirliðann í gærdag.
ÝTTI WOODS AF TOPPNUM Fijimað-
urinn Vijay Singh er kominn í efsta sæti
heimslistans í golfi.