Fréttablaðið - 07.09.2004, Blaðsíða 18

Kaup Símans á sýningarrétti enska
fótboltans og fjórðungshlut í Skjá
einum hafa vakið mikla athygli. Sú
gagnrýni sem borið hefur hæst er
að fyrirtæki í ríkiseigu hafi með
þessu stigið ákveðið skref inn á
sjónvarpsmarkaðinn, þar sem ríkið
er öflugt fyrir. Brynjólfur Bjarna-
son, forstjóri Símans vísar á bug
ríkisvæðingu og pólitískum for-
sendum kaupanna.
„Stjórn félagsins sem kosin er
á aðalfundi og starfar í umboði
hluthafanna vinnur þannig að
reksturinn sé arðsamur og að
virði hlutabréfanna verði hátt. Til
þess þarf að viðhalda eignum fyr-
irtækisins og nýta þær. Þetta er
liður í því og þetta er það sem
stjórnendur fyrirtækisins vinna
að,“ segir Brynjólfur.
Ekki pólitískar forsendur
Hann segir að stjórnendur hafi
ekki metið málið á pólitískum for-
sendum „Við höfum blessunar-
lega getað hagað okkar störfum
þannig við stjórn fyrirtækisins að
við höfum fengið að vera óáreittir
í því og við vinnum þannig.“
Unnið er að einkavæðingu Sím-
ans. Kaupunum á sýningarréttin-
um og hlutnum í Skjá einum fylgja
óvissuþættir varðandi samkeppn-
ismál og fleira. Brynjólfur telur að
þessi viðskipti hafi ekki áhrif á
einkavæðingu fyrirtækisins. „Við
fórum yfir málið með okkar lög-
fræðingum og teljum að við förum
eftir íslenskum lögum. Við erum
undir eftirliti Samkeppnisstofnun-
ar og Póst- og fjarskiptastofnunar
og vinnum það með eðlilegum
hætti. Ég get ekki séð að þetta tefji
eða flýti sölu á fyrirtækinu. Það
ætti alla vega ekki að gera fyrir-
tækið verðminna. Ákvörðunin
byggir á ákveðinni arðsemi.“
Kaupin liður í að nýta dreif-
ingarnet
Þegar Síminn tilkynnti um kaupin
kom skýrt fram að aðdragandi
kaupanna hafi verið að upp úr við-
ræðum um stafræna drefingu
hafi slitnað við Norðurljós. „Við
höfum sagt frá því að við höfum
verið að vinna að stafrænni dreif-
ingu sjónvarpsefnis og átt í við-
ræðum við allar sjónvarpsstöðv-
arnar. Við teljum að við eigum að
fara inn í framtíðina á sem hag-
kvæmastan hátt og koma á gagn-
virku og stafrænu sjónvarpi.
Þetta hefur verið okkar sýn í
þessu. Við höfum talið það afar
mikilvægt að efni í slíkri
dreifingu sé eftirsóknarvert.
Meðal annars vorum við í viðræð-
um við Stöð 2 vegna þess að þeir
hafa eftirsóknarvert efni. Þeir
slitu viðræðum og tilkynntu að
þeir ætluðu að fara í eigin staf-
ræna dreifingu í gegnum
örbylgju. Við erum náttúrlega að
vinna að því að nýta okkar fjar-
skiptanet. Þessi kaup eru einn lið-
ur í því að ná í gott efni. Ég hef lit-
ið þannig á að við séum að fjár-
festa í efnisveitu og við séum
reiðubúin að setja það efni sem
við erum með á breiðvarpinu inn í
það fyrirtæki.“
Tryggja sér gott efni
Sú spurning vaknar hvort ekki sé
eðlilegra að Síminn einbeiti sér að
dreifingu efnis en láti öðrum eftir
framleiðsluna. Það að Norðurljós
ákváðu að fara eigin leiðir kallar
óhjákvæmilega á vangaveltur
hvort fastlínudreifing Símans sé
of dýr. „Það er annarra að svara
því hvort þeim hafi fundist þetta
of dýrt. Við erum góðir í að dreifa
efni og við ætlum að vera í því. Til
þess að koma dreifingunni á þurf-
um við að vera með gott efni. Við
erum að tryggja okkur það með
þessum kaupum.“
En sáu menn þá það fyrir sér
að Skjár einn myndi ekki koma í
dreifingu hjá Símanum með öðr-
um hætti en fjárfestingu Símans í
fyrirtækinu og kaupum á sýning-
arréttinum. „Það er of snemmt að
segja til um það á þessu stigi. Við
höfum ekki hugsað okkur að sitja
aðgerðalausir í þessum efnum.
Það eru hraðar breytingar. Ég
geri ráð fyrir því að ef það eru
langanir sumra að við stjórnendur
Símans sitjum aðgerðalausir og
bíðum eftir að búið sé að selja
okkur, þá flæði undan okkur á
meðan. Ég tel ekki rétt að menn
horfi í gaupnir sér og bíði. Þetta
eru bara eðlileg viðbrögð í við-
skiptalífinu.“
Brynjólfur hafnar því algjör-
lega að ákvörðunin hafi verið tek-
in á forsendum stjórnmálamanna.
„Ég ber þetta upp við stjórn og
hún tekur ákvörðun. Hún tók
þessa ákvörðun.“
Mörg símafyrirtæki fara
sömu leið
Brynjólfur segir að markmiðið sé
að koma sjónvarpi í gegnum
venjulegar símalínur með ADSL-
tækni til heimila í landinu. „Það
eru mörg símafyrirtæki í heimin-
um sem eru að fara þá leið að
kaupa efnisveitur.“ Hann segir að
með sjónvarpsdreifingu verði
hagkvæmt að setja upp ADSL á
stöðum þar sem nettenging ein
og sér myndi ekki borga sig.
Tæknin fari því víðar en ella með
þessum viðskiptum. „Við erum að
gera ráð fyrir því að geta byrjað
að bjóða stafrænt sjónvarp með
þessari tækni á Reykjavíkur-
svæðinu seinnipart næsta vetrar
og næsta haust verðum við farnir
að ná víða út á land líka.“
Brynjólfur segist ekki að svo
stöddu vilja gefa upp kostnað við
dreifinetið né heldur verðið sem
var greitt fyrir hlutinn í Skjá ein-
um og sýningarrétt enska boltans.
Grunnnetið ekki aðskilið
öðrum rekstri
Reglulega sprettur upp umræða
um að skilja að grunnnet Símans og
þjónustuþætti. Í kjölfar þessara
viðskipta hafa þær raddir aftur
heyrst. „Ég hef ekki trú á því að
þessar raddir verði háværari við
þetta. Fyrir hluthafa fyrirtækisins,
þá tel ég að þeir fái meira út úr því
að selja fyrirtækið í heild, en ekki
aðskilið. Við erum í heilmörgum
aðskilnaði sem við vinnum með
Póst og fjarskiptastofnun. Við get-
um ekki hreyft þar verð nema að
þeir grandskoði bókhaldið hjá okk-
ur,“ segir Brynjólfur.
18 7. september 2004 ÞRIÐJUDAGUR
HLUTABRÉF FALLA Í VERÐI Í TÓKÝÓ
Hlutabréfavísitalan Nikkei hefur fallið hratt
síðustu daga þótt jákvæð tíðindi um stöðu
efnahagslífsins hafi litið dagsins ljós upp á
síðkastið.
Átök um framtíð Opinna kerfa:
Frosti reynir að verja stöðu sína
VIÐSKIPTI Frosti Bergsson, stjórn-
arformaður Opinna kerfa, lítur
svo á að Kögun reyni nú yfirtöku
á Opnum kerfum. Sú yfirtökutil-
raun er ekki gerð með samþykki
annarra stórra hluthafa í félag-
inu. Í dag er hluthafafundur þar
sem búast má við átökum um
sæti í stjórninni.
Líklegt er að sex bjóði sig
fram í fimm manna stjórn fé-
lagsins á morgun. Þrír á vegum
Frosta Bergssonar, tveir á veg-
um Kögunar og einn á vegum
Straums fjárfestingarbanka.
Fullvíst má telja að nái Kögun og
Straumur meirihluta í stjórninni
muni fulltrúar þeirra standa
saman að skipulagsbreytingum í
Opnum kerfum. Straumur er
stærsti hluthafinn í Kögun og
hefur yfirráð yfir 26,5 prósent
hlutafjár í félaginu.
Kögun á nú 35,77 prósent í
Opnum kerfum eftir að hafa
keypt stóran hlut af Straumi um
miðjan ágúst. Straumur jók svo
hlut sinn í Opnum kerfum í gær
úr 0,2 prósentum í 6,39 prósent.
Samtals eiga því Straumur og
Kögun ríflega 42 prósent hluta-
fjár.
Ef þessir aðilar eru taldir
nægilega skyldir þýðir það að
yfirtökuskylda hefur myndast í
félaginu. Frosti telur að skoða
þurfi hvort slík yfirtökuskylda
hafi þegar myndast við kaup
Straums á hlutafé í Opnum
kerfum í gær.
Frosti Bergsson jók hlut sinn
í gær í 16,99 prósent. Íslands-
banki jók einnig hlut sinn og
ræður nú 10,21 prósent hluta-
fjár.
Frosti gerir ráð fyrir að
Íslandsbanki styðji Frosta og
frambjóðendur hans á fundinum
í dag. ■
Sitja ekki aðgerðalausir
Brynjólfur Bjarnason, forstjóri Símans, segir að ekki hafi komið til greina að fyrirtækið
sæti aðgerðalaust gagnvart þróun á markaði. Hann segir kaupin á enska boltanum
viðskiptalega ákvörðun en ekki pólitíska.
FROSTI BERGSSON
Stofnandi og stjórnarformaður Opinna
kerfa mun reyna að tryggja stöðu sína í
félaginu á hluthafafundi í dag.
GENGI GJALDMIÐLA
Bandaríkjadalur 72,71 1,13%
Sterlingspund 129,30 0,48%
Dönsk króna 11,80 0,15%
Evra 87,72 0,17%
Gengisvísitala krónu 122,33 0,10%
KAUPHÖLL ÍSLANDS - HLUTABRÉF
Fjöldi viðskipta 196
Velta 1.083 milljónir
ICEX-15 3.406 -0,13%
Mestu viðskiptin
Kaupþing Búnaðarbanki hf. 584.673
Opin kerfi Group hf. 341.460
Actavis Group hf. 51.279
Mesta hækkun
Flugleiðir hf. 1,74%
Fjárfestingarfélagið Atorka hf. 1,74%
Opin kerfi group hf. 1,51%
Mesta lækkun
HB Grandi hf. -1,43%
Medcare Flaga hf. -0,75%
Íslandsbanki hf. -0,50%
ERLENDAR VÍSITÖLUR
DJ * 10.271,0 -0,28%
Nasdaq * 1.381,0 0,44%
FTSE 4.563,8 0,29%
DAX 3.887,6 0,53%
NIKKEI 11.022,5 -1,18%
S&P * 1.118,2 0,34%
*Bandarískar vísitölur kl. 16.50
ÚTGERÐIR TAPA EKKI
Íslandsbanki segir að útgerðir þurfi ekki að
greiða meira í ár en áður í ríkissjóð vegna
veiðigjalds þar sem önnur gjöld falli niður
á móti.
Álögur á útgerðir:
Lægri vegna
veiðigjalds
SJÁVARÚTVEGUR Þrátt fyrir að út-
gerðir þurfi á þessu fiskveiðiári
að greiða veiðigjald í ríkissjóð
mun afnám annarra gjalda bæta
upp fyrir tapið. Breytingarnar
sem tóku gildi 1. september munu
því ekki hafa íþyngjandi áhrif.
Greiningardeild Íslandsbanka
segir í Morgunkorni í gær að út-
gerðir þurfi að greiða 935 milljón-
ir í veiðigjald á nýhöfnu fiskveiði-
ári. Hins vegar falla niður gjöld í
þróunarsjóð sjávarútvegsins og
veiðieftirlitsgjald. Þessi tvö gjöld
hefðu numið 1.077 milljónum
króna. Útgerðirnar greiða því 142
milljónum minna á þessu fisk-
veiðiári en þær hefðu gert ef
veiðigjaldið hefði ekki verið tekið
upp. ■
Sérfræðingar hjá greiningar-
deildum bankanna telja of
snemmt að segja til um hvaða
áhrif kaupin á hluta í Skjá ein-
um hafa á verð félagsins þegar
það verður selt.
Edda Rós Karlsdóttir, hjá
Landsbankanum, segir að við
þessar aðstæður sé tvennt sem
kemur til hækkun-
ar á fyrirtæki sem
kaupir. Annars
vegar geti verið að
kaupsamningar
hafi verið einkar
hagstæðir og hins
vegar geti verið að
nýir eigendur telji
sig geta skapað meiri verðmæti
úr fyrirtækinu heldur en þeir
sem seldu. Hún telur að í þessu
tilfelli sé um síðara tilvikið að
ræða.
„Hugsunin er væntanlega sú
að fjölga notendum breiðbands-
ins. Ef það tekst er líklegt að
þetta skili einhverju til fyrir-
tækisins,“ segir Edda Rós.
Þórður Pálsson hjá KB banka
getur heldur ekki sagt ákveðið til
um það hvort kaupin auki verð-
mæti Símans. „Það
er ekki augljóst að
kaupin komi til
með að hækka
verðmæti fyrir-
tækisins. Það kem-
ur væntanlega í
ljós en á þessari
stundu hef ég ekki
nægar upplýsingar til þess að
geta metið það,“ segir hann.
Atli B. Guðmundsson hjá
Íslandsbanka segist hins vegar
telja víst að
kaupin hafi lítil
áhrif á verð-
mæti Símans.
„Kjarni máls-
ins er sá að
Skjár einn er
mjög lítið fyrir-
tæki í saman-
burði við Sím-
ann. Ég get því ekki séð að þessi
kaup muni hafa veruleg áhrif á
verðlagningu félagsins þegar
það verður selt,“ segir Atli.
HAFLIÐI HELGASON
BLAÐAMAÐUR
FRÉTTAVIÐTAL
BRYNJÓLFUR BJARNASON
FORSTJÓRI SÍMANS
Óvíst um áhrif á
verð Símans
BRYNJÓLFUR BJARNASON FORSTJÓRI SÍMANS
Telur að kaup Símans á hlut í Skjá einum gefi félaginu færi á að sjá til þess að eftirsókn-
arvert efni sé til staðar í dreifingarleiðum sem byggðar hafa verið upp. Hann segir enga
pólitík liggja að baki ákvörðuninni.
EDDA RÓS
KARLSDÓTTIR
ÞÓRÐUR
PÁLSSON
ATLI B.
GUÐMUNDSSON