Fréttablaðið - 19.09.2004, Page 4

4 19. september 2004 SUNNUDAGUR
Umsækjendur um stöðu Þjóðleikhússtjóra ekki allir sáttir við umsögn Þjóðleikhúsráðs:
Helga er undrandi, Hallur ber sig vel
MENNING „Ég var mjög hissa að ég
skyldi ekki vera ein af þessum
sex, en eiginlega er ekkert annað
um það að segja,“ segir Helga
Hjörvar, forstöðumaður Norður-
landahússins í Færeyjum.
Hún er í hópi sautján umsækj-
enda um stöðu þjóðleikhússtjóra,
en þó ekki meðal þeirra sex sem
Þjóðleikhúsráð telur helst koma
til greina í embættið.
„Ég hef verið erlendis nú svo
lengi og taldi það kost að ég
kæmi að utan, en ég sé á listan-
um að stjórnunarreynsla er ekki
í hávegum höfð,“ segir Helga,
sem hefur langa reynslu af leik-
stjórn og leikhúsmálum auk þess
að hafa stýrt
Norðurlanda-
húsinu í Fær-
eyjum í fimm
ár.
Þeir um-
sækjendur sem
Þjóðleikhúsráð
mælir með í
umsögn sinni til
ráðherra eru
Árni Ibsen,
Hafliði Arn-
g r í m s s o n ,
Kjartan Ragnarsson, Kristín Jó-
hannesdóttir, Tinna Gunnlaugs-
dóttir og Þórhildur Þorleifsdóttir.
„Þetta kemur mér ekkert á
óvart,“ segir
Hallur Helga-
son og ber sig
m a n n a l e g a
þrátt fyrir að
vera einn þeir-
ra sem eru úti í
kuldanum. „Ég
hef vanist því
hlutskipti að
vera utan-
garðsmaður í
þessum geira
og kann því
bara ágætlega.“
„Ég ætla ekki að bregðast
neitt við þessu,“ segir aftur á
móti Kolbrún Halldórsdóttir, al-
þingismaður og leikstjóri, sem
einnig sótti um embættið.
Viðar Eggertsson, leikstjóri
og margreyndur leikhússtjóri,
vill ekkert segja um málið fyrr
en úrskurður ráðherra liggur
fyrir.
„Þetta er eiginlega í miðju
ferli. Þetta er enn í höndum ráð-
herra og eflaust á eftir að kalla
fólk í viðtöl, þannig að málið er
ekkert búið,“ segir Viðar.
Menntamálaráðherra skipar í
embættið fyrir næstu mánaða-
mót. Í ráðuneytinu verður farið
yfir bæði umsögn Þjóðleikhús-
ráðs og allar þær umsóknir sem
bárust. ■
Fólk vill ekki verkfall
Rúmlega 75 prósent fólks eru andvíg boðuðu verkfalli kennara. Það
sýnir ekki afstöðu þeirra til kennara né sveitarfélaganna. Kennari segir
umhugsunarvert hvort neikvætt tal um kennara grafi undan stéttinni.
SKOÐANAKÖNNUN Mikil andstaða
við fyrirhugað verkfall kennara
endurspeglar þann einlæga vilja
fólks að ekki komi til verkfalls,
segir Vilhjálmur Þ. Vilhjálms-
son, formaður stjórnar Sam-
bands íslenskra sveitarfélaga.
„Ég legg ekki það mat á niður-
stöðuna að í henni liggi einhver
afstaða til viðsemjenda,“ segir
Vilhjálmur. Skoðanakönnun
Fréttablaðsins sýnir að 76 prósent
þeirra sem tóku afstöðu eru and-
vígir boðuðu verkfalli kennara.
Jón Pétur Zimsen, grunn-
skólakennari í stjórn Kennarar-
félagi Reykjavíkur, er sammála
Vilhjálmi. Hann segir umhugs-
unarvert hvort neikvæð ummæli
um kennara hafi áhrif á niður-
stöðuna. „Menntamálaráðherra
sagði til dæmis í kvöldfréttum í
gær að kennarar væru greini-
lega til í langt verkfall. Ég veit
ekki um nokkurn kennara sem er
til í langt verkfall. Það grefur
undan kennarastéttinni þegar
forvígismaður menntamála læt-
ur hafa slíkt eftir sér í sjón-
varpi,“ segir Jón.
Anna María
Proppé, fram-
kvæmdastjóri
Heimili og
skóla – Lands-
samtaka for-
eldra, segir nið-
urstöðuna sýna
hversu víðtæk
áhrif kennara-
verkfall hafi á
heimili í land-
inu.
„Ég tel að
fólk haldi að
kennarar hafi
komið svo rosalega vel út úr síð-
ustu kjarasamningum. Ég lendi
iðulega í því að fá símtöl frá for-
eldum sem halda því fram. Þegar
grant er skoðað, miðað við upp-
lýsingar frá
kennurum, voru
þeir í launa-
frystingu á
meðan launa-
skrið var í land-
inu,“ segir Anna
María. Hún seg-
ir kennara því
reyna að trygg-
ja stöðu sína
fram í tímann,
sem sjáist á
kröfum þeirra.
Vi lh já lmur
segir enn mikið
bera á milli deilenda. „Við höfum
lagt á það áherslu að sveitar-
félögin semji við kennara á svip-
uðum forsendum og samið hefur
verið við aðrar starfsstéttir
þeirra í þjóðfélaginu. Við teljum
að sveitarfélögin hafi gert góðan
samning við kennara 2001 þegar
laun þeirra hækkuðu um rúm 40
prósent,“ segir Vilhjálmur:
„Kennarar eru greinilega ekki
sáttir við tilboð okkar sveitar-
félaganna en ég tel þau hafa gert
það sem þau telja rétt og skyn-
samlegast í núverandi stöðu.“
Jón segir kröfur kennara
sanngjarnar. Verkfall sé neyðar-
úrræði: „Kennurum finnst komið
nóg hvernig gengið er á þeirra
rétt. Illt tal um kennara er óverð-
skuldað.“
gag@frettabladid.is
Var rangt af Sigríði Önnu
Þórðardóttur að ráða karlkyns
aðstoðarmann?
Spurning dagsins í dag:
Gætir þú sætt þig við 216 þúsund í
heildarlaun á mánuði eftir þriggja ára
háskólanám?
Niðurstöður gærdagsins
á visir.is
63,11%
36,89%
Nei
Já
KJÖRKASSINN
Farðu inn á visir.is og segðu þína skoðun
visir.is
Kjarnorkuáætlun:
Íranar hætti
auðgun úrans
VÍN, AP Íranar verða að hætta
starfsemi sinni sem miðar að því
að auðga úraníum fyrir haustið ef
þeir vilja vera öruggir um að máli
þeirra verði ekki vísað til öryggis-
ráðs Sameinuðu þjóðanna sam-
kvæmt samþykkt Alþjóða kjarn-
orkumálastofnunarinnar.
Með þessu vill stofnunin koma
í veg fyrir að Íranar geti komið
sér upp kjarnorkuvopnum.
Bandaríkjamenn fögnuðu því að
árangur hefði náðst í baráttu
þeirra gegn kjarnorkuáformum
Írana. Írönsk stjórnvöld gerðu
hins vegar lítið úr mikilvægi sam-
þykktarinnar. ■
Heimastjórn:
Viðræður
út um þúfur
BRETLAND, AP Vonir um að takast
mætti að ná samkomulagi um
starfhæfa heimastjórn á Norður-
Írlandi í viðræðum sem lauk í gær
gengu ekki eftir en Bertie Ahern
og Tony Blair, forsætisráðherrar
Írlands og Bretlands, sögðu þó að
árangur hefði náðst. Þeir virkuðu
þó þreytulegir og vonsviknir á
blaðamannafundi.
Sambandssinnaflokkur Ian
Paisley neitar að mynda stjórn
með Sinn Fein, flokki kaþólikka,
nema IRA afvopnist fyrst að fullu.
Að auki vilja sambandssinnar
breytingar á stjórnsýslu Norður-
Írlands sem fulltrúar annarra
flokka gátu ekki sætt sig við. ■
Kennaraverkfall:
Forvarnar-
fulltrúi óttast
afleiðingar
FORVARNIR Verkefnisstjóri sjálfs-
vígsforvarna hjá Landlæknisemb-
ættinu kveðst hafa áhyggjur af
áhrifum verkfalls kennara í
grunnskólum, ef til þess kemur nú
strax eftir helgina.
„Nemendur í 9. og 10. bekk í
grunnskólunum standa á miklum
tímamótum. Þeir eru fullorðnir og
börn í bland,“ sagði Salbjörg
Bjarnadóttir, verkefnisstjóri
„Þjóðar gegn þunglyndi“ og
sjálfsvígsforvarna hjá Landlækn-
isembættinu.
„ Við vitum að það hefur komið
los á marga nemendur í kjölfar
verkfalla. Þeir hafa átt erfitt með
að finna sig aftur í skólanum og
lent í ýmiss konar vandræðum.“ ■
BRETLAND Ári áður en innrásin í Írak
hófst var búið að vara Tony Blair,
forsætisráðherra Bretlands, við því
að ekki væri hægt að tryggja stöð-
ugleika í stjórnarfari Íraks öðru
vísi en að hafa fjölmennt herlið í
landinu í mörg ár eftir að innrás
lyki. Frá þessu greindi breska dag-
blaðið Daily Telegraph sem komst
yfir leyniskjöl um aðdraganda inn-
rásarinnar.
Jack Straw, þáverandi utanrík-
isráðherra Bretlands, skrifaði
Blair bréf í mars 2002 þar sem
hann varaði við því að innrás í Írak
myndi leiða til margvíslegra
vandamála. Í bréfinu sagði hann að
enginn væri með það á hreinu hvað
kæmi til með að gerast eftir innrás.
„Enginn hefur svarað því á full-
nægjandi hátt hvernig ábyrgjast
megi að ný ríkisstjórn verði eitt-
hvað skárri en sú sem er fyrir,“
sagði Straw í bréfi sínu til Blair.
Embættismenn vöruðu við því
að eina leiðin til að hægt væri að
kalla herinn heim fljótlega eftir
innrás væri að koma öðrum ein-
ræðisherra til valda þegar
Saddam Hussein væri steypt af
stóli. Það tryggði þó ekki að Írak-
ar kæmu sér ekki upp gjöreyðing-
arvopnum. ■
Breskir embættismenn spáðu rétt fyrir um vandræði í Írak:
Blair varaður við upplausninni
HALLUR HELGASON
Stjórnandi Loftkast-
alans kann því
ágætlega að vera
utangarðs í leikhús-
geiranum.
HELGA HJÖRVAR
„Ég sé á listanum að
stjórnunarreynsla er
ekki í hávegum
höfð.“
ÞUNGIR Á BRÚN
Niðurstaða fundarins var vonbrigði fyrir
Bertie Ahern og Tony Blair.
BRESKIR HERMENN Í ÍRAK
Utanríkisráðuneytið sagði Blair að herinn gæti ekki snúið aftur frá Írak fyrr en mörgum
árum eftir innrás.
YFIRGNÆFANDI ANDSTAÐA VIÐ BOÐAÐ VERKFALL KENNARA
76 prósent fólks eru á móti boðuðu verkfalli kennara. Talið er að afstaðan sé ekki tekin
gegn málstað kennara eða sveitarfélaga heldur gegn verkfallinu sjálfu og þeirri röskun
sem það valdi.
ANNA MARÍA
PROPPÉ
„Verkföll kennara
bitna beint á heim-
ilunum og sam-
félaginu öllu.“
JÓN PÉTUR
ZIMSEN
„Verkfall er neyðar-
úrræði. Illt tal um
kennara er óverð-
skuldað.“
Sprellifandi lík:
Hringing
að handan
KANADA, AP Dóttir Dane Squires
fékk taugaáfall þegar faðir henn-
ar hringdi í hana. Hún var þá
stödd í útför þar sem ættingjarn-
ir töldu sig vera að kveðja
Squires í hinsta sinn.
Atvikið má rekja til þess að
maður varð fyrir lest í Toronto í
Kanada fyrir viku. Lík hans var
mjög illa leikið en lögregla taldi
sig geta borið kennsl á líkið eftir
lýsingu á líkamsbyggingu
Squires. Ættingjar Squires fengu
líkið því í hendur og voru við-
staddir útförina þegar hringt var
á útfararheimilið. Þar var
Squires sjálfur á ferð. Hann
frétti fyrst af málavöxtum þegar
hann las andlátstilkynningu sína
í blaði.
Ekki er vitað af hverjum líkið
er. ■