Fréttablaðið - 05.10.2004, Blaðsíða 16
16 5. október 2004 ÞRIÐJUDAGUR
VILJA AFSÖGN SJÓÐSSTJÓRA
Filippseyskir ríkisstarfsmenn eru allt annað
en sáttir við yfirmann eftirlaunasjóðs
þeirra. Sá er sakaður um að hafa farið illa
með fé sjóðsfélaga sem krefjast nú af-
sagnar hans. Óeirðalögreglan tók sér
stöðu og var við öllu búin ef upp úr syði.
Metfjöldi nýrra kjósenda bætist á kjörskrá:
Sjaldan meiri
kosningaáhugi
BANDARÍKIN Starfsmenn kosninga-
stjórna víða í Bandaríkjunum
höfðu vart undan í gær þegar
fjöldi fólks streymdi á skrifstofur
kosningastjórna og sýslumanns-
embætta til að skrá sig á kjörskrá.
Víðast hvar í Bandaríkjunum er
sömu sögu að segja, mun meira er
um nýskráningar kjósenda en
fyrir fjórum árum og skráninga-
met falla í hrönnum.
Matt Damschroder, sem ber
ábyrgð á skráningum í Columbus í
Ohio-ríki, sagði í New York Times
að aðsókninni mætti helst líkja við
örtröðina þegar frestur til að skila
skattaskýrslum rennur út. Hann
hefur ráðið inn aukastarfsfólk til
að anna álaginu og lét afgreiða fólk
utandyra til að anna álaginu.
Frestur til að skrá sig á kjör-
skrá rann út í átta ríkjum um helg-
ina og þegar vikan er úti verður
orðið of seint að skrá sig í 39 ríkj-
um. Þeirra á meðal er Pennsylvan-
ía, fjölmennasta ríkið þar sem
hvorki George W. Bush né John
Kerry hafa náð óyfirstíganlegu
forskoti á andstæðinginn. Þar rann
skráningarfrestur út í gær, líkt og
í New Jersey og Oregon.
Einungis sex ríki gefa fólki kost
á að bæta nafni sínu á kjörskrá á
kjördag. ■
ALÞINGI Endurbótunum sem staðið
hafa yfir í allt sumar í Alþingis-
húsinu er lokið í bili. Upphaflega
var gert ráð fyrir að kostnaður við
þær næmi um 75 milljónum króna
en endanlegur kostnaður liggur
ekki fyrir. Þó er ljóst að reikning-
urinn verður í það minnsta 100
milljónir króna.
Alþingi kynnti framkvæmdirn-
ar á blaðamannafundi í gær en um
þriðja hluta heildarendurbóta
hússins er að ræða. Nauðsynlegt
var að brjóta upp gólfplötur á
jarðhæð hússins og skipta um
jarðveg undir þeim en verulegar
rakaskemmdir voru farnar að
gera vart við sig. Að öðru leyti
hefur verið reynt að færa húsið
því sem næst í sitt upprunalega
horf. Þannig er búið að mála þing-
flokksherbergi í bjartari litum,
fjarlægja gólfteppi svo að gólf-
fjalir eru komnar í ljós og taka
upp ljósakrónur og gömul hús-
gögn sem áður voru í geymslu.
Arkitektar hjá Batteríinu sáu um
hönnun en Ístak annaðist fram-
kvæmdirnar.
Gert var ráð fyrir að kostnaður
við verkið yrði um 75 milljónir
króna en eins og þegar hefur kom-
ið fram í Fréttablaðinu verður
hann að minnsta kosti 100 milljón-
ir króna, eða þriðjungi hærri en
áætlað var. Meðal skýringa sem
Halldór Blöndal, forseti Alþingis,
tilfærði voru ófyrirséðir þættir á
borð við jarðvegsskiptin og þing-
hald sumarsins en vegna sumar-
þingsins varð verktakinn að ráð-
ast í kostnaðarsaman bráða-
birgðafrágang.
Endanlegur kostnaður liggur
ekki fyrir og sagði Halldór að ekk-
ert óeðlilegt væri við það þar sem
svo skammt væri frá lokum fram-
kvæmda. Halldór sagði að þegar
farið væri í endurbætur á svo
gömlum húsum, sérstaklega í
Kvosinni þar sem flóðs og fjöru
gætir í kjöllurum, ætti að gera ráð
fyrir verulegum skekkjumörkum.
Aðspurður hvort slík kostnað-
arhækkun væri viðunandi svaraði
Halldór því til að það eina sem
væri viðunandi þegar gert væri
við svo gamalt hús væri að það
væri vel gert. „Útboð eru ágæt til
síns brúks en stundum taka þau
ekki yfir alla hluti, það er alveg
ljóst,“ bætti þingforsetinn við.
sveinng@frettabladid.is
SPRENGINGAR Í INDLANDI Að
minnsta kosti ellefu manns fór-
ust og þrjátíu særðust í spreng-
ingum í norðausturhluta Ind-
lands í gær. Alls hafa 67 manns
látist á svæðinu undanfarna
daga. Aðskilnaðarhreyfingin The
National Democratic Front of
Bodoland er talin bera ábyrgð á
sprengingunum. Hreyfingin
berst fyrir sjálfstæði Bodo-
fólksins í borginni Assam.
HVETJA FÓLK TIL AÐ KJÓSA
Bruce Springsteen og Michael Stipe eru meðal þeirra sem hafa hvatt fólk til að kjósa.
Áhugi fyrir kosningunum er meiri en oftast áður.
AKRANES
Kaldavatnið kemur eftirleiðis frá Reykjavík.
Skagamenn fá vatn úr
Reykjavík:
Vatnið sótt
sjóleiðina
VATNSBÚSKAPUR Akurnesingar
munu framvegis drekka kalt vatn
sem kemur til þeirra um leiðslu
frá Reykjavík enda annar vatns-
ból þeirra í Akrafjalli ekki lengur
eftirspurn bæjarfélagsins. Nýja
lögnin liggur á hafsbotni um 17
kílómetra leið og á um 35 metra
dýpi. Hún verður tekin í notkun í
næstu viku, að því er fram kemur
í héraðsfréttablaðinu Skessuhorni.
Orkuveita Reykjavíkur hefur
staðið fyrir endurbótunum í allt
sumar. Rennsli á köldu vatni hefur
verið afar lítið í ákveðnum bæjar-
hlutum á Akranesi og ætti það að
standa til bóta með þessum breyt-
ingum. ■
■ ASÍA
HALLDÓR BLÖNDAL Í ÞINGFLOKKSHERBERGI SJÁLFSTÆÐISMANNA
Arkitektar skröpuðu sig niður á upprunalegt málningarlag og sáu sér til furðu að herbergi sjálfstæðismanna var í fyrndinni blátt.
FR
ÉT
TA
B
LA
Ð
IÐ
/G
VA
Kostnaður við end-
urbætur enn á huldu
Enn er ekki ljóst hvað síðustu framkvæmdir við Alþingishúsið munu
kosta en ljóst er að þær fara í það minnsta þriðjung fram úr áætlunum.
Með endurbótunum er horfið aftur til upprunalegs útlits hússins.
ALÞINGISHÚSIÐ ENDURBÆTT
Þinghúsið hefurr tekið talsverðum beytingum eftir að iðnaðarmenn hafa farið höndum
um innviði þess, en meðal annars þurfti að laga gólf í húsinu vegna skemmda af völdum
raka og jarðskjálfta.
Þorlákshöfn:
Grunur um
misbeitingu
LÖGREGLA Maður var handtekinn í
Þorlákshöfn grunaður um innbrot í
hesthús og um að hafa níðst kyn-
ferðislega á skepnunum. Að sögn
lögreglunnar á Selfossi tilkynntu
hesthúsaeigendur um innbrotið og
lýstu grunsemdum sínum.
Manninum var sleppt í gær að
loknum yfireyrslum þar sem hann
neitaði sakargiftum. Lögregla seg-
ir málið í rannsókn, meðal annars
með tilliti til þess hvort ekki sé
hægt að hreinsa manninn af alvar-
legu sakargiftunum.
Páll Stefánsson, dýralæknir hjá
Dýralæknaþjónustunni að Stuðlum
skoðaði hrossin og sagði þau við
ágæta heilsu og bera ekki merki
um misbeitingu af neinu tagi. ■
FR
ÉT
TA
B
LA
Ð
IÐ
/V
IL
H
EL
M