Fréttablaðið - 05.10.2004, Blaðsíða 23

3ÞRIÐJUDAGUR 5. október 2004
Ég skrifa þessa stuttu útskýringu á
hugtakinu gúrú vegna ofnotkunar
og misnotkunar þess í fjölmiðlum
síðastliðin ár og mánuði. Orðið
gúrú er upphaflega úr sanskrít og
þýðir sá sem ryður burt myrkri
með ljósi eða sá sem ryður burt
þoku. Gúrú er sá sem hjálpar ein-
staklingi að sjá hlutina skýrar.
Gúrú er ekki bara kennari eins og
sumir vilja halda fram. Aukin
þekking skilar ekki endilega hug-
ljómun. Sjálfskipaðir gúrúar eru í
öllum tilfellum falskir. Kennari
verður einungis gúrú þegar nem-
andinn opnar sig algjörlega fyrir
kenningum hans og upp hefst eins
konar vitundarvakning. Margir
nemendur geta setið og hlustað á
sama kennarann en sökum þess að
þeir eru misjafnlega móttækilegir
sjá sumir gúrú á meðan aðrir sjá
venjulega manneskju. Aðstæður
geta einnig þjónað sem gúrú ef
þær hjálpa einstaklingnum við
stórfellda vitundarvakningu. Þeg-
ar nemandinn er reiðubúinn birtist
gúrúinn. Notkun á orðinu gúrú í
fjölmiðlum er yfirleitt á misskiln-
ingi byggð og því miður virðist orð-
ið oft vera notað í niðrandi merk-
ingu. Útskýring mín á hugtakinu
gúrú er á engan hátt tæmandi en
gefur lesendum vonandi smá inn-
sýn. Til að forðast allan misskiln-
ing vil ég taka fram að ég lít ekki á
mig sem gúrú. Ég er einungis
kennari. ■
Líkami og sál
GUÐJÓN BERGMANN, JÓGAKENNARI
OG RITHÖFUNDUR, SKRIFAR UM
HEILSU LÍKAMA OG SÁLAR.
Gúrú?
gbergmann@gbergmann.is.
Örvar efnaskipti
í líkamanum
Dregur úr
vökvauppsöfnun.
FÆST Í APÓTEKUM,
FJARÐARKAUP
OG HAGKAUP.
FUTURA EPLACIDER
Lyfja Lágmúla og Lyfja Smáratorgi
Opið alla daga kl.
[ REYKINGAR KVENNA ]
Minnka um 10%
Reykingar íslenskra kvenna hafa dregist saman um 10% á 13 árum. Þetta kemur fram
í fréttapistli heilbrigðisráðuneytisins. Fjórðungur íslenskra karlmanna reykti daglega
árið 2003 á móti 19% íslenskra kvenna samkvæmt samnorrænni rannsókn á reyking-
um Norðurlandabúa. Árið 2003 reyktu 18% sænskra kvenna, 24% danskra kvenna og
25% kvenna í Noregi. Reykingar kvenna hafa dregist allmikið saman á undanförnum
árum á Norðurlöndum fyrir utan Finnland.
Karlar á Norðurlöndunum reykja alls staðar meira en konur nema í Svíþjóð. Þar reykja
17% karlmanna og 18% kvenna miðað við upplýsingar ársins 2003. Svíþjóð er fyrsta
iðnvædda landið sem hefur náð því markmiði Alþjóðaheilbrigðismálastofnunarinnar
að innan við 20% af hvoru kyni reyki. Að einhverju leyti kann þetta að skýrast af notk-
un Svía á munntóbaki (snus) því nú eru fleiri sænskir karlar sem nota það en þeir sem
reykja. Síðast þegar þetta var skoðað kom í ljós að 20% sænskra karla notuðu ,,snus“
og af þeim hópi hafði rúmur helmingur reykt áður.
■ LEIÐRÉTTING
Í tengslum við viðtal sem birt var við Kriszt-
inu G. Agueda í síðustu viku skal tekið fram
að að Fitball-boltarnir sem hún talar um fást
einungis hjá P. Ólafsson í Hafnarfirði en ekki
í öllum íþróttaverslunum eins og skrifað var.
Frekari upplýsingar eru á vefsíðunni hreyfi-
land.is.
Laugar stækka:
Ævintýrið
heldur áfram
„Með þessu gefum við jógatímun-
um og annarri heilsurækt sem þess
þarfnast meira næði,“ segir Hafdís
Jónsdóttir, betur þekkt sem Dísa í
World Class, en á efri hæðinni í
Laugum verða nýir og stærri salir,
meðal annars lokaður jógasalur.
Hún segir um 700 fermetrum á efri
hæðinni hafa verið óráðstafað og
staðið til að leigja út. „Okkur hefur
verið tekið svo gríðarlega vel að við
ætlum að taka húsnæðið sjálf. Gef-
ur þetta okkur tækifæri til að hafa
salina stærri og gefa tækjasalnum
meira rými,“ segir Dísa.
„Ég heyri á fólki sem kemur
hingað til okkar að það sé sérstak-
lega ánægt með fjölbreytnina og
hingað getur öll fjölskyldan komið
saman. Ein mamman hérna hjá okk-
ur mætir með dóttur sína í frístæl á
meðan hún fer í sparkbox og mað-
urinn hennar í tækjasalinn.“
Auk stækkunar í Laugardaln-
um opnar World Class líkams-
ræktarstöð í húsi Orkuveitunnar
sem opin verður alla virka daga.
„Ævintýrið heldur áfram,“ segir
Dísa og brosir. ■
Hafdís Jónsdóttir, betur þekkt sem Dísa
í World Class, segir ævintýrið halda
áfram.
- mest lesna blað landsins
Á MIÐVIKUDÖGUM

Sparnaður, hlutabréf, lífeyrir ofl.

Auglýsingasíminn er 550 5000

auglysingar@frettabladid.is