Fréttablaðið - 22.10.2004, Blaðsíða 16

16 22. október 2004 FÖSTUDAGUR
SÉRSTÆÐ FEGURÐ
Fjaðrir páfuglsins voru aðalsmerki þessarar
fyrirsætu á Alþjóðlegu fegurðarhátíðinni
sem nú stendur yfir í Peking í Kína. Mark-
mið hátíðarinnar er að byggja upp snyrti-
vöru- og tískumarkaðinn í Kína auk þess
að kynna nýja strauma í hárgreiðslu.
Svifryk:
15 sinnum yfir viðmið
UMHVERFISMÁL Svifryk í andrúms-
lofti í Reykjavík fór fimmtán
sinnum yfir viðmiðunarmörk á
síðasta ári, oftar en nokkru sinni
áður. Þetta kemur fram í skýrslu
Umhverfisstofu Reykjavíkur.
Talið er að aukin notkun bíla og
breytt veðurfar í borginni hafi
haft þessi áhrif.
Svifryk mælist mest á þurr-
viðrisköflum að vetrarlagi þegar
jörð er snjólaus. Í og í kringum
Reykjavík myndast rykið vegna
slits á malbiki undan nagladekkj-
um, dísilreyk, jarðvegsrofi á heið-
um austan borgarinnar og salti
sem berst frá sjónum.
Svifryk getur haft skaðleg
áhrif á heilsu manna, sér í lagi
fólks með langvinna lungnasjúk-
dóma.
Taflan hér að neðan sýnir að
svifryk á höfuðborgarsvæðinu
hefur aukist til mikilla muna á
síðustu árum. - ghg
Vilja reka verslun
á svæði Nóatúns
Tiltekið matvöruverslunarfyrirtæki kannar réttarstöðu sína í Grafarholti. Vill fá að opna
verslun á sama svæði og Nóatún sem fær að reka verslun þar vegna mistaka í aðalskipulagi.
BORGARMÁL Matvöruverslunarfyrir-
tæki er nú að kanna hvort það geti
fengið heimild til reksturs verslun-
ar á sama svæði í Grafarholti og
Nóatún rekur nú verslun. Júlíus
Vífill Ingvarsson, lögfræðingur hjá
lögmannstöfunni Lögvernd, segist
ekki geta sagt hvaða fyrirtæki sé
um að ræða.
Fréttablaðið greindi frá því í
fyrradag að Steinunn Valdís Ósk-
arsdóttir, formaður skipulags- og
byggingarnefndar, teldi að vegna
mistaka embættismanna hefðu
Gullhamrar ehf. fengið verslunar-
leyfi við Þjóðhildarstíg við rætur
holtsins. Gullhamrar leigja Nóa-
túni húsnæðið. Í Fréttablaðinu í
gær sagði Salvör Jónsdóttir, sviðs-
stjóri skipulags- og byggingar-
sviðs, að mistökin væru fólgin í því
að ekki hefði verið nægilega skýrt
kveðið á um það í aðalskipulagi að
óheimilt væri að reka verslun ann-
ars staðar í Grafarholti en við
Kirkjustíg, verslunarkjarnanum
efst á holtinu. Hún sagði að nú væri
búið að breyta aðalskipulaginu og
fyrirbyggja að hægt væri að opna
matvöruverslun annars staðar en
við Kirkjustíg.
„Það er alveg ljóst að stjórn-
málamenn geta ekki varpað ábyrgð
gerða sinna yfir á embættismenn,“
segir Júlíus Vífill. „Það hefur auk
þess enga lagalega þýðingu þótt
einhverjir borgarfulltrúar lýsi því
yfir eftir á að gerð skipulags hafi
verið gallað og að um mistök hafi
verið að ræða. Hvað verður þá um
réttaröryggi á þessu sviði? Gerð
aðalskipulags fær vandaða með-
ferð í borgarkerfinu til að fyrir-
byggja að það geti komið upp álita-
mál síðar meir varðandi gildi
þess.“
Júlíus Vífill segir að tiltekið
matvöruverslunarfyrirtæki hafi
falið honum að skoða málið.
„Ég er að skoða það með tillit til
þess hvort heimild til reksturs mat-
vöruverslunar Nóatúns við Þjóð-
hildarstíg hafi skapað öðrum rétt
til að hefja samskonar rekstur í ná-
grenninu. Þar kemur til dæmis til
greina jafnræðisreglan en það
getur verið á brattann að sækja í
þessum málum.“
Salvör sagðist í Fréttablaðinu í
gær ekki telja að borgin væri að
brjóta jafnræðisregluna.
trausti@frettabladid.is
VEÐUR Það hefur verið óvenju fjöl-
mennt á bílaþvottaplönum borg-
arinnar undanfarið. Sjór sem
hefur gengið yfir borgina í hvass-
viðrinu undanfarna daga hefur
skilið eftir sig seltu á bílum og
húsum.
Stefán Ásgrímsson, ristjóri
FÍB blaðsins, segir áhyggjur
fólks skiljanlegar þar sem nýir
bílar séu yfirleitt önnur stærsta
fjárfesting heimilanna. Það
skipti því miklu máli að annast þá
sæmilega. „Seltan gerir engan
skaða ef bílar eru bónaðir með
slitsterku bóni. Besta ryðvörnin
er að halda bílnum hreinum og
vel bónuðum.“ ■
Danski þingmaðurinn:
Útskúfaður
úr flokknum
DANMÖRK Danski þingmaðurinn,
Flemming Oppfeldt, sem grunaður
er um kynferðislega misnotkun á
13 ára dreng, hefur verið tekinn af
lista frambjóðanda Venstre flokks-
ins til þings. Formaður kjörnefnd-
ar í Lyngby, kjördæmis Oppfeldts,
segir að Oppfeltd hafi ekki verið
rekinn, enda hafi hann ekki enn
verið dæmdur. Ákvörðun kjör-
stjórnar hafi veirð tekin af póli-
tískum ástæðum.
Oppfeldt sagði sig úr þingflokki
Venstre um leið og rannsókn máls-
ins var gerð opinber á þriðjudag.
Hann hefur einnig verið rekinn úr
embætti sem formaður samtaka
Evrópusinna, að því er fram kem-
ur í dönskum fjölmiðlum.
Oppfeldt er einnig grunaður um
að hafa haft og gert tilraun til sam-
ræðis við aðra unga drengi. Opp-
feldt neitar sök. - sda
Steinunn Valdís Óskarsdóttir:
Ekki brot á jafnræðisreglu
BORGARMÁL Að synja
fyrirtæki um leyfi til að
reka verslun á svæði þar
sem Nóatún rekur versl-
un í Grafarholti er ekki
brot á jafnræðisreglu að
sögn Steinunnar Valdísar
Óskarsdóttur, formanns
skipulags- og bygginga-
nefndar Reykjavíkur.
Steinunn segir að frá
upphafi hafi það verið
skýr vilji borgaryfir-
valda að byggja upp
verslunarkjarna við
Kirkjustétt uppi á Graf-
arholti. Hugsunin hafi alltaf verið
sú að aðeins ætti að heimila rekst-
ur matvöruverslunar þar. Þegar
aðalskipulagi hafi verið breytt
þannig að ekki þurfti lengur að
sækja um sérstakt leyfi fyrir versl-
unarrekstur hafi verið gerð á-
kveðin mistök. Ekki hafi
verið nægilega vel skil-
greint í skipulaginu hvar
mætti reka verslun og því
hafi borgaryfirvöld þurft
að veita Nóatúni verslun-
arleyfi. Hún segir að
þessu hafi strax verið
kippt í liðinn og skilgrein-
ingin þrengd.
Aðspurð hvort lögmál
hins frjálsa markaðar eigi
ekki ríkja svo fyrirtæki
geti opnað verslanir á
þeim athafnasvæðum sem
þau telji arðbær segir hún:
„Við erum að reyna að reyna að
skipuleggja hverfin þannig að þau
séu lífvænleg fyrir fólkið. Þannig
að gamalt fólk og unglingar geti til
dæmis sótt þjónustuna á auðveldan
hátt.“
- th
EKKI HÆGT AÐ VARPA ÁBYRGÐINNI YFIR Á EMBÆTTISMENN
Júlíus Vífill Ingvarsson, lögfræðingur og fyrrverandi borgarfulltrúi Sjálfstæðisflokksins, segir
að það hafi enga lagalega þýðingu þótt einhverjir borgarfulltrúar lýsi því yfir eftir á að
gerð skipulags hafi verið gölluð og að um mistök hafi verið að ræða.
STEINUNN VALDÍS
Erum að reyna að gera
hverfin lífvænleg fyrir
fólkið.
Hvassviðri:
Bílar víða ataðir salti
Á BÍLAÞVOTTAPLANI
Sjór sem gengur yfir borgina skilur eftir sig
seltu á bílum.
FR
ÉT
TA
B
LA
Ð
IÐ
/V
IL
H
EL
MFJÖLDI DAGA ÞAR SEM
SVIFRYKSMENGUN FER YFIR
VIÐMIÐUNARMÖRK:
1994 1
1996 0
1999 2
2000 7
2001 0
2003 15