Fréttablaðið - 22.10.2004, Blaðsíða 39
27FÖSTUDAGUR 22. október 2004
Kennararnir, Ásta og heimavinnan
Ýmislegt bendir til þess að stjórn-
málamenn séu stór börn. Bæði
börn og stjórnmálamenn hafa
gaman af því að fara í ýmiss kon-
ar leiki. Þessi leikjaáhugi stjórn-
málamannana kemur ekki síst
fram um þessar mundir í kjara-
deilu sveitarfélaganna við kenn-
ara. Sá leikur sem er vinsæll hjá
stjórnmálamönnunum um þessar
mundir er feluleikur. Feluleikur
þessi sem stjórnmálamennirnir
stunda felst í því að hverfa á braut
um leið og vitað er til þess að ein-
hver kennari eða kannski foreldri
barna á grunnskólaaldri þurfi að
ná tali. Þá getur nú verið gott að
eiga marga felustaða hérlendis
sem erlendis. Þeir leika því annan
leik nú en þeir gera fyrir kosning-
ar þegar þeir fara í eltingarleik og
reyna að klukka sem flesta kjós-
endur. Þá fær maður hvorki frið á
heimili né vinnustað fyrir vel
greiddum, snýttum og skeindum
stjórnmálamönnum með enda-
lausan loforðalista um betri tíð
með blóm í haga.
Annar leikur sem er ekki síður
vinsæll hjá stjórnmálamönnum er
„órökstuddi frasaleikurinn“. Þessi
leikur felst í því að segja eitthvað
rosalega töff og flott og setja
punkt fyrir aftan án þess að nokk-
ur rök fylgi máli. Fjölmiðlamenn
eru ansi duglegir í að viðhalda
þessum „órökstudda frasaleik“
með því að biðja hvorki um rök né
ástæður fyrir því sem sagt er.
Ágætt dæmi um stjórnmála-
mann sem er fær í þessum „órök-
studda frasaleik“ er Ásta Möller,
varaþingmaður Sjálfstæðisflokks-
ins. Í Fréttablaðinu 13. október sl.
er hún spurð að því hvernig leysa
skuli kennaradeiluna eins og
Fréttablaðið kemst að orði en
mætti allt eins kalla sveitarfé-
lagadeiluna. Að sjálfsögðu stend-
ur ekki á svari frekar en hjá öðr-
um stjórnmálamönnum enda felst
leikurinn í því að betra er að svara
einhverju heldur en engu, hvort
sem eitthvað vit er í svarinu eður
ei. Og í svari sínu segir hún m.a.:
„Það skortir kannski helst á að
kennarar hafi unnið heimavinn-
una áður en þeir fóru út í kjara-
baráttu“. Ekki ætla ég að leggja
mat á það hvort kennarar unnu
heimavinnuna sína eða ekki. Hins
vegar sakna ég þess að Ásta færi
lesendum rök fyrir því á hvern
hátt kennarar svikust um að vinna
heimavinnuna fyrir margumtal-
aða kjarabaráttu. Hún segir ekk-
ert meira um umrædda heima-
vinnu kenara. Lesendur eiga
heimtingu á því að stjórnmála-
menn sem hafa skoðanir á öllum
sköpuðum hlutum færi rök fyrir
því sem þeir segja og það er mín
skoðun að gagnrýnir blaðamenn
eigi að spyrja viðmælendur sína
um rök og ástæður þess sem þeir
segja.
Ýmsa aðra leiki mætti nefna
sem stjórnmálamenn leika nú um
þessar mundir eins og „mér kem-
ur málið ekki við“-leikinn og „já
þýðir nei og nei þýðir já“-leikinn.
Ekki verður farið í að útlista nán-
ar þessa skemmtilegu leiki né
aðra leiki sem stjórnmálamenn
iðka.
Einn leikur sem stjórnmála-
menn eru flinkir í er reyndar ekki
stundaður um þessar mundir og
það er „grátbiðja um stuðning“-
leikurinn. Til þess er of langt í
kosningar.
Höfundur er kennari í Réttar-
holtsskóla.
AF NETINU
Herferð gegn nýnasistum
Íslendingar líta oft upp til Svía og hafa
sótt margar fyrirmyndir til þeirra gegnum
tíðina. Svíar hafa talið sig búa í miklu
réttarríki sem væri fyrirmynd annarra
landa í þeim efnum. Í fyrra tóku stærstu
blöð Svíþjóðar, Aftonbladet og Ex-
pressen sig saman og birtu myndir, nöfn
og upplýsingar um búsetu um 60
manna hóps sem sagður er mynda
kjarnann í sænskum nýnasistasamtök-
um. Að mati fjölmiðlanna voru þessi
samtök orðin það mikil ógn við sænskt
réttarríki að þrátt fyrir gríðarlega sam-
keppni milli blaðanna á markaðnum þá
sameinuðust þau um að birta þennan
lista til að vekja sem mesta athygli á þró-
un nýnasismans í Svíþjóð. Í umræðum
um þetta mál í Svíþjóð eftir myndbirt-
ingu blaðanna minntist ekki nokkur
maður á að lög um persónuvernd hefðu
verið brotin það ég sá, en umræðan
snerist fyrst og fremst um ágæti þessa
framtaks blaðanna.
Gunnlaugur Júlíusson á hrifla.is
Góð stemning
Stemmningin í íslensku efnahagslífi er
eins og á góðum rokktónleikum. Fast-
eignaverð hefur hækkað nær látlaust
síðan 1997 og hlutabréfaverð hefur
hækkað upp úr öllu valdi frá ársbyrjun
2003.
Eggert Þór Aðalsteinsson á deiglan.com
UMRÆÐAN
JÓHANN BJÖRNSSON SKRIFAR UM
VIÐBRÖGÐ VIÐ VERKFALLI
KENNARAR MÓTMÆLA Fjöldi kennara safnaðist saman fyrir utan Karphúsið til að mót-
mæla seinagangi í samningaviðræðum.