Fréttablaðið - 22.10.2004, Blaðsíða 20

H
V
ÍT
A
H
Ú
S
IÐ
/
S
ÍA
gildir nú í allar utanlandsferðir
MasterCard ferðaávísunin
kreditkort.is
Nú getur þú notað MasterCard ferðaávísun í allt millilandaflug; pakkaferðir, áætlunar-,
leigu- eða netflug, hjá þeim ferðaskrifstofum og flugfélögum sem taka við ávísuninni, hvert
sem ferðinni er heitið
Sæktu um MasterCard kort með ferðaávísun* í hvaða banka eða sparisjóði sem er og þín
bíður 5.000 króna ferðaávísun við afhendingu korts.
Í hvert skipti sem þú notar kortið aukast líkurnar á að þú vinnir 500.000 króna ferðaávísun
til að fara í þína draumaferð.
Nú er því rétti tíminn til að fá sér MasterCard.
*Fylgir ákv. kortategundum
„Þeir sem stjórna hér þurfa að fara að
komast að því að það eru fleiri sem
þurfa að lifa af á Íslandi en verðbréfa-
miðlar og ráðamenn,“ segir Birgir
Hólm Björgvinsson sjómaður, spurður
um hvað honum finnist um verkfall
kennara.
„Það lifir enginn á 150 þúsund kallin-
um nú á dögum. Ég ætla að vona að
kennararnir standi sig enda er þetta
kjarabarátta sem þarf að heyja. Ég er
hrifinn af því sem kennarar eru að gera
og samtakamáttur þeirra er mikill,“
segir Birgir.
„Kennararnir virðast standa allir sem
einn í þessari deilu og mættu aðrir taka
þá til fyrirmyndar. Allir launþegar ættu
að gera það,“ segir
hann. Birgir segist
vona að kennarar fái
kröfur sínar uppfylltar
í deilunni. Þeir eigi
fyllilega skilið þá
hækkun sem þeir eru
að fara fram á.
Aðspurður segir
Birgir það fáránlegt ef sett yrðu lög
gegn verkfallinu. „Við höfum oft orðið
fyrir þessu sjálfir, sjómenn, og lent í
miklum slag vegna þess,“ segir Birgir.
„Það stendur aldrei á þingmönnum og
ráðherrum þegar þeir þurfa hærri laun
sjálfir. Þá rennur allt í gegn og enginn
segir orð. En þegar einhver, eins og
kennarar, ætlar að fá meira salt í graut-
inn verður allt vitlaust. Ráðamenn ættu
að hugsa sinn gang,“ segir Birgir.
„Sveitarfélögin verða að leggja fram
meira fé til skólanna. Þau eru búin að
gera samning við ríkið og sá samning-
ur á að standa. Það þýðir ekki fyrir
sveitarfélögin að væla vegna þess og
kenna öðrum um að ekki sé hægt að
leysa deiluna,“ segir Birgir. -sda
HEILBRIGÐISMÁL Það kostar 95 þús-
und krónur að kryfja lík á Land-
spítala – háskólasjúkrahúsi. Inni-
falið er líkskurður, vefjarann-
sóknir, sýkla- og veirurannsóknir,
skýrslugerð og samskipti málsað-
ila. Magaspeglun kostar hins
vegar 6.152 krónur og viðtal og
skoðun augnlæknis 2.700 krónur.
Þetta og fleira kemur fram í
gjaldskrá LSH og miðast verð við
staðgreiðslu eða greiðslu með
kreditkorti. Sé ekki greitt við
komu á spítalann bætist við 300
króna innheimtukostnaður.
Þurfi að leiða barnsfaðernis-
mál til lykta á rannsóknarstofu
spítalans í réttarlæknisfræði
getur séð á pyngjunni. Séu þrír
aðilar til rannsóknar, þ.e. barn,
móðir og einn karl, kostar rann-
sóknin 110 þúsund. Þurfi að rann-
saka blóð úr fleiri körlum kostar
það 12.500 krónur á mann.
Röntgenmyndatökur geta líka
kostað sitt, eða allt frá 2.152
krónum og upp í 18 þúsund. Fer
gjaldið eftir fjölda mynda og þeim
líkamshlutum sem myndaðir eru.
Þurfi hjón að leita sér meðferðar
á geðsviði spítalans þurfa þau að
reiða fram 5.575 krónur fyrir
hvert skipti og er þá miðað við
einnar og hálfrar stundar viðtal í
senn. Foreldraviðtal hjá barna-
geðlækni er tæpum þúsund
krónum dýrara.
Kostnaður við að tjasla saman
nefbroti nemur rúmum fimm
þúsund krónum, viðtal og skoðun
nýrnalæknis kostar 3.227 krónur
en sami pakki hjá húð- og kyn-
sjúkdómalækni er fimm hundruð
krónum ódýrari.
Ofantalið miðast við fólk sem
er sjúkratryggt á Íslandi. Öryrkj-
ar, aldraðir og börn greiða minna
og dágóður afsláttur fæst ef
sjúklingar bera afsláttarkort.
Sé fólk ekki sjúkratryggt þarf
það að reiða fram háar fjárhæðir
fyrir þjónustu spítalans. Sólar-
hringsdvöl á gjörgæslu- og vöku-
deildum LSH kostar 244.000 en
gjaldið er talsvert lægra sé legið á
öðrum deildum. Verð einstakra
aðgerða getur svo numið frá rúm-
um 90 þúsund krónum upp í rúm
þrettán hundruð þúsund. Allt eftir
eðli og umfangi. bjorn@frettabladid.is
20 22. október 2004 FÖSTUDAGUR
„Við erum rétt að jafna okkur á þessu,“
segir Jón Þór Lúðvíksson, liðsmaður
slökkviliðsins í Ólafsvík, sem hefur
staðið í stórræðum undanfarið.
„Menn eru allir lurkum lamdir eftir þessi
læti og eru rétt að átta sig á hlutunum.
Ég hef aldrei lent í eins slæmu veðri á
ævinni og nóttina sem bruninn varð að
Knerri í Breiðuvík á Snæfellsnesi. Það
versta var að þetta kom úr öllum áttum.
Menn vissu aldrei á hverju þeir áttu
von.“
Þetta hefur verið annasamt haust hjá
slökkviliðinu að sögn Jóns. Fiskverkunin
Klumba brann 18. september og brun-
inn í Knerri var 18. október. „Já, mánað-
ardagurinn 18. virðist vera eitthvað
slæmur dagur.“
Á dögunum var samæfing á norðan-
verðu Nesinu, sem í tóku þátt Grundar-
fjörður, Stykkishólmur og Ólafsvík.
Æfingin fór fram að Gufuskálum. „Þar
nýttum við okkur æfingaraðstöðu sem
Landsbjörg er komin með. Þetta er
svakalega fín aðstaða.
Jón Þór er bakarameistari að aðalstarfi.
„Það er allt fínt að frétta úr brauðgerð-
inni. Þetta er orðið 50 ára fyrirtæki,
sem heitir Brauðgerð Ólafsvíkur. Við
sendum líka brauð til Grundarfjarðar
og á Hellissand. Formbrauðin seljast
alltaf vel, en svo eru Lúlla – brauðin
náttúrlega einkennismerki Ólafsvíkur.
Þau eru kölluð eftir föður mínum sem
rak bakaríið á sínum tíma. Þetta eru
brauð með kúmeni. Rúgbrauðin hans
eru fræg líka, besta rúgbrauð í heimi
segja þeir hér. En uppskriftirnar að
þessum brauðum eru að sjálfsögðu at-
vinnuleyndarmál.“
LÆKNAÐ
Það er vissara að hafa veskið með sér á spítalann. Viðvik af ýmsu tagi kosta sitt.
„Það stendur
aldrei á þing-
mönnum og
ráðherrum
þegar þeir
þurfa hærri
laun sjálfir.“
GRÆNA KORTIÐ KOSTAR 4.500
KRÓNUR. Græna kortið gildir á öllu
þjónustusvæði Strætó bs. í mánuð frá
útgáfudagsetningu.
Krufning kostar 95.000
Það getur kostað sitt að leita sér lækninga á spítala. Sjúklingar geta þurft
að reiða fram háar upphæðir. Fólk sem ekki er sjúkratryggt á Íslandi
þarf að borga allt að þrettán hundruð þúsund krónur fyrir aðgerð.
HVAÐ KOSTAR ÞAÐ?
BIRGIR HÓLM BJÖRGVINSSON
SJÓMAÐUR
Skilur kennara
FR
ÉT
TA
B
LA
Ð
IÐ
/H
AR
I
Bakarameistari og brunaliðsstjóri
HVAÐ ER AÐ FRÉTTA? JÓN ÞÓR LÚÐVÍKSSON
GUÐNI NAGAR STRÁ
Íslenska stráið kemur ekki til greina sem
þjóðarblóm þótt fagurt sé.
FR
ÉT
TA
B
LA
Ð
IÐ
/G
VA
Þjóðarblómið:
Biðin á enda
NÁTTÚRA Þjóðarblómið verður
kynnt þjóðinni við hátíðlegt tæki-
færi í dag. Leit hefur staðið yfir
frá því í vor og nú liggja niður-
stöður fyrir. Bæði sérfræðingar
og almenningur hafa látið sig
málið varða og eftir ótal ábend-
ingar stóð valið á milli sjö jurta;
blágresis, blóðbergs, geldinga-
hnapps, gleym-mér-ei, holtasól-
eyjar, hrafnafífu og lambagrass.
Landbúnaðarráðherra kunn-
gjörir niðurstöðuna og í kjölfarið
flytur forseti Íslands ávarp. - bþs
Áramót í útlöndum:
Ekkert skaup
FERÐALÖG Fjöldi Íslendinga kýs að
verja áramótunum í útlöndum
fjarri áramótabrennum og skaupi.
Flestar ferðaskrifstofur bjóða upp
á ferðir til Kanaríeyja um áramót
og hefur þegar selst upp í margar
þeirra. Á vegum Heimsferða er
boðið upp á áramótaferð til Zurich
í Sviss sem er annáluð fyrir létta
og skemmtilega áramótastemn-
ingu og tilkomumikla flugeldasýn-
ingu. Tómas J. Gestsson, markaðs-
stjóri Heimsferða, sagði viðtök-
urnar afar góðar en sjálfur hefur
hann ekki gert upp við sig hvar
hann verji áramótunum. - bþs
KENNARAVERKFALLIÐ
SJÓNARMIÐ
ÁRAMÓT Í REYKJAVÍK
Margir fagna nýju ári í útlöndum.