Fréttablaðið - 22.10.2004, Blaðsíða 56
44 22. október 2004 FÖSTUDAGUR
SEK Rokkekkjan Courtney Love Játaði fyrir
dómara að hafa kastað hljóðnemastandi í
og barið mann á tónleikum í næturklúbbi
í New York fyrr á árinu.
■ TÓNLIST
Ein helsta poppsveit landsins,
Sálin hans Jóns míns, er að koma
aftur saman eftir níu mánaða frí.
Herlegheitin hefjast 6. nóvember
á Nasa.
Guðmundur Jónsson, gítar-
leikari Sálarinnar segir þetta frí
kannski með lengra lagi, en þeir
hafi þó verið mjög uppteknir frá
aldamótum. “Við erum búnir að
gefa út þrjár plötur, staðið fyrir
söngleik og ég veit ekki hvað og
hvað. Það var komin dálítil þreyta
í mannskapinn þannig að við
tókum frí og erum endurnærðir
núna.“
Sálin gaf nýverið út lagið
Tíminn og við sem er farið að
hljóma á öldum ljósvakans. Lagið
er eftir Guðmund en textinn eftir
Stefán Hilmarsson. „Við vorum
með helling af lögum til að velja
úr,“ segir Guðmundur. „Þó að
þetta lag sé kannski ekki mjög
létt þá hefur það skemmtilegar
ryþmapælingar. Textinn er líka
góður hjá Stebba. Við erum búnir
að missa vini og mentora undan-
farið,“ bætir hann við og á þar
við Rafn Jónsson, einn af stofn-
endum Sálarinnar og Pétur Krist-
jánsson, sem söng lagið Krókur-
inn með sveitinni. Létust þeir
báðir ekki alls fyrir löngu. „Þetta
hefur fengið okkur til að hugsa
um að nýta betur tímann sem við
fáum. Þeir voru báðir í fullu fjöri
og það var nóg af efni sem þeir
ætluðu að gera. Svona lagað
sparkar í mann.“ ■
The Strokes vinn-
ur að nýrri plötu
Bandaríska rokkhljómsveitin
The Strokes er þegar byrjuð að
taka upp þriðju plötu sína í nýju
æfingahljóðveri sem sveitin
hefur komið sér upp í New York.
Sveitin vinnur sem fyrr með
upptökustjóranum Gordon Raph-
ael til að fylgja eftir plötunni
Room on Fire sem kom út í fyrra.
Meðlimir The Strokes segjast
samt nálgast upptökurnar á
annan hátt en áður.
„Við ætlum að gera hlutina á
réttan hátt í þetta skipti og ætlum
ekki að flýta okkur með neitt,“
segir Julian Casablancas, söngv-
ari sveitarinnar, í samtali við tón-
listartímaritið NME. „Platan má
ekki hljóma eins og fyrstu tvær
plöturnar. Ég vil að hún verði
öðruvísi svo við þurfum að hugsa
okkar gang og vinna að nokkrum
hlutum. Við ætlum að gefa okkur
tíma til að finna rétta hljóminn í
stað þess að telja bara í og taka
upp.“
Samkvæmt heimildum NME er
sveitin þegar búin að taka upp
fjögur til sjö lög.
Söngvarinn gaf til kynna að
platan gæti komið út á næsta ári.
„Ég vona að það taki ekki fimm ár
að vinna hana. Ég veit ekki hversu
hratt við munum vinna – kannski
tekur það þrjá mánuði, kannski
sex. Ég er ekki viss.“ ■
THE STROKES Sveitin er þegar byrjuð að vinna að næstu plötu, sem vonandi verður til-
búin næsta sumar.
SÁLIN Sálin hefur verið
ein vinsælasta poppsveit
landsins undanfarin ár.
■ TÓNLIST
Nýtt lag og tónleikaferð
VEITINGAHÚS BÝÐUR UPP Á ÍSLENSKT JÓLAHLAÐBORÐ 2004
Hveragerði
Selfoss
IngólfsfjallINGÓLFSSKÁLI
1
374
Upplýsingar og borðapantanir
Básinn / Ingólfsskáli veitingahús
Efstalandi Ölfusi • Sími: 483-4160 & 483-4666 • Fax: 483-4099 • E-mail: basinn@islandia.is • Heimasíða: www.basinn.is
Í glæsilegum sal Ingólfsskála bjóðum við upp á sanna
íslenska jólastemmingu á komandi aðventu.
Komið og njótið okkar margrómaða
jólahlaðborðs í notalegu umhverfi.
Tökum vel á móti öllum, starfsmannafélögum,
klúbbum, hópum og einstaklingum.
SJÓNVARPSDAGSKRÁ
VIKUNNAR »