Fréttablaðið - 04.11.2004, Blaðsíða 20

20 4. nóvember 2004 FIMMTUDAGUR
Þórólfur Árnason er fæddur í mars 1957. Hann varð
borgarstjóri snemma á síðasta ári þegar Ingibjörg Sól-
rún Gísladóttir sagði starfinu lausu. Hann var ráðinn
af meirihluta borgarstjórnar, þ.e. Reykjavíkurlistanum,
og starfar í hans umboði. Þórólfur er framkvæmda-
stjóri borgarinnar en ber ekki pólitíska ábyrgð. Hann
er æðsti embættismaður Reykjavíkur og æðsti yfirmað-
ur annarra borgarstarfsmanna.
Fjölskylda: Þórólfur er sonur Árna Pálssonar
prests og Rósu Bjargar Þorbjarnardóttur
endurmenntunarstjóra. Hann er
næstelstur fjögurra systkina. Þórólfur er
kvæntur Margréti Baldursdóttur tölvunar-
fræðingi og eiga þau tvö börn.
Ferill: Þórólfur tók stúdentspróf frá MH
og lærði vélaverkfræði í HÍ og DTH-háskól-
anum í Kaupmannahöfn. Hann vann í eitt
ár í Danmörku og svo hjá Framleiðni og NESCO. Síðar
varð hann markaðsstjóri Marels og gegndi því starfi í
sex ár, þá framkvæmdastjóri markaðssviðs Esso í fimm
ár og svo forstjóri Tals í fjögur ár.
Annað: Þórólfur sat í stjórn Lífeyrissjóðs verkfræðinga og
hefur einnig setið í stjórnum nokkurra fyrirtækja. Hann
hefur unun af knattspyrnu og heldur með
Manchester United í enska boltanum. Sjálfur er
hann í Lunch United sem er félagsskapur
manna sem spila knattspyrnu í hádeginu
þrisvar í viku. Þórólfur var í innsta kjarna
stuðningsmanna Ólafs Ragnars Gríms-
sonar í forsetakosningunum 1996.
Honum sárnaði þegar hann missti
starf sitt við sameiningu Íslandssíma
og Tals og lýsti þeirri líðan sinni í
fjölmiðlum.
HVER ER? ÞÓRÓLFUR ÁRNASON
Nokkur röskun hefur orðið á innanlands-
flugi vegna gossins í Grímsvötnum. Jón
Karl Ólafsson er framkvæmdastjóri Flug-
félags Íslands.
Hversu mikil röskun hefur orðið á inn-
anlandsfluginu?
Við höfum reynt að fljúga eins mikið og
hægt er en í það heila hefur þurft að
fella niður fjögur til fimm flug. Við brugð-
um á það ráð að færa Egilsstaðaflugið
að einhverju leyti til Akureyrar og höfum
ekið fólki þaðan austur. Þetta hefur
þannig orðið lítið með áætlunarflug að
gera, er meira í ætt við púsl.
Er ekki einfaldast að láta vélarnar
sveigja framhjá öryggissvæðinu?
Jú, það er vel hægt. Hins vegar versnar í
því þegar svæðið liggur yfir flugvellinum
eins og hefur verið fyrir austan og að
hluta til fyrir norðan. Í björtu veðri er
hægt að fljúga sjónflug en þó förum við
varlega því askan fer illa með hreyflana.
Maður getur sem sagt flogið á þessum
slóðum en þá er hætta á að drepist á
báðum hreyflum. Þá óskarðu þess að
hafa setið heima.
Eruð þið ósátt við þessar öryggisráð-
stafanir?
Já. Við treystum yfirvöldum alveg til að
meta þetta. Við berum fullt traust til
þeirra og förum eftir þessu.
Hvað kosta raskanirnar ykkur?
Fljótt á litið sýnist mér að þetta muni
kosta okkur 2-3 milljónir króna á dag. Ég
reikna hins vegar með að þegar dragi úr
öskufallinu komist áætlunin í samt lag.
Er Flugfélagið tryggt fyrir slíkum áföll-
um?
Nei, almennar rekstrartryggingar eru svo
dýrar. Á meðan við náum að halda áætl-
un að mestu leyti getum við ekki verið
annað en sátt.
JÓN KARL ÓLAFSSON
Kostar þrjár
milljónir á dag
ELDGOS OG INNANLANDSFLUG
SPURT & SVARAÐ
Víðförull verkfræðingur
ENN Í ELDLÍNUNNI
Hvað sem öllu líður er ljóst að Ralph Nader
var ekki kjörinn forseti Bandaríkjanna.
M
YN
D
A
P
Nú er ljóst að George W. Bush bar
sigur úr býtum í forsetakosning-
unum í Bandaríkjunum á þriðju-
daginn. Xandra Kayden stjórn-
málafræðingur telur að Bush hafi
gengið betur en keppinauti sínum
að fá fólk til að fara á kjörstað og
hafi ítök hans í kirkjum landsins
haft úrslitaáhrif. Hún býst síður
við stefnubreytingum hjá ríkis-
stjórn Bush þótt mannabreyting-
ar séu í uppsiglingu.
Vel heppnaðar kosningar
Bandaríski stjórnmálafræðingur-
inn Xandra Kayden er stödd hér á
landi vegna forsetakosninganna í
heimalandi sínu. Hún situr í
stjórn samtakanna League of
Women Voters of the USA en
hefur auk þess kennt stjórnmála-
fræði við Kaliforníuháskóla.
Kayden telur kosningarnar
hafa heppnast vel og bendir á að
engin alvarleg vandamál hafi
komið upp við framkvæmd
þeirra. „Við höfðum áhyggjur af
skorti á reyndu starfsfólki við
kosningarnar en um tíma vantaði
500.000 manns. Meðalaldur
starfsfólksins er 71 ár og því ótt-
uðumst við að álagið yrði fólkinu
erfitt en það stóð vaktina með
prýði,“ segir hún og bætir við að
litlar líkur séu á hrinu lögsókna
eins og menn höfðu spáð.
Hópefli í kirkjunum
Strax frá upphafi var greinilegt
að Bush ætlaði ekki að endurtaka
mistök föður síns frá 1992 sem
einbeitti sér ekki sem skyldi að
hinum íhalds-
samari armi
R e p ú b l i k a n a -
flokksins. Bush
yngri lagði hins
vegar mikla
áherslu á þennan
harða kjarna og
það skilaði hon-
um árangri. „Í
þessu ljósi er at-
hyglisvert að
skoða útgöngu-
spárnar, þá er
eins og tvennar
ólíkar kosningar
hafi farið fram.
Annars vegar sögðu repúblikanar
að stríðið gegn hryðjuverkum og
siðferðisgildi hefðu ráðið hvernig
þeir hefðu greitt atkvæði. Hins
vegar sögðu demókratar að Íraks-
stríðið og efnahagsmál hefðu ráð-
ið þeirra atkvæðum,“ segir
Kayden.
Demókratar voru æfir yfir
kosningunum fyrir fjórum árum
og því var vitað að þeir myndu
flykkjast á kjörstað. Kayden segir
að repúblikanar hafi brugðist við
á snjallan hátt sem hafi furðulega
litla athygli fengið. „Þeir unnu
mjög skipulega í kirkjum landsins
og fengu fólk sem sækir kirkju
reglulega til að mæta á kjörstað,
sérstaklega mótmælendurna.
Þetta held ég að hafi haft mikið að
segja, ef ekki ráðið úrslitum um
hverjir skiluðu sér á endanum á
kjörstað.“ Að hennar sögn eru
demókratar ekki eins skipulagðir
en hins vegar virðast fylgismenn
þeirra hafa notað netið í þessu
skyni, meðal annars með milli-
göngu hreyfinga á borð við
Move-on sem telur um tvær millj-
ónir manna. Það dugði þó ekki til.
Powell og Rumsfeld á útleið
Í þeim tilvikum sem forsetar hafa
náð endurkjöri í kosningum er al-
gengt að þeir geri einhverjar
breytingar á stefnu sinni. Kayden
býst við að Bush muni í það
minnsta skipta út hluta ríkis-
stjórnar sinnar, sérstaklega þeim
mönnum sem farið hafa með ut-
anríkis- og varnarmál. „Það
hefur legið fyrir í langan tíma
að Colin Powell utanríkisráð-
herra er á leiðinni út úr ríkis-
stjórninni. Ég á einnig von
á því að ný-íhaldsmenn-
irnir í Pentagon,
sem settu mark
sitt svo mjög á ut-
a n r í k i s s t e f n u
landsins síðasta
kjörtímabil, verði
látnir taka pok-
ann sinn. Öld-
ungadeildin á ekki eftir að leggja
blessun sína yfir áframhaldandi
skipan þeirra því margir þing-
menn úr röðum repúblikana hafa
verið mjög óánægðir með þeirra
frammistöðu,“ segir hún og býst
við að Paul Wolfowitz aðstoðar-
varnarmálaráðherra hætti fljót-
lega og Donald Rumsfeld varnar-
málaráðherra eftir eitt eða tvö ár.
Hins vegar á Kayden síður von á
að róttækar breytingar verði
gerðar á stefnu ríkisstjórnarinn-
ar. „Ég vona að einhver lærdómur
hafi verið dreginn af atburðum
síðustu missera og breyting verði
á hvernig stjórnvöld glíma við
hryðjuverkaógnina. En kannski er
það óskhyggja í mér.“
Bush brúar ekki bilið
Fáum dylst að bandaríska þjóðin
hefur verið klofin í tvær fylking-
ar og hefur verið það um langt
skeið. Aðspurð hvort Bush muni
freista þess að brúa þetta bil
bendir Kayden á að forsetinn hafi
aukið umtalsvert á klofninginn á
sínu fyrra kjörtímabili, í stað þess
að reyna að sætta þjóðina. „Ef
Bush vill láta minnast sín sem far-
sæls forseta ætti hann að fara
huga að því að skapa einingu í
samfélaginu. Það eru hins vegar
engin teikn á lofti
um að hann muni breyta áherslum
sínum enda virðist hann ekki hafa
teljandi áhyggjur af slíkum hlut-
um. Ég held því að hann haldi sig
við sitt fólk í stað þess að reyna að
sætta þjóðina.“
Hver tekur við 2008?
Hvað sem verður er ljóst að nýr
forseti tekur við völdum árið 2008.
Kayden segir að engar líkur séu á
að varaforseti Bush, Dick Cheney,
verði eftirmaður hans, til þess sé
hann allt of fullorðinn. „Ég bjóst
ekki við að hann myndi tóra fyrsta
kjörtímabilið vegna hjartveiki,“
segir hún. Öldungardeildarþing-
maður repúblikana í Nebraska,
Chuck Hagel, er að mati Kayden
líklegur frambjóðandi flokksins að
fjórum árum liðnum, en hann vakti
athygli fyrir að styðja ekki stefnu
stjórnvalda í Írak. Bill Frist, leið-
togi repúblikana í Öldungadeild-
inni, stendur nærri Bush en
Kayden segir að repúblikanar
verði að gera dálítið róttækar
breytingar á sínu liði því þreyta al-
mennings gagnvart því fari vax-
andi.
John Edwards, varaforseta-
efni John Kerry, þótti standa sig
vel í kosningabaráttunni og vera
má að hann verði frambjóðandi
demókrata árið 2008. Síðan
vonast margir til að Hillary
Clinton taki slaginn. „Þriðjungur
þjóðarinnar hatar Hillary,
annar þriðjungur elskar
hana og svo verður bitist
um afganginn af fólkinu.
Síðan getur einhver al-
veg nýr frambjóðandi
komið fram á sjónarsvið-
ið. Fjögur ár eru langur
tími, ekki síst í
pólitík,“ segir Xandra
Kayden stjórnmála-
fræðingur. ■
Uppstokkun ríkis-
stjórnarinnar í aðsigi
George W. Bush fékk endurnýjað umboð hjá bandarísku þjóðinni til að gegna embætti forseta
landsins. Þarlendur stjórnmálafræðingur telur að repúblikönum hafi gengið betur að fá fólk á
kjörstað en demókrötum. Uppstokkun er í aðsigi í ríkisstjórn landsins.
Hefur þú
fengið þér
sextíu
sjö í dag&
Neskaupstaður
SVEINN GUÐMARSSON
BLAÐAMAÐUR
FRÉTTAVIÐTAL
FORSETAKOSNINGARN-
AR Í BANDARÍKJUNUM
XANDRA
KAYDEN
Kayden segir að úr-
slitin hafi í raun
ráðist í kirkjum
landsins.