Fréttablaðið - 05.11.2004, Blaðsíða 4
4 5. nóvember 2004 FÖSTUDAGUR
Einar Oddur Kristjánsson, varaformaður fjárlaganefndar:
Ekki aðhald heldur þensla í fjárlögum
STJÓRMÁL Einar Oddur Kristjáns-
son, varaformaður fjárlaganefnd-
ar, sagði í umræðum utan dag-
skrár um efnahagsmál á Alþingi í
gær að meira aðhald þyrfti í ríkis-
fjármálum. Hins vegar skorti
átakanlega „leiðsögn“ í hvernig
fara ætti að. Um fjárlagafrum-
varpið sagði Einar Oddur: „Þetta
eru því miður ekki aðhaldsfjárlög
heldur þenslufjárlög, til dæmis í
félagsmálum, heilbrigðismálum
og menntamálum. Ég hef verið
talsmaður meira hófs en ég hef átt
fáa skoðanabræður í mínum eigin
flokki og alls enga í stjórnarand-
stöðunni.“
Össur Skarphéðinsson, Sam-
fylkingu, sakaði forsætisráðherra
um að vera einan um að halda að
gömul „heimakokkuð“ verðbólgu-
spá fjármálaráðuneytisins myndi
halda: „Það er ekki mat ASÍ, Seðla-
bankans, Landsbankans og Al-
þjóðagjaldeyrissjóðsins. Og samt
er Halldór áhyggjulausasti maður
í heimi!“.
Halldór Ásgrímsson forsætis-
ráðherra sagði að Össur hefði áður
talað um rothögg á efnahagsstefnu
stjórnarinnar, þar á undan brot-
lendingu og 5.000 starfa tap vegna
efnahagsstefnunnar. Þegar hér
var komið við sögu kallaði Össur
fram í: „Þetta er tóm vitleysa“.
Halldór svaraði: „Já, þetta er tóm
vitleysa hjá háttvirtum þing-
manni“. a.snaevarr@frettabladid.is
Arftaka Þórólfs leitað
Talið er að ekkert hafi komið fram í málflutningi borgarstjóra í sjónvarpinu í gær sem breyti af-
stöðu Vinstri grænna um að hann eigi að segja af sér. Reykjavíkurlistinn hefur fram á þriðjudag
til að ákveða hver tekur við.
STJÓRNMÁL Ósennilegt er talið að
frammistaða Þórólfs Árnasonar
borgarstjóra í sjónvarpsþáttum
Stöðvar 2 og Ríkissjónvarpsins í
gærkvöld komi í veg fyrir að hann
missi starfið. Á átakafundi borgar-
fulltrúa Reykjavíkurlistans og Þór-
ólfs í fyrrakvöld bað Þórólfur um
tækifæri til að kynna sjónarmið sín
fyrir borgarbúum áður en ákvörðun
yrði tekin um framhaldið, en borg-
arfulltrúarnir höfðu farið fram á að
hann hætti störfum. Þeir urðu hins
vegar við bón hans.
Viðmælendur Fréttablaðsins úr
röðum Vinstri grænna segja að ekk-
ert nýtt hafi komið fram í máli Þór-
ólfs sem breyti þeirri skoðun
flokksmanna að hann eigi að segja
af sér. Hann hafi komið á fund hjá
flokknum á þriðjudagskvöld þar
sem hann hafi farið með sömu
ræðu. Því telja margir að nú sé að
skapast ástand sem ekki verði unað
við til lengdar.
Þrátt fyrir þetta telja flestir við-
mælendur blaðsins að samstarfi
Framsóknarflokks, Samfylkingar
og Vinstri grænna um Reykjavíkur-
lista sé ekki að ljúka. Hvorki sé
trúnaðarbrestur milli þeirra né mál-
efnaágreiningur. Hins vegar sé ljóst
að Vinstri grænir sætti sig ekki við
að Þórólfur sitji áfram og að borg-
arfulltrúar hinna flokkanna hafi
sæst á þá afstöðu eins og kom fram
á fundinum í fyrrakvöld.
Borgarfulltrúar Reykavíkurlist-
ans munu hittast um helgina og
ræða leiðir til að leysa þann hnút
sem orðinn er. Ýmsar hugmyndir
hafa verið ræddar um hver geti tek-
ið við af Þórólfi. Búið var að gera til-
lögu um Dag B. Eggertsson borgar-
fulltrúa, en þegar Þórólfur neitaði
að víkja var ekki hægt að taka af-
stöðu til hennar. Talið er að Fram-
sóknarmenn og Vinstri grænir geti
illa sætt sig við Dag. Hann er af
mörgum talinn tengjast Samfylk-
ingunni þrátt fyrir að vera óháður
innan listans auk þess sem hann
hefur skrifað fjölda greina þar sem
hann hefur gagnrýnt ríkisstjórn
Framsóknarflokksins. Einn viðmæl-
andi blaðsins sagði að flokkarnir
tveir þyrftu allra síst á því að halda
að ala upp leiðtoga fyrir Samfylk-
inguna í Reykjavík. Aðrir töldu Dag
of ungan og reynslulítinn til að
gegna starfinu en hann er 32 ára.
Þess má geta að Davíð Oddsson ut-
anríkisráðherra var 34 ára þegar
hann varð borgarstjóri árið 1982.
Fleiri hafa verið nefndir til
sögunnar. Sumir vilja kalla Ingi-
björgu Sólrúnu Gísladóttur aftur
til starfa. Hins vegar er talið nán-
ast útilokað að hún samþykki slíkt
þar sem hún líti svo á að þeim
kafla í pólitískum ferli sínum sé
lokið. Þá hafa nöfn Stefáns Jóns
Hafstein, Árna Þórs Sigurðssonar
og Alfreðs Þorsteinssonar verið
nefnd. Þá er ekki útilokað að emb-
ættinu verði skipt á milli flokk-
anna eftir málefnaflokkum þan-
nig að borgarstjórarnir verði
þrír. Það á sér fordæmi því Auður
Auðuns og Geir Hallgrímsson
gegndu embættinu samtímis um
nokkurt skeið fyrir Sjálfstæðis-
flokkinn.
Borgarfulltrúarnir hafa hins
vegar ekki langan tíma til að
komast að niðurstöðu þar sem
Vinstri grænir koma saman til fé-
lagsfundar á þriðjudag til að
ræða samstarfið í Reykavíkur-
listanum. Þar þarf að liggja fyrir
niðurstaða sem flokksmenn geta
sætt sig við, annars má búast við
að þolinmæði manna sé á þrotum.
ghg@frettabladid.is
Ertu ánægð(ur) með úrslit for-
setakosninganna í Bandaríkjun-
um?
Spurning dagsins í dag:
Viltu að Dagur B. Eggertsson verði
borgarstjóri?
Niðurstöður gærdagsins
á visir.is
80%
20%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Árás í Írak:
Þrír Bretar
létu lífið
ÍRAK, AP Þrír breskir hermenn létu
lífið þegar ráðist var á þá. Her-
mennirnir voru meðlimir her-
sveitar sem var nýlega flutt frá
bresku herstjórnarsvæðunum við
Basra inn á herstjórnarsvæði
Bandaríkjahers þar sem hefur
verið mun meira um árásir en á
breska svæðinu.
Flutningur bresku hermannanna
á bandaríska herstjórnarsvæðið
mæltist illa fyrir í Bretlandi þar
sem ljóst þótti að þeir yrðu í mun
meiri hættu þar en á tiltölulega
friðsælu breska herstjórnarsvæð-
inu. ■
Þegar Múmíndalurinn fer
á kaf bjargast fjölskyldan
um borð í fljótandi hús
sem rekur hjá. En það er
skrýtnasta hús sem þau
hafa nokkurn tíma séð og
eini íbúi þess, leikhús-
rottan Emma, ekki alls
kostar vingjarnleg.
Sígild saga um einstakar
ævintýraverur.
edda.is
Hamid Karzai:
Gegn dópi og
stríðsherrum
AFGANISTAN, AP Hamid Karzai hét
því að berjast gegn valdi stríðs-
herra og ráðast til atlögu gegn
fíkniefnaframleiðslu í ræðu sem
hann hélt þegar aðrir frambjóðend-
ur í forsetakosningunum höfðu við-
urkennt sigur hans.
„Afganska þjóðin hefur sýnt
okkur traust sitt, fyrir það erum
við þakklát. Þjóðin kaus ríkisstjórn
sem byggir á lögum og reglu og
það ætlum við að færa fólki,“ sagði
Karzai. Hann hét því að engar víga-
sveitir myndu fá þrifist í Afganist-
an en í dag er staðan sú að stríðs-
herrar stjórna víða meiru í krafti
vígasveita sinna en stjórnvöld í
Afganistan. ■
BRESKIR HERMENN
Þrír hermenn létust eftir flutninginn á her-
stjórnarsvæði Bandaríkjahers.
Borgin vegna samráðs
olíufélaga:
Kannar rétt
á bótum
BORGARMÁL Forsvarsmenn Reykja-
víkurborgar hafa ákveðið að
kanna hvort borgin eigi rétt á
skaðabótum frá olíufélögunum
vegna meints ólöglegs samráðs
þeirra við gerð tilboða í viðskipti
við Reykjavíkurborg og fyrirtæki
borgarinnar.
Borgarráð samþykkti í gær að
fela Vilhjálmi H. Vilhjálmssyni
hæstaréttarlögmanni að meta
bótaréttinn og hefja undirbúning
að kröfugerð af rétturinn er fyrir
hendi. - th
EINAR ODDUR
Gagnrýndi fjárlagafrumvarpið og sagði
opinbera starfsmenn verða að una því
að fara ekki fram úr almennum vinnu-
markaði. „Hann löðrungaði opinbera
starfsmenn í öðru hverju orði,“ sagði
Ögmundur Jónasson.
ÞÓRÓLFUR ÁRNASON
Í gærkvöld kom hann fram í Kastljósi Ríkissjónvarpsins og Íslandi í dag á Stöð 2 til að kynna sjónarmið sín vegna aðildar sinnar að verð-
samráði olíufélaganna. Ólíklegt er talið að frammistaða hans hafi komið í veg fyrir að hann þurfi að taka pokann sinn.
FRÉTTAB
LAÐ
IÐ
/VILH
ELM