Fréttablaðið - 05.11.2004, Blaðsíða 51
FÖSTUDAGUR 5. nóvember 2004 35
After the Sunset
Heimsfrumsýning í dag. Engir dómar enn.
The Forgotten
Internet Movie Database 5,9 /10
Rottentomatoes.com 32% = Rotin
Metacritic.com 38 /100
Ladder 49
Internet Movie Database 6,7 /10
Rottentomatoes.com 40% = Rotin
Metacritic.com 46 /100
A Cinderella Story
Internet Movie Database 4,5 /10
Rottentomatoes.com 10% = Rotin
Metacritic.com 23 /100
FRUMSÝNDAR UM HELGINA
(DÓMAR Í ERLENDUM MIÐLUM)
Minnislaus móðir og Öskubuskudrama
Julianne Moore fer með aðalhlut-
verkið í spennutryllinum The
Forgotten sem var frumsýndur í
gær. Moore leikur Telly Paretta
sem er þjökuð af minningum og
söknuði eftir átta ára syni sínum
sem fórst í flugslysi fyrir rúmu
ári. Hún reynir að vinna sig í
gegnum sorgina og skilnað við
eiginmann sinn sem fylgdi í kjöl-
far harmleiksins en verður fyrir
öðru áfalli þegar geðlæknirinn
hennar tjáir henni að hún þjáist
af ofskynjunum, að sonur hennar
hafi aldrei verið til og hún sé að
búa til minningarnar um hann.
Þegar hún stendur frammi
fyrir þessu ákveður hún að leita
að sönnunargögnum um tilvist
sonar síns en finnur ekkert. Allt
er horfið og hún á skyndilega
hvorki ljósmyndir né mynd-
bandsupptökur af barninu.
Hún verður því sannfærð um
að hún sé að missa vitið þar til hún
hittir mann sem er í nákvæmlega
sömu sporum og hún. Sá missti
einnig barn í flugslysinu og saman
reyna þau að sanna það að þau hafi
átt börn og staðfesta um leið að
þau séu heil á geði.
The Forgotten er afskaplega
vel mönnuð mynd en auk Moore
fara Dominic West, Gary Sinise,
Alfre Woodard og Anthony Ed-
wards með veigamikil hlutverk.
Hremmingarnar sem ung-
lingastjarnan Hillary Duff lendir
í í A Cinderella Story sem byrjar
í bíó í dag eru öllu léttvægari en
skelfingin sem Moore upplifir í
The Forgotten. Myndin byggir,
eins og nafnið bendir til, á gamla
ævintýrinu um Öskubusku sem
hefur verið fært til okkar tíma.
Duff leikur skólastúlkuna
Sam sem býr með stjúpu sinni og
stjúpsystrum sem gera henni líf-
ið leitt. Faðir hennar átti veit-
ingastað þar sem stjúpan starf-
aði sem gengilbeina en þegar
pabbinn fellur frá tekur hún
staðinn yfir og lætur Sam um öll
skítverk sem þar þarf að vinna.
Það birtir svo heldur betur
yfir henni þegar ókunnugur sjar-
mör finnur GSM-símann hennar
en í framhaldinu byrja þau að
skiptast á tölvupóstum. Róman-
tíkin liggur í loftinu og hún bind-
ur miklar vonir við að hitta
draumaprinsinn á Hrekkjavöku-
dansleik í skólanum en það eru
auðvitað helst skössinn sem hún
býr með sem geta komið í veg
fyrir þann ástarfund. ■
Norrænir bíódagar byrja í Há-
skólabíói í dag og standa til 15.
nóvember. Það má segja að létt-
leikinn einkenni þessa hátíð og
myndirnar sem þar er boðið upp
á eru síður en svo dæmigerðar
kvikmyndahátíðarmyndir en þær
hafa flestar notið mikilla vin-
sælda í heimalöndunum og víðar.
Sænska gamanmyndin Kopps
er gott dæmi um þetta. Hún er
eftir leikstjórann Josef Fares
sem gerði síðast smellinn Jalla
Jalla sem sýnd var á Íslandi fyrir
nokkrum árum.
Hér segir Fares frá nokkrum
löggum í litlum smábæ en skort-
ur á glæpum er að drepa löggurn-
ar úr aðgerðaleysi og leiðindum.
Lausnin sem laganna verðir finna
á þessum hvimleiða vanda er ein-
faldlega sú að þeir byrja sjálfir
að fremja hina og þessa glæpi til
þess að hafa eitthvað fyrir stafni.
Þessi undarlega glæpaalda kem-
ur líka í veg fyrir það að þeir
missi störf sín í niðurskurði
stjórnvalda.
Myndin þykir þrælskondin og
það segir sína sögu að bandaríski
spéfuglinn Adam Sandler hefur
keypt endurgerðarréttinn á
henni þannig að amerísk útgáfa
af Kopps er væntanlega handan
við hornið.
Danska spennuyndin Mid-
sommer segir frá 19 ára gömlum
dreng sem þarf að takast á við
óvænt sjálfsmorð yngri systur
sinnar. Vinahópur hans fer í
skólalokaferðalag til Svíþjóðar
skömmu eftir hörmungaratburð-
inn og þar taka dularfullir hlutir
að gerast og systirin látna lætur
á sér kræla.
Auk spennu og gríns má
einnig finna rómantík í norsku
gamanmyndinni Buddy og
sænsku myndinni Miffo. Þá er
Smala-Sussie einnig á dagskrá en
hún er gamansöm spennumynd
frá Svíþjóð og þykir sverja sig
nokkuð í ætt við Trainspotting.
Síðast en ekki síst mætir norski
rugludallurinn Elling aftur til
leiks í Mors Elling sem er endur-
sýnd þessa daga. Þetta er í raun
forsaga hinnar vinsælu Elling en
myndin greinir frá því þegar
hinn ótrúlegi sérvitri Elling fer í
sumarfrí með móður sinni til
Kanaríeyja. ■
Norræn spenna og grín
THE FORGOTTEN Fjallar um örvæntingarfulla leit foreldra að sönnunum fyrir tilvist látinna barna sinna.
KOPPS Léttleikinn er allsráðandi í þessari sænsku gamanmynd frá leikstjóra hinnar vin-
sælu Jalla, Jalla.