Fréttablaðið - 05.11.2004, Blaðsíða 64
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Í VINNING ER:
SHREK 2 á DVD & VHS
SHREK 2 tölvuleikir
Aðrar DVD myndir
og margt fleira.
Sendu
SMS skeytið
BTL S2F
á númerið 1900
og þú gætir unnið.
Vinningar verða afhendir
hjá BT Smáralind. Kópavogi:
Með því að taka þátt ertu kominn í SMS klúbb BT. SMS kostar 199 kr.
SMS LEIKUR LENDIR Í
VERSLUNUM BT
04 // 11 // 04
Kappar
í Kabúl
Maður mundi hrökkva í kút efmaður væri inni í gólfteppa-
verslun í Reykjavík og allt í einu
kæmu inn nokkrir vörpulegir íslensk-
ir piltar í hermannabúningum með
hlaðnar skammbyssur við belti. Í
mörg hundruð ár hefur verið um það
fullkomið samkomulag að normal
manneskjur stundi ekki vopnaburð í
þéttbýli hér á landi og einu undan-
tekningarnar frá því eru frávita ein-
staklingar sem sérstök lögreglusveit
sér um að afvopna áður en þeir fara
sjálfum sér eða öðrum að voða.
MEIRA að segja rjúpan er friðuð
hér á landi svo að þeir sem hafa yndi
af skotvopnum verða að láta sér
nægja að hlunka á gæsir eða hrein-
dýr, og þeir efnaminni verða að ein-
skorða sig við að plaffa niður rottur á
sorphaugum. Drengir sem ekki ná
því að vaxa upp úr hermennsku-
draumum bernskunnar verða að yfir-
gefa ættjörðina og leita fyrir sér hjá
öðrum þjóðum ef þá langar til að öðl-
ast alvörumenntun í stríðstækni og
manndrápum.
ÞESS eru dæmi að Íslendingar með
hermennskuáhuga hafi gengið í her-
skóla erlendis og jafnvel gerst
leigusoldátar til að svala ævintýraþrá
sinni. Um það er svo sem ekkert að
segja annað en mannleg náttúra er
býsna margbreytileg og sérhver
þjónar sinni lund. Sennilega er það
fullkomlega löglegt að Íslendingar
gangi á mála í herjum annarra þjóða,
því að alveg fram á síðustu ár höfum
við ekki átt í styrjöldum við aðra
jarðarbúa heldur lifað í friði og sátt
við alla menn.
FRIÐARVILJI Íslendinga og andúð
okkar á vopnaburði hefur meðal ann-
ars birst í því að við gerðum um það
samning við Bandaríkjamenn að taka
að sér að sjá um landvarnir fyrir okk-
ur, svo að íslenska þjóðin gæti áfram
verið vopnlaus. Keflavíkurflugvöllur
er því undir hernaðarlegri vernd um-
hyggjusamra útlendinga sem annast
þær varnir sem við kunnum ekki skil
á. Það kemur því soldið flatt upp á
mann að heyra að á flugvellinum í
Kabúl úi og grúi af vopnuðum Íslend-
ingum sem eigi að tryggja Afgönum
þann frið sem treystum okkur ekki til
að tryggja sjálfum okkur hérna í frið-
sældinni heima. Þetta er grafalvar-
legt mál. Jafnvel enn alvarlegra en
olíuhneykslið. Hver ber ábyrgð á
þessu skelfilega rugli? Hverjir eiga
að segja af sér?
BAKÞANKAR
ÞRÁINS BERTELSSONAR