Fréttablaðið - 05.11.2004, Blaðsíða 45
FÖSTUDAGUR 5. nóvember 2004 29
Keflavík lætur annan erlendan leikmann fara í Interspirtdeildinni í körfubolta:
Bradford kemur aftur til Íslands
KÖRFUBOLTI Forráðamenn Keflavík-
ur í Intersportdeildinni í körfu-
knattleik hafa tekið þá ákvörðun
að láta Mike Matthews fara frá
liðinu. Matthews þótti ekki falla
nógu vel inn í leik liðsins og því
var gripið til þessa ráðs. Áður var
Jimmy Miggins látinn taka pok-
ann sinn en sá náði sér aldrei á
strik með liðinu vegna meiðsla.
Í stað Matthews kemur Nick
Bradford, sem lék með Keflavík á
síðustu leiktíð. Bradford átti stór-
an þátt í velgengni Keflvíkinga
síðasta vetur, skoraði 19,3 stig,
tók 8,7 fráköst og gaf 4,3 stoð-
sendingar að meðaltali í leik og
var einn af bestu erlendu leik-
mönnum deildarinnar í fyrra. Þá
þótti hann einnig komast vel frá
sínu í Evrópukeppninni þar sem
Keflavíkingar gerðu góða hluti.
Bradford var á mála hjá Scott-
ish Rocks í bresku úrvalsdeildinni
í vetur. Að sögn Sigurðar Ingi-
mundarsonar, þjálfara Keflavík-
ur, fékk Bradford sig lausan til að
leggja Keflvíkingum lið í vetur.
„Við vitum að hverju við göng-
um með Bradford og erum full-
vissir um að hann muni gera
Keflavíkurliðið enn betra,“ sagði
Sigurður.
„Hann lék mjög vel seinni
hluta tímabilsins í fyrra og þá
kom hann sérstaklega vel út í Evr-
ópukeppninni, var með hörku-
tölur þar.“
Með tilkomu Bradford mun
Keflavík búa yfir enn meiri ógn
en það sem af er tímabili og þá
verður fróðlegt að fylgjast með
gangi mála í Bikarkeppni Evrópu
en þar ætla Keflvíkingar sér stóra
hluti eins og 19 stiga sigur þeirra
á franska liðinu Reims í fyrra-
kvöld er til marks um. ■
MÆTTUR Á NÝJAN LEIK Nick Bradford
lék mjög vel með Keflavíkurliðinu í fyrra og
liðið vann bæði Íslands- og bikarmeis-
taratitilinn með þennan snjalla leikmann
innanborðs. Hér bregður Bradford á leik í
einum leikjanna í fyrra.
Rúmeninn Adrian Mutu:
Sjö mánaða
leikbann
FÓTBOLTI Rúmenski knattspyrnu-
maðurinn Adrian Mutu var í gær
dæmdur í sjö mánaða keppnis-
bann af enska knattspyrnusam-
bandinu og til greiðslu 20 þúsund
punda sektar fyrir að falla á lyfja-
prófi vegna kókaínneyslu. Bannið
verður ekki lengt fari Mutu í með-
ferð og standist öll lyfjapróf sem
hann þarf að gangast undir þann
tíma sem hann er í banni. Mutu
ætlar ekki að áfrýja banninu, sem
lýkur 18. maí á næsta ári, og því
er ljóst að hann leikur ekki meira
á þessari leiktíð.
Hann mun því byrja næsta
sumar á því að finna sér nýtt félag
en Chelsea rak hann um daginn
eins og kunnugt er. Sjö mánuðir
verða að teljast vel sloppið enda
hefði hann getað fengið allt að
tveggja ára keppnisbann fyrir at-
hæfið. Mutu játaði aftur á móti
sekt sína strax og segist vera til-
búinn að taka á sínum málum. Það
kunni enska knattspyrnusam-
bandið vel að meta og það hafði
stór áhrif er lengd bannsins var
ákveðin.
Gordon Taylor, formaður
ensku leikmannasamtakanna, var
jákvæður eftir réttarhöldin og
sagðist vera sáttur við dóminn og
réttarhöldin, sem honum fannst
vera sanngjörn.
„Hann veit vel hvað hann hefur
gert af sér. Hann sér eftir því og
vill byrja að taka á sínum málum
svo hann geti byrjað að byggja
upp sitt góða nafn á nýjan leik,“
sagði Taylor. ■
Álfubikarinn á næsta ári:
Meistararnir
saman í riðli
FÓTBOLTI Heimsmeistarar Brasilíu
og Evrópumeistarar Grikkja
drógust saman í riðlakeppni Álfu-
bikarsins sem fer fram í Þýska-
landi á næsta ári en heimamenn í
Þýskalandi eru hins vegar með
Argentínumönnum í riðli. Brasil-
íumenn unnu Álfukeppnina fyrir
sjö árum en þeir eru auk Grikkja
með Japönum og Mexíkóum í riðli
en í hinum riðlinum eru Þjóðverj-
ar, Ástralar, Argentínumenn og
Túnisar.
Þjóðverjar halda keppnina sem
hefst 15. júní í sumar en hún er
eins konar „generalprufa“ fyrir
heimsmeistaramótið sem fram
fer í Þýskalandi 2006. Úrslitaleik-
urinn fer fram 29. júní í Frankfurt
en einnig er spilað í Hannover,
Köln, Leipzig og Nürnberg í
keppninni á næsta ári. Frakkar
hafa unnið álfukeppnina í tvö síð-
ustu skipti sem hún hefur farið
fram. ■
ADRIAN MUTU Dæmdur í sjö mánaða
keppnisbann í gær og einnig til þess að
fara í fíkniefnameðferð. Fréttablaðið/AP
EVRÓPUMEISTARANIR Evrópumeistarar
Grikkja mæta Heimsmeisturum Brasilíu í
álfubikanrum á næsta ári. Fréttablaðið/AP