Fréttablaðið - 23.09.2004, Page 9

ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
B
LO
2
59
27

09
/2
00
4
Hausthátíð
Erikur 3 stk.
999 kr.
Tilboð
á haustlaukum
Heimilisvendir
499 kr.
Ljósaseríur
-nýjar gerðir
790 kr.
Aldrei betra verð
10 túlipanar 99 kr.
10 krókusar 99 kr.
15 perluliljur 149 kr.
9FIMMTUDAGUR 23. september 2004
Fordómar í garð parkinsonsjúkra:
Dyravörðum er vandi á höndum
FORDÓMAR „Á þeim stöðum sem ég
hef unnið á hef ég aldrei vitað til
þess að fólki sé mismunað á
nokkurn hátt,“ segir Örlygur
Trausti Jónsson aðspurður um
meinta fordóma í garð parkinson-
veikra á vínveitingahúsum, en Ör-
lygur hefur unnið sem dyravörð-
ur á vínveitingastöðum í gegnum
tíðina. Í viðtali við Fréttablaðið á
mánudaginn lýsti Héðinn Waage
parkinsonsjúklingur því hvernig
hann hefði mætt fordómum vegna
sjúkdóms síns, og þá ekki síst á
vínveitingastöðum þar sem hon-
um hefur verið vísað út vegna
grunsemda um ölvun, en Héðinn
riðar og á erfitt með tal.
„Sjálfur hef ég lent í þeirri
aðstöðu að hafa þurft að vísa
fólki út af skemmtistöðum sök-
um drykkju, en síðar hefur kom-
ið í ljós að fólkið er haldið ein-
hverjum sjúkdómi eins og park-
inson,“ segir Örlygur. „En því
fólki hefur í langflestum tilfell-
um verið hleypt inn aftur þegar
það hefur kynnt fyrir manni sín-
ar aðstæður.“
Örlygur segir þetta vissulega
geta skapað óþægindi, og hann
útilokar ekki að einhvern tím-
ann hafi manneskju verið vísað
út án þess að eiga það skilið. En
dyravörðum sé hins vegar vandi
á höndum. „Fólk segir stundum
að það sé haldið einhverjum
sjúkdómi og kvilla, þegar það er
verið að vísa því út, en síðar
kemur í ljós að það er uppspuni
frá rótum. Ef t.d fólk með park-
insonsjúkdóm gengur um með
kort sem segir að það sé haldið
sjúkdómnum, eins og Héðinn
Waage er með, þá ætti þetta að
virka vel fyrir báða aðila.“ ■
Á VÍNVEITINGAHÚSI
Dyravörður segir það vissulega koma fyrir
að fólki með parkinson hafi verið vísað út
vegna grunsemda um ölvun, en slíkt hafi
vanalega verið leiðrétt.
AUKIN GÆSLA
Líbanskir hermenn tóku sér stöðu fyrir utan
ítalska sendiráðið í Beirút, höfuðborg Líb-
anons. Skömmu áður höfðu borist fregnir
af því að meintir hryðjuverkamenn sem
voru handteknir, sakaðir um að skipuleggja
árásir á erlend sendiráð og sendiráðsstarfs-
menn, væru í tengslum við al Kaída.
Ísraelski herinn:
Fær gefins
sprengjur
ÍSRAEL, AP Bandaríkjamenn ætla að
selja Ísraelum nær 5.000 háþróað-
ar sprengjur og greiða sjálfir fyrir
þær með peningum sem ætlaðir
eru til hernaðaraðstoðar við Ísra-
ela. Að sögn ísraelska dagblaðsins
Haaretz er kaupverð sprengjanna
tæpir 23 milljarðar króna.
Auk sprengjanna fá Ísraelar
stýribúnað og æfingabúnað en
fyrir eiga Ísraelar gervihnött sem
þeir geta notað til að stýra
sprengjunum að skotmörkum sín-
um. Ísraelsher segir sprengjurn-
ar ekki verða notaðar gegn Palest-
ínumönnum en neitaði að afneita
notkun þeirra gegn Írönum sem
eru grunaðir um að koma sér upp
kjarnorkuvopnum. ■
Skýrslur KGB:
Meirihluta
gagna eytt
LETTLAND, AP Lettar munu eyða
stærstum hluta þeirra skýrslna
sem sovéska leynilögreglan,
KBG, skildi eftir þegar Sovét-
menn héldu frá Lettlandi eftir að
Eystrasaltsríkin fengu sjálfstæði.
Einu skýrslurnar sem verða gerð-
ar opinberar eru þær sem fjalla
um fólk sem ljóstraði upp um and-
óf við Sovétríkin.
Nefnd á vegum lettneska
þingsins tók þessa ákvörðun og
sagði formaður hennar, Mareks
Seglins, að ekkert væri á því að
græða að gefa upp nöfn fólks sem
hefði greint frá raunverulegum
glæpum og spillingu. ■
TUGMILLJÓNA SEKT Bandaríska
sjónvarpsstöðin CBS verður að
greiða andvirði um 40 milljóna
króna í sekt fyrir atvik sem átti
sér stað í beinni útsendingu frá
úrslitaleik ameríska fótboltans.
Þá sást brjóst söngkonunnar
Janet Jackson í skemmtiatriði
sem fór að sögn úrskeiðis. Hálf
milljón kvartana barst vegna at-
viksins.
Evrópusamstarf:
Mónakó í
Evrópuráðið
EVRÓPA Mónakó verður 46. aðildar-
ríki Evrópuráðsins 5. október næst-
komandi, að því er fram kemur í
Stiklum utanríkisráðuneytisins.
Umsókn Mónakó um aðild að
ráðinu var fyrst lögð fram árið
1998. Að fenginni jákvæðri umsögn
þings Evrópuráðsins eftir að breyt-
ingar höfðu verið gerðar á sam-
starfssamningi Mónakó og Frakk-
lands frá 1930 samþykkti ráðherra-
nefnd Evrópuráðsins aðildina.
Hvíta-Rússland er nú eina Evr-
ópuríkið sem stendur utan Evrópu-
ráðsins. Ísland varð aðili að Evrópu-
ráðinu 7. mars árið 1950. ■
■ BANDARÍKIN
08-09 22.9.2004 21:47 Page 3