Fréttablaðið - 23.09.2004, Qupperneq 44

Minni erlend fjárfesting
Alþjóðlegar fjárfestingar, þar sem fjárfestir kaupir
eignir erlendis, minnkuðu um átján prósent á milli
2002 og 2003. Þetta kemur fram í yfirlýsingu Sam-
einuðu þjóðanna. Alls nam erlend fjárfesting 560
milljörðum Bandaríkjadala (tæplega fjörutíu þús-
und milljörðum króna) árið 2003 en gert er ráð
fyrir að fjárfestingar yfir landamæri taki kipp á ný á
þessu ári.
Olían hækkar enn
Heimsmarkaðsverð á olíu
hækkar enn. Í gær tók verðið
kipp upp á við og er nú nálægt
48 Bandaríkjadölum á tunnuna.
Bandarísk yfirvöld gáfu út
skýrslu í gær þar sem fram kom
að hratt gengur á varabirgðir
þar í landi og að fellibylurinn
Ívan hafi valdið meira tjóni á
bæði framleiðslu- og dreifikerf-
um heldur en talið var í fyrstu.
Harður slagur í flugheiminum
Slagurinn í flugheiminum er harður. Samkeppnin á
milli Icelandair og IcelandExpress hefur ekki að-
eins getið af sér lægri flugfargjöld heldur einnig
fjölda kæru- og klögumála á milli félaganna. Flug-
leiðamenn viðurkenna reyndar ekki að IcelandEx-
press sé flugfélag. Þeir halda því statt og stöðugt
fram að IcelandExpress sé ferðaskrifstofa og að
Icelandair sé eina íslenska flugfélagið.
Nýjasta útspilið í stríði
flugfélaganna er að Flug-
leiðamenn skráðu lénið
icelandexpress.org þannig
að síðan vísar beint á sér-
staka síðu hjá Icelandair
sem höfðar til breskra og
írskra ferðamanna. Skráningar-
upplýsingar sýna að það var
skrifstofa Icelandair í
Lundúnum sem skráði
lénið þann 25. júní sl. Skrán-
ingin rennur út 25.júní 2006.
MESTA HÆKKUN
ICEX-15 3.580
KAUPHÖLL ÍSLANDS [ HLUTABRÉF ]
Fjöldi viðskipta: 291
Velta: 1.796 milljónir
-0,89%
MESTA LÆKKUN
MARKAÐSFRÉTTIR...
Malcolm Walker, stofnandi
Iceland-keðjunnar, hefur lýst áhuga
á að kaupa keðjuna af Big Food
Group. Baugur hefur ekkert látið
uppi um áform sín eftir yfirtöku á
Big Food. Líklegt er að fasteignir
sem hýsa verslanir verði seldar, en
þær eru metnar á 23 milljarða.
Aðrir þættir í rekstrinum verða
skoðaðir með opnum huga, þar
með talinn kaupáhugi Walkers.
Hlutabréf lækkuðu í Kauphöll
Íslands annan daginn í röð. Mark-
aðurinn hefur hækkað mikið það
sem af er ári og telja sérfræðingar
að markaðurinn hafi verið að draga
andann eftir mikið spretthlaup, hver
sem þróunin verður í framhaldinu.
Fjárfestingarfélagið Atorka hefur
tryggt sér tæp 75 prósent í Afli.
Atorka er þar með komin langleið-
ina að yfirtöku á félaginu, sem
verður afskráð í kjölfarið.
32 23. september 2004 FIMMTUDAGUR
Einkavæðingarnefnd ákvað
í gær að auglýsa eftir ráð-
gjafa vegna sölu á Símanum.
Fyrirtækið verður líklegast
selt í áföngum. Fyrsti áfangi
verður að líkindum fljótlega
eftir áramót. Jón Sveinsson
er tekinn við sem formaður í
nefndinni.
Framkvæmdanefnd um einka-
kvæðingu ákvað í gærmorgun að
auglýsa eftir ráðgjafa vegna sölu
á hlut ríkisins í Símanum. Líkleg-
ast er að Síminn verði ekki seldur
í einu lagi heldur í áföngum.
Á sama fundi tók Jón Sveins-
son við formennsku í nefndinni en
aðrar mannabreytingar urðu
ekki.
„Það var ákveðið á fyrsta fundi
í morgun að auglýsa eftir ráð-
gjafa. Málið er sem sagt komið af
stað. Það er farið í þann farveg að
það fer nú út auglýsing til inn-
lendra og erlendra aðila þar sem
auglýst verður eftir ráðgjafa.
Fresturinn til þess verður vænt-
anlega til 25. október,“ segir Jón.
Hann segir að ráðgjafi nefnd-
arinnar muni starfa með nefnd-
inni við mat á því hvernig heppi-
legast og best sé að fara í söluferl-
ið. „Sú ákvörðun liggur ekki alveg
fyrir á þessari stundu enda munu
menn hlusta á ráðgjafann þegar
hann hefur verið ráðinn í þetta
verkefni,“ segir Jón.
Hann segir þó að líkast til
verði Síminn ekki seldur í einu
lagi heldur verði einkavæðingin
framkvæmd í þrepum en ekki er
víst hvenær ferlið fer af stað.
„Það er erfitt að setja tímasetn-
ingar í þessu sambandi en miðað
við að þetta ferli fer af stað og
menn fá ráðgjafa á verkefninu á
þessum tíma má gera ráð fyrir
að nóvember og desember fari í
það að hluta til að móta hug-
myndir um hvernig æskilegast
og heppilegast sé að fara í söl-
una. Þannig að það er kannski
ekki hægt að reikna með því að
fyrsti áfangi sölunnar fari fram
fyrr en á fyrri hluta næsta árs,“
segir Jón.
Einkavæðingarnefnd hefur
látið vinna fyrir sig mat á verði
fyrirtækisins en þau gögn eru
bundin trúnaði og vill Jón ekki
svara því að svo stöddu hvaða
verðhugmyndir ríkið hafi.
Hann segir að mikið starf bíði
nefndarinnar. Á næstu vikum
mun nefndin ræða við sérfræð-
inga á innanlandsmarkaði í því
skyni að meta markaðsaðstæður í
aðdraganda sölunnar á Símanum.
thkjart@frettabladid.is
vidskipti@frettabladid.is
Peningaskápurinn…
Actavis 49,6 -0,80% ... Bakkavör
28,20 -0,70% ... Burðarás 14,60 +0,69% ... Atorka 4,54 -1,30% ...
HB Grandi 7,70 - ... Íslandsbanki 10,20 - ... KB banki 485,00 -2,22% ...
Landsbankinn 12,10 +0,83% ... Marel 52,50 -0,94% ... Medcare 6,50 -
0,76% ... Og fjarskipti 3,70 -4,39% ... Opin kerfi 26,00 -0,38% ...
Samherji 12,60 - ... Straumur 8,40 - ... Össur 85,00 -0,58%
Söluferlið komið í gang
Kaldbakur 3,95%
Jarðboranir 1,39%
Kögun 1,18%
Fiskimarkaður -8,33%
Og fjarskipti -4,39%
KB banki -2,22%
HLUTABRÉF Í ÚRVALSVÍSITÖLU:
nánar á visir.is
Undanfarna mánuði hefur verð-
bólga verið yfir verðbólgumarkmiði
Seðlabankans. Ein af forsendum
kjarasamninga á almennum vinnu-
markaði er að „verðlag þróist í sam-
ræmi við verðbólgumarkmið Seðla-
bankans“ (Kjarasamningur VR og
SA, 21. apríl 2004). Þetta ákvæði
má skilja sem svo að ef verðbólga
er umtalsvert yfir 2,5% í nokkurn
tíma, þá telji samningsaðilar
ástæðu til að endurskoða ákvæði
samningsins eða í versta falli beita
uppsagnarákvæðum.
Þegar kjarasamningarnir voru undir-
ritaðir var verðbólgan 2,2%, mæld
sem breyting á vísitölu neysluverðs
síðustu tólf mánuði. Strax í maí fór
verðbólgan yfir 3% og hefur verið á
bilinu 3-4% síðan. Verðbólgan
hefur þó ekki farið yfir efri þolmörk
verðbólgumarkmiðsins sem miðar
við 4% verðbólgu.
Það eru tveir liðir í vísitölu neyslu-
verðs sem hafa haft afgerandi áhrif
á verðbólguþróun á undanförnum
mánuðum, húsnæði og olía. Hús-
næðisverð hefur hækkað um 7%
síðustu tólf mánuði og bensínverð
hefur hækkað um 13% á sama
tíma. Nokkur óvissa er um þróun á
verði á húsnæði og bensíni á næst-
unni, en varla er við því að búast að
verðið lækki. Ef þessir liðir eru
teknir út úr vísitölunni, þá er
hækkun hennar síðustu tólf mánuði
einungis 1,4% en ekki 3,4%.
Væntingar um verðbólgu geta haft
töluverð áhrif á þróun verðlags. Í
könnun sem Seðlabankinn gerði
meðal sérfræðinga á fjármálamark-
aði kemur fram að þeir gera ráð
fyrir að verðbólga á þessu ári verði í
kringum 3,5%. Hins vegar kemur
fram að í könnun sem gerð var
meðal almennings voru verðbólgu-
væntingar 4% í ágúst og höfðu
hækkað úr 3% í maí. Fólk er því
almennt farið að gera ráð fyrir hærri
verðbólgu.
Í nýútkomnu riti sínu Peningamál
birtir Seðlabankinn ekki nýja verð-
bólguspá, en gerir ráð fyrir að verð-
bólguþróun á síðari hluta þessa árs
verði svipuð og spáð var í júní. Sam-
kvæmt þeirri spá verður verðbólgan
áfram á bilinu 3-4% fram á síðari
hluta næsta árs. Ef verðbólgan fer
yfir 4% þarf Seðlabankinn að gera
ríkisstjórn opinberlega grein fyrir
ástæðum þess og leiðum til úrbóta.
Samkvæmt spánni má búast við því
að til þess komi í byrjun næsta árs.
Ljóst er að verðbólga verður yfir
verðbólgumarkmiði Seðlabankans
næstu misseri sem þýðir að verð-
bólga er umfram markmið kjara-
samninga og því um að ræða minni
vöxt kaupmáttar en gert var ráð
fyrir þegar samningar voru gerðir.
ÞJÓÐARBÚSKAPURINN
KATRÍN ÓLAFSDÓTTIR
Verðbólga og
kjarasamningar
DÝRT ELDSNEYTI Bensín hefur hækkað
um 13% undanfarið ár.
JÓN SVEINSSON FORMAÐUR EINKAVÆÐINGARNEFNDAR Nýr formaður einkavæðingarnefndar tók við í gær og þá samþykkti
nefndin einnig að auglýsa eftir ráðgjöfum til að undirbúa sölu á Símanum.
Grænt ljós á kaupin á FIH
Danska fjármálaeftirlitið hefur
gefið samþykki sitt fyrir kaupum
KB banka á danska bankanum FIH.
Kaupverð danska bankans er
84 milljarðar króna og jók bank-
inn hlutafé sitt um 40 milljarða
vegna kaupanna.
Sigurður Einarsson, stjórnar-
formaður KB banka, segir að þar
með geti bankinn tekið næstu
skref í viðskiptunum. „Við eigum
eftir að ganga frá kaupunum
formlega og fá hlutabréfin afhent.
Það gerist 29. september og þá
fara þeir sem nú eru í stjórninni
úr henni og við tökum við henni.“
Við yfirtökuna á FIH tvö-
faldast efnahagsreikningur KB
banka og kemur rekstur FIH af
fullum þunga inn í næsta upp-
gjör bankans.
KB banki hefur heimild til
frekari aukningar hlutafjár upp
á 40 milljarða og hefur
Deutsche Bank sölutryggt slíkt
útboð ef af verður. Yfirlýst
stefna bankans er að vaxa
frekar með kaupum. Breski
bankinn Singer and Friedlander
er líklegt yfirtökuverkefni, auk
þess sem búast má við stækkun
í Finnlandi. ■
AFHENDING FRAMUNDAN KB banki
mun taka við rekstri danska bankans FIH í
næstu viku eftir að danska fjármálaeftirlitið
samþykkti kaup KB banka á FIH.
FR
ÉT
TA
B
LA
Ð
IÐ
/G
VA
44-45 (32-33) vidskipti rétt 22.9.2004 19:55 Page 2