Fréttablaðið - 28.10.2004, Blaðsíða 6

6 28. október 2004 FIMMTUDAGUR
Sjálfstæðismenn harma ásakanir R-listamanna á hendur embættismönnum borgarinnar:
Segja R-listann axla ábyrgðina
BORGARMÁL Fulltrúar Sjálfstæðis-
flokksins í skipulags- og bygging-
arnefnd fengu ekki að leggja fram
bókun í nefndinni í gær, þar sem
ásakanir R-listans á hendur ein-
staka embættismönnum borgar-
innar í fjölmiðlum voru harmaðar.
Guðlaugur Þór Þórðarson,
borgarfulltrúi Sjálfstæðisflokks-
ins, segir að bókuninni hafi verið
vísað frá. Hann ætli hins vegar að
leggja hana fram í borgarráði í
dag. Málið á rætur sínar að rekja
til þess þegar Steinunn Valdís
Óskarsdóttir, borgarfulltrúi R-
listans og formaður skipulags- og
byggingarnefndar, sagði í viðtali
við Fréttablaðið að vegna mistaka
við gerð aðalskipulags hefði Nóa-
tún fengið að opna verslun við
Þjóðhildarstíg í Grafarholti. Hún
sagði: „Embættismenn skipulags-
og byggingarsviðs gerðu þessi
mistök þegar verið var að sam-
þykkja nýtt aðalskipulag.“
Guðlaugur Þór segir að sam-
bærileg mál hafi komið upp varð-
andi bensínstöð við Staldrið. Hann
segir sjálfsagt að stjórnmála-
menn takist á í fjölmiðlum og ann-
ars staðar en starfsfólk borgar-
innar eigi ekki að þurfa að verða
fyrir árásum frá pólitískum yfir-
mönnum sínum á opinberum vett-
vangi. R-listinn axli ábyrgðina á
mistökunum í Grafarholti. - th
Kópavogur brýtur
reglur um úthlutun
Kópavogsbær úthlutaði tveggja mánaða gömlu fyrirtæki byggingarrétti
fyrir fjölbýlishús. Fyrirtækið var selt hæstbjóðanda. Eigendur högnuðust
um tugi milljóna og eru aðrir verktakar ósáttir við vinnubrögð bæjarins.
BÆJARMÁL Byggingarfélagið Viðar
ehf. fékk úthlutað lóð fyrir 30
íbúða fjölbýlishús við Ásakór í
Kópavogi í febrúar þrátt fyrir að
hafa verið stofnað aðeins tveimur
mánuðum áður.
Fjöldi byggingafyrirtækja
sótti um lóðina og samkvæmt
heimildum Fréttablaðsins eru
byggingaverktakar mjög ósáttir
við vinnubrögð bæjaryfirvalda og
telja þeir úthlutunina vera brot á
reglum um úthlutun á byggingar-
rétti. Í þriðju grein reglnanna
kemur skýrt fram að meta eigi
umsóknir með tilliti til upplýsinga
um fjárhagsstöðu umsækjanda og
fyrri byggingarverkefni. Þá er
fyrirtækjum gert að leggja fram
endurskoðaðan ársreikning síð-
asta árs, sem vandséð er hvernig
Byggingarfélagið Viðar hefur
getað gert. Samkvæmt lögfræð-
ingum sem Fréttablaðið ræddi við
virðist skýrt að Kópavogsbær er
að brjóta eigin reglur um úthlutun
á byggingarrétti. Þar sem ljóst er
að fyrirtækið hefur ekki getað
skilað endurskoðuðum ársreikn-
ingi vaknar einnig spurning hvort
jafnræðis hafi verið gætt.
Byggingarfélagið var stofnað í
desember í fyrra og fékk bygg-
ingaréttinum úthlutað 26. febrúar.
Í reglum um úthlutun á bygg-
ingarrétti segir að óheimilt sé að
framselja byggingarétt áður en
hús sé fokhelt. Heimildir blaðsins
herma að eftir að fyrirtækið fékk
byggingarréttinum úthlutað hafi
eigendurnir boðið nokkrum aðil-
um fyrirtækið sjálft til sölu með
byggingarréttinum enda er ekk-
ert í lögum sem bannar það. Fyrir-
tækið var síðan selt hæstbjóðanda
og skipti um eigendur í apríl. Talið
er að eigendur Byggingarfélags-
ins Viðars ehf. hafi hagnast um
tugi milljóna króna á sölu fjög-
urra mánaða gamals fyrirtækis.
Hagnaðinn má að langstærstum
hluta eða nær eingöngu rekja til
byggingaréttarins í Ásakórum,
sem bæjarfulltrúar í Kópavogi út-
hlutuðu fyrirtækinu.
Þegar Fréttablaðið bar dæmið
undir borgarfulltrúa í Reykjavík
urðu þeir forviða og sögðu þetta
skýrt brot á reglum. Aldrei hefði
komið til greina að úthluta
tveggja mánaða gömlu fyrirtæki
fjölbýlishúsalóð í borginni. Í
Reykjavík eru lóðir boðnar út en í
Kópavogi er þeim úthlutað af póli-
tískt kjörnum fulltrúum bæjarins.
trausti@frettabladid.is
VEISTU SVARIÐ?
1Hvað samþykkti ísraelska þingið ífyrradag?
2Hversu mörg tilboð hafa borist einka-væðingarnefnd vegna ráðgjafar við
sölu á Símanum?
3Hvaða tveir knattspyrnumenn eiga núí deilum við Fylki?
Svörin eru á bls. 46
Lungnalæknar:
Fagna reyk-
ingabanni
HEILBRIGÐISMÁL Lungnalæknar
fagna áformum heilbrigðisráð-
herra um að leggja fram frum-
varp til laga á Alþingi um reyk-
lausa vinnustaði,
þar á meðal veit-
inga- og skemmti-
staði hér á landi.
Svo segir í
ályktun aðalfund-
ar Félags ís-
lenskra lungna-
lækna sem hald-
inn var nýlega.
Í daglegum
störfum okkar erum við sífellt
minnt á það böl sem reykingar
eru,“ segir í ályktuninni. „Reyk-
ingatengdir sjúkdómar valda
skjólstæðingum okkar langvinn-
um veikindum sem leiða oft til
ótímabærs dauða.“ ■
BÆJARMÁL Viðeigandi gögn lágu
fyrir þegar Kópavogsbær úthlut-
aði byggingarfélaginu Viðari ehf.
byggingarrétt fyrir fjölbýlishús
við Ásakór í Kópavogi í febrúar
síðastliðnum, að mati Gunnars I.
Birgissonar, formanns bæjar-
ráðs.
Hann tók fram að úthlutanir til
einstakra fyrirtækja í Kópavogi
væru trúnaðarmál sem ekki yrðu
rædd í fjölmiðlum. „Við ræðum
ekki rök okkar fyrir úthlutunum
heldur,“ sagði hann, en bætti þó
við að fyrirtækið Viðar hf. hafi
byggt í Kópavogi frá því árið
1991. „Eigandi fyrirtækisins hef-
ur staðið sig mjög vel og við því
ekki í neinum vandræðum með að
úthluta til þess fyrirtækis,“ sagði
hann og játti því að fyrir hefðu
legið gögn á borð við ársreikn-
inga sem úthlutunarreglur gera
ráð fyrir að séu fyrir hendi þegar
byggingarréttur er veittur fyrir-
tæki. - óká
FRAMKVÆMDIR Í KÓPAVOGI
Óheimilt er að framselja byggingarétt áður en hús er fokhelt. Auðvelt virðist hins vegar að komast í kringum reglurnar með því að stofna
nýtt fyrirtæki, fá úthlutað byggingarétti og selja síðan fyrirtækið með tugmilljóna hagnaði.
Kópavogsbær:
Gögnin lágu fyrir
GUÐLAUGUR ÞÓR ÞÓRÐARSON
Borgarfulltrúi Sjálfstæðisflokksins segir að starfsfólk borgarinnar eigi ekki að þurfa að
verða fyrir árásum frá pólitískum yfirmönnum.
GUNNAR I. BIRGISSON
Gunnar, bæjarfulltrúi Sjálfstæðisflokks og
formaður bæjarráðs í Kópavogi, segir að
viðeigandi gögn hafi legið fyrir þegar bygg-
ingarfélaginu Viðari var úthlutaður bygg-
ingarréttur við Ásakór í Kópavogi í febrúar.
Óvissa um höfuðkúpu
Mozarts:
Ættingjar
grafnir upp
AUSTURRÍKI Réttarlæknar hafa
grafið upp beinagrindur ættingja
Wolfgangs Amadeusar Mozart til
að taka lífsýni.
Fréttastofa BBC greinir frá því
að læknarnir ætla að bera lífsýnin
saman við lífsýni úr höfuðkúpu
sem hingað til hefur verið talin
höfuðkúpa tónskáldsins. Með
þessu ætla þeir að freista þess að
taka allan vafa af því hvort höfuð-
kúpan sé ekki í raun Mozarts.
Í þessum tilgangi hafa réttar-
læknarnir grafið upp líkamsleifar
föður Mozarts, móðurömmu hans
og systurdóttur hans.
Ekki er vitað hvar gröf Moz-
arts er. Talið er að grafari hafi
bjargað höfuðkúpunni sem nú er
geymd í Salzburg. ■
REYKINGAR
Reykingatengdir
sjúkdómar valda
langvinnum veik-
indum, jafnvel
dauða.
06-07 27.10.2004 21:34 Page 2