Fréttablaðið - 27.11.2004, Blaðsíða 46

Rósa Aðalheiður Georgsdóttir
hefur fyrir liðveislu Landsbanka
Íslands stofnað Kærleikssjóð
Sogns í minningu dóttur sinnar,
Kristínar Kjartansdóttur. Til-
gangur sjóðsins er að styrkja
starfsemi réttargeðdeildarinnar á
Sogni til hagsbóta fyrir sjúklinga,
s.s. með jólagjöfum og tækja-
kaupum. Heildarstofnfé sjóðsins
er 850 þúsund krónur, þar af 50
þúsund króna framlag Rósar Að-
alheiðar Georgsdóttur og 800 þús-
und króna framlag frá Lands-
bankanum.
Kristín Kjartansdóttir, dóttir
Rósu Aðalheiðar, lést með svipleg-
um hætti árið 1947 aðeins tveggja
ára gömul. Atburðurinn átti sér
stað í braggahverfi við Háteigs-
veg. Geðsjúkur maður réðst inn í
hús þar sem Rósa var heima
ásamt dætrum sínum tveim, átta
ára og tveggja ára. Sú yngri,
Kristín dó en Rósa og eldri dóttir
hennar lifðu af. Í réttarhaldinu
yfir manninum sem fram fór í
kjölfarið var gjörningsmaðurinn
talinn á mörkum þess að vera geð-
sjúkur og dæmdur til öryggis-
gæslu um ótiltekinn tíma. Rætt
var við Rósu Aðalheiði um dóttur-
missinn í sjónvarpsþættinum
Sjálfstætt fólk í umsjón Jóns Ár-
sæls Þórðarsonar. Sá sjónvarps-
þáttur vakti til umræðu stöðu
þessa málaflokks hér á landi.
Sjóðnum er ætlað að afla tekna
sjálfur m.a. með frjálsum fram-
lögum og er almenningur hvattur
til að leggja honum lið. Banka-
reikningur sjóðsins er 0101 18
930084. Stofnfé sjóðsins má ekki
skerða. Landsbankinn hefur
ákveðið að leggja til sjóðsins 100
þúsund króna viðbótarframlag
sem stjórn sjóðsins hefur þegar
til ráðstöfunar fyrir jólin sem
framundan eru.
Stjórn sjóðsins skipa Rósa
Aðalheiður Georgsdóttir, Hreinn
Hákonarson fangelsisprestur og
Magnús Skúlason, yfirlæknir á
Sogni. ■
Slökkviliðið er mikið í fréttun-
um þessa dagana. Það stóð í
ströngu í brunanum í Hringrás,
sem örugglega á eftir að komast
í annála. Það hverfur eiginlega í
skuggann af þessum mikla elds-
voða, eða kannski í reykinn af
honum að slökkviliðstjórinn er
að breyta um starfsvettvang,
eftir tuttugu og fjögur ár í
slökkviliðinu og 11 ára farsælan
feril sem slökkviliðsstjóri.
Tímamótin náðu tali af honum
þar sem hann var önnum kafinn
við að búa sig undir nýja starf-
ið. Við spurðum hann fyrst
hvort þetta nýja starf, sviðs-
stjóri framkvæmda, væri á
hans sviði?
„Já, ég lærði á sínum tíma
byggingatæknifræði en hef líka
að baki nám í brunaverkfræði.
En ég hef alltaf kallað mig
tæknifræðing.“
Lærðirðu þá iðngrein fyrst,
áður en þú fórst í tæknifræði?
„Já, ég var staðráðinn í því
frá unga aldri að fara í tækni-
fræði. Þess vegna fór ég að
læra húsasmíði að loknu lands-
prófi en fór ekki í menntaskóla,
eins og flestir félagarnir. Tók
reyndar iðnskólann utanskóla
og lauk sveinsprófi átján ára.
Ég lærði hjá Sigurgísla Árna-
syni, miklum ágætismanni.
Hann veiktist reyndar meðan
ég var að læra og ég var á end-
anum elsti starfsmaðurinn hjá
fyrirtækinu. Ég byrjaði alltaf
snemma á öllu. Við vorum líka
komin með barn um sama leyti.
Eftir að ég lauk námi í bygg-
ingatæknifræði kenndi ég í
Tækniskólanum og vann á verk-
fræðistofu Braga og Eyvindar
en réðst svo til Slökkviliðs
Reykjavíkur. „
Það er býsna algengur bak-
grunnur slökkviliðsmanna að
hafa lært iðngrein.
„Já en fyrst og fremst þurfa
menn að hafa reynslu í verkleg-
um efnum, að kunna skil á hand-
verki er gott.“
Ertu enn að fást við smíðar?
„Já, ég get ekki neitað því. Það
er gott að kunna skil á því að
vinna með höndunum. Maður tap-
ar ekki á því að kunna að brýna
sporjárn. Trésmíðin kemur sér
líka vel fyrir mig núna. Við hjón-
in erum nýbúin að kaupa gamalt
hús, Bjarkargötu 2, sem í upphafi
var í eigu Tómasar í Ölgerðinni.
Þar þarf vissulega að taka til
hendinni og ég hlakka til þess að
gera það. Það er fátt sem gefur
meira en eiga við handverk. Það
er líka hvíld frá störfum við þetta
nýja framkvæmdasvið Reykja-
víkurborgar. Ég hlakka líka til að
takast á við þennan nýja vettvang
þótt margs góðs sé að minnast frá
árum mínum í slökkviliðinu.“ ■
34 27. nóvember 2004 LAUGARDAGUR
BRUCE LEE, SEM REYNDAR HÉT LEE
HSIAO LUNG, fæddist þennan dag.
Hann var meistari í sjálfsvarnaríþróttum.
Frægasta mynd hans er „Enter the
Dragon“.
Ég byrjaði snemma á öllu
HRÓLFUR JÓNSSON VERÐUR SVIÐSSTJÓRI FRAMKVÆMDA HJÁ REYKJAVÍKURBORG
“Bíðið þið bara. Ég á eftir að
verða skærasta stjarna allra
Kínverja í veröldinni.“
Reyndist sannspár. En birtist eiginlega eins
og halastjarna – og hvarf.
timamot@frettabladid.is
AFMÆLI
Jón Gunnar Ottósson, forstjóri Náttúru-
fræðistofnunar Íslands, er 54 ára í dag.
Edda Heiðrún
Backman, leikkona og
leikstjóri, er 47 ára í dag.
Ingileif Jónsdóttir ónæmisfræðingur er
52 ára í dag
ANDLÁT
Hinrik Albertsson, Framnesvegi 20,
Keflavík er látinn.
Ágústa Gústafsdóttir frá Djúpavogi,
síðast til heimilis á Vogatungu 59, Kópa-
vogi, lést 19. nóvember. Jarðarförin fór
fram í kyrrþey.
Borghild Katrine Joensen, Vogatungu
91, Kópavogi, lést laugardaginn 20. nóv-
ember. Jarðarförin hefur farið fram í
kyrrþey.
Sólborg Júlíusdóttir, áður á Hörpugötu
4, Reykjavík, lést fimmtudaginn 25. nóv-
ember.
Guðrún L. Vilmundardóttir, Dunhaga
11, Reykjavík, lést miðvikudaginn 24.
nóvember.
Sigurður Magnússon, Austurvegi 34,
Seyðisfirði, áður Kirkjuvegi 57, Vest-
mannaeyjum, lést miðvikudaginn 24.
nóvember.
JARÐARFARIR
13.30 Ármann Eydal Albertsson, fyrrv.
vélstjóri, Vegamótum, Garði, verð-
ur jarðsunginn frá Útskálakirkju.
14.00 Jón K. Friðriksson, hrossarækt-
andi, Vatnsleysu, Skagafirði, verð-
ur jarðsunginn frá Hóladómkirkju.
HRÓLFUR JÓNSSON: Eftir tuttugu og fjögur ár í slökkviliðinu er tímabært að breyta til.
Gítarsnillingurinn Jimi Hendrix fædd-
ist þennan dag í Seattle í Was-
hington. Hann hóf snemma að spila
á gítar og stældi gamla blúsara á
borð við Muddy Waters og leitaði líka
í upphafsmenn rokksins. Jimi Hendrix
gekk í bandaríska herinn 1959 en
hætti í hernum 1961. Hann lék undir
hjá frægum tónlistarmönnum, Little
Richard, B.B. King, ofl.. Jimi fór til
New York 1964 og spilaði á kaffihús-
um. Bassaleikari The Animals, Bryan
Chandler, heyrði Hendrix spila og
fékk hann til þess að koma til London 1966. Þar
stofnuðu þeir sveitina „The Jimi Hendrix Experi-
ence“ með Noel Redding og Mitch Mitchell.
Lagið „Hey Joe“ komst í einu vetfangi á topp vin-
sældalistans og Jimi Hendrix sló eftirminnilega í
gegn á Monterey-hátíðinni 1967 og
vakti ekki síður athygli fyrir öfga-
kennda sviðsframkomu. Hann var
örvhentur og sagður brjóta allar regl-
ur um gítarleik . Plöturnar „Are You
Experienced“, „Axis Bold as Love“ og
„Electric Ladyland“ hlutu gríðargóðar
viðtökur og lögin „Purple Haze“, „The
Wind Cries Mary“ og „Foxy Lady“
komust á vinsældalista. Hendrix lék
hina frægu útgáfu sína af bandaríska
þjóðsöngnum, á frægustu rokkhátíð
allra tíma, í Woodstock. Jimi Hendrix
stofnaði nýja sveit, „The Band of Gypsies“ og gaf
út samnefnda stóra plötu 1969. Þessi mesti gítar-
snillingur rokkblúsins dó af völdum of stórs
skammts af heróíni í september 1970. Hann var
28 ára gamall þegar hann dó.
27. NÓVEMBER 1942
ÞETTA GERÐIST MERKISATBURÐIR
1804 Trampe greifi tekur við sem
amtmaður Vesturamtsins
og sest að í tukthúsinu.
1896 Grímur Thomsen deyr á
Bessastöðum. Um hann
verður seint sagt að hann
hafi verið ástsæll en ljóðin
hans lifa og sum eru sung-
in.
1927 Ferðafélag Íslands stofnað.
1942 Frakkar sökkva öllum flota
sínum í Toulon svo hann
falli ekki í hendur Þjóðverj-
um.
1956 Vilhjálmur Einarsson stekk-
ur 16,25 metra í þrístökki á
Olympíuleikunum í Melbo-
urne og fær silfurverðlaun-
in.
1968 Rokkhljómsveitin Steppen-
wolf fær gullplötu fyrir
500.000 eintök seld af
plötunni „Born to be wild“.
1981 Halldóra Bjarnadóttir deyr
108 ára og 44 daga gömul.
Jimi Hendrix, gítarsnillingur
Skírnardagur
Tvíburarnir að Unnarbraut 22b
Seltjarnarnesi verða skírðir í
dag kl. 14.00.
Athöfninn fer fram í Dómkirkjunni.
Prestur verður:
Sr. Jóna Lísa Þorsteinsdóttir.
Sæmundur Freyr Árnason
og Ingunn Björk Jónsdóttir
27. nóv. 2004
Þökkum auðsýnda samúð við útför,
Bjarna Ólafssonar
Alda Magnúsdóttir, börn og barnabörn.
RÓSA AÐALHEIÐUR GEORGSDÓTTIR: MINNIST HÖRMULEGS ATBURÐAR
Stofnar Kærleikssjóð Sogns
BJÖRGÓLFUR GUÐMUNDSSON LANDSBANKAMAÐUR KYSSIR RÓSU AÐAL-
HEIÐI GEORGSDÓTTUR. JÓN ÁRSÆLL ÞÓRÐARSON OG HREINN HÁKONARSON
FYLGJAST MEÐ.
46-47 (36-37) Tímamót 26.11.2004 15.52 Page 2