Fréttablaðið - 08.12.2004, Blaðsíða 46
34 8. desember 2004 MIÐVIKUDAGUR
Fræbbblarnir eru ekki framsækn-
asta hljómsveit í heimi. Þeirra
hugmyndafræði snýst um að búa
til einföld og grípandi lög á sínum
eigin forsendum, sem sumir kalla
pönk en aðrir vildu að væri stærri
hluti af hugsanagangi poppheims-
ins. Á plötunni Dót má sjá hvar
Fræbbblarnir eru lentir rúmum
aldarfjórðungi eftir stofnun, og
útkoman er þrælskemmtilegur
pakki í skóinn fyrir alla pönkara
og poppara.
Bakraddasöngkonurnar þrjár
eru kærkomin viðbót og auka fjöl-
breytni hljóðheims og ekki síður
útlits sveitarinnar, en gömlu jaxl-
arnir standa sig með prýði í spila-
mennskunni. Enginn á samt eftir
að rugla þeim saman við Yes eða
Pink Floyd í fínheitum, blessunar-
lega. Hrá gítarriff drífa áfram
mörg laganna, sem verða stöku
sinnum keimlík, þannig að platan
nýtur sín einna best í smærri
skömmtum sem lækning á froðu-
poppsýki. Nokkrar stórskemmti-
legar lagasmíðar má samt finna
innan um. You’ve Got Your Trou-
bles er nánast eins og standard í
uppbyggingu, og Heaven Needed
a Lead Singer er frábær loka-
punktur, en hugmyndaauðgin sem
birtist í þessum lögum hefði skil-
að klassískum diski hefði hún náð
að smitast í hvert einasta lag.
Spank the Spice Girls er bein-
skeytt kynning fyrir þá sem ekki
þekkja til, en hljómsveitir eins og
Fræbbblarnir njóta sín einna best
í lítt dulbúnum árásum á meðal-
mennskupoppið. Þeir hafa engu
gleymt og vonandi að þeir leggist
í lagasmíðar og skili ennþá betri
plötu næst.
Magnús Teitsson
FRÆBBBLARNIR:
DÓT
NIÐURSTAÐA: Þrælskemmtilegur pakki.
Fræbbblarnir hafa engu gleymt og halda sig við
grípandi pönk.
[ TÓNLIST ]
UMFJÖLLUN
Cecelia Ahern, höfundur metsölu-
bókarinnar PS: Ég elska þig, var
stödd hér á landi á dögunum en
bókin er komin út í íslenskri þýð-
ingu Sigurðar A. Magnússonar.
Bókin hefur verið þýdd á rúmlega
30 tungumál og fengið afar góðar
viðtökur. Þetta er fyrsta skáld-
saga hinnar 23 ára gömlu Ceceliu
en hún var 21 árs þegar hún skrif-
aði bókina. Sagan segir frá Holly
sem rétt fyrir þrítugsafmælið
missir eiginmann sinn, Gerry. Eft-
ir andlátið tekst hún á við sorgina
með aðstoð hins látna eiginmanns
sem hafði skilið eftir orðsending-
ar til hennar.
„Ég vildi að ég ætti gott svar
við því af hverju ég skrifaði bók-
ina,“ segir Cecelia. „Ætli ég sé
ekki bara dagdraumamanneskja?
Sjálf hef ég aldrei misst ástvin en
á tímabili velti ég því mikið fyrir
mér hvernig það væri að missa
ástvini sína og hvernig hægt væri
að gera tilveruna bærilega án
þeirra. Og kannski, hugsaði ég,
gætu þeir skilið eitthvað eftir sem
minnti á þá.“
Skrifaði á nóttunni
Cecelia hefur skrifað frá því hún
var unglingur. „Þegar ég var 14
ára skrifaði ég fyrstu bók mína.
Ég geymi hana vandlega, það skal
enginn komast í hana,“ segir hún
og brosir og ljóst er að henni þyk-
ir ekki mikið til verksins koma.
„Síðan skrifaði ég smásögur og
ljóð. Ég var sískrifandi. Ég skrif-
aði PS: Ég elska þig við eldhús-
borðið á næturna eftir að ég lauk
námi í framhaldsskóla. Ég byrjaði
klukkan tíu á kvöldin og skrifaði
til sex á morgnana. Á daginn svaf
ég. Mamma las hvern kafla jafn-
óðum og hvatti mig. Ég veit ekki
hvort ég hefði lokið við bókina án
hvatningar hennar.“
Bókinni var ekki lokið þegar
bandarískt útgáfuforlag greiddi
Ceceliu milljón í fyrirfram-
greiðslu. Ýmsir urðu til að benda
á að Cecelia væri dóttir Bertie
Ahern, forsætisráðherra Íra, og
það hefði fyrst og fremst orðið til
að vekja athygli á bókinni. „Ég
átti von á því að þessi umræða
myndi spretta upp,“ segir Cecelia,
„og þegar það gerðist þá andvarp-
aði ég og hugsaði: „Þá byrjar
það!““
PS: Ég elska þig ber vott um
sterka rómantíska sýn Ceceliu,
eins og hún viðurkennir fúslega.
En um leið setur hún fyrirvara:
„Ég er raunsæ, ég veit að sam-
bönd ganga ekki alltaf upp, for-
eldrar mínir skildu til dæmis.
Sumir eru með sömu manneskj-
unni alla ævi, aðrir ekki. Þetta er
ástarsaga en um leið saga um vin-
áttu og fólkið í lífi manns. Vinátta
er svo dýrmæt.“
Kvikmynd í uppsiglingu
Önnur skáldsaga Ceceliu sem er
nýkomin út fjallar einmitt um vin-
áttu. Hún heitir Rosie Dunne og
fjallar um samband tveggja vina,
konu og karlmanns, sem taka
ólíka stefnu í lífinu og halda ætíð
sambandi sín á milli en eru treg til
að viðurkenna þá staðreynd að
þau elska hvort annað. Cecelia er
nú hálfnuð með þriðju bók sína
sem hún segir enn skemmtilegra
að skrifa en PS: Ég elska þig. „Ég
vil ekki ræða um efni hennar fyrr
en ég hef lokið við hana,“ segir
hún. Cecelia er orðin atvinnurit-
höfundur og skrifar flesta daga.
„Það er fátt sem mér finnst
skemmtilegra en að skrifa. Ég nýt
þess,“ segir hún.
PS: Ég elska þig verður senn að
kvikmynd því Warner Brothers
hafa keypt réttinn og borguðu
Ceceliu eina milljón í fyrirfram-
greiðslu. Þessi unga og sérlega
geðuga stúlka virðist ekki þurfa
að kvíða framtíðinni. ■
Poppprinsessan Britney Spears
hélt upp á 23 ára afmæli sitt þann
2. desember, á lúxushóteli í Santa
Barbara í Kaliforníu. Britney
dvaldist í tvo daga í svítu sinni
ásamt eiginmanni sínum, Kevin
Federline. Þau gengu í hjónaband
í september síðastliðnum.
Aðeins einu sinni fóru þau út
úr herberginu til að fá sér að
borða. Talið er að þau hafi verið
að reyna að eignast barn og því
ekki viljað eyða tíma sínum til
einskis. Að sögn starfsfólks hót-
elsins settu hjónin upp skilti á
hurðarhún herbergisins sem á
stóð: „Ónáðið ekki“ skömmu eftir
komuna þangað.
Britney neitaði meira að segja
að opna hurðina fyrir starfsfólk-
inu þegar það ætlaði að færa
henni blómvönd og afmælisköku í
tilefni afmælisins. ■
Samuel L.Jackson
hefur ýjað
að því að
r a p p a r i n n
Nelly og
söngkonan
Ashanti séu
par. Hann
segir rappar-
ann heim-
sækja hana
reglulega á tökustað kvikmyndar
hennar. Ashanti hefur reyndar nýlega
reynt að kveða niður þessar sögu-
sagnir og sagt: „að fólk sé aðeins að
gera sér upp einhverja sápuóperu“.
„Nelly kemur alltaf með lífrænt rækt-
aða grænmetisrétti til hennar því
henni líkar ekki maturinn í mötu-
neytinu,“ sagði heimildar-
maður. Ástæðan fyrir
leynimakkinu er víst sú
að Ashanti vill ekki særa
fyrrverandi kærasta sinn.
„Irv veit af Nelly, en As-
hanti vill alls ekki særa
hann,“ bætti heimildar-
maðurinn við.
Ávæntanlegri plötuParis Hilton verða
allnokkur „cover“-lög
og þar á meðal hið
klassíska lag Fame
þeirra Davids Bowie
og Johns Lennon
sem fór inn á Topp 20
listann árið 1975.
Einnig hefur hún tekið
upp eitt frægasta lag
h l j ó m s v e i t a r i n n a r
Blondie frá árinu
1979 – Heart of Glass.
„Þetta eru ótrúlega
heit lög,“ sagði
Hilton.
FRÉTTIR AF FÓLKI
Smáskammtalækningar
Hélt upp á afmælið á hóteli
BRITNEY OG KEVIN Britney Spears og
Kevin Federline eyddu tveimur sólarhring-
um á lúxushóteli á dögunum.
CECELIA AHERN „Sjálf hef ég aldrei misst ástvin en á tímabili velti ég því mikið fyrir mér
hvernig það væri að missa ástvini sína og hvernig hægt væri að gera tilveruna bærilega
án þeirra. Og kannski, hugsaði ég, gætu þeir skilið eitthvað eftir sem minnti á þá.“
Cecelia Ahern nýtur þess að skrifa
FRÉTTAB
LAÐ
IÐ
/TEITU
R
46-47 (34-35) fólk 7.12.2004 19:46 Page 2