Fréttablaðið - 08.12.2004, Blaðsíða 56
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Ísköld
tölvurödd
Gífurlegur skortur á svonefndum„þjónustufulltrúum“ er á góðri
leið að lama atvinnulífið á Íslandi og
draga úr framleiðni, hagvexti, vel-
sæld og framförum í þessu annars
ágæta landi okkar. Á hverjum degi
glatast vinnustundir í tugþúsunda-
tali vegna þess að stór hluti þjóðar-
innar situr aðgerðalaus tímunum
saman og bíður eftir því að ná sam-
bandi við „þjónustufulltrúa“ til að
hjól atvinnulífsins geti haldið áfram
að snúast.
ÞAÐ ER SAMA hvert hinn al-
menni borgari snýr sér með við-
skipti sín, svarið er alls staðar hið
sama: „Þú hefur náð sambandi við
Stórveldið. Því miður eru allir þjón-
ustufulltrúar uppteknir í augnablik-
inu. En símtöl verða afgreidd í
þeirri röð sem þau berast. Þú ert
númer ... 29 í röðinni.“ Á einu
augnabliki hefur tekist að koma við-
skiptavininum í skilning um að hann
eða hún sé bara lítill, nafnlaus skít-
ur sem til aðgreiningar frá öðrum
mengandi þáttum í umhverfinu hafi
hlotið biðnúmerið 29, eins og saka-
maður eða fangi sem hefur verið
sviptur borgaralegum réttindum
sínum vegna margítrekaðrar glæpa-
starfsemi.
GÚRÚAR Í VIÐMÓTS- og
ímyndarfræðum hafa lengi haldið
því fram að sú rödd sem svarar í
símann sé ímynd fyrirtækisins út á
við. Og það er rétt. Heyrnarlaus,
náttúrulaus og tilfinningaköld tölvu-
rödd tilkynnir viðskiptavinum að
símtöl þeirra „verði afgreidd“, en
það er ný og ógnvænleg þróun í
mannlegum samskiptum að tala um
að „afgreiða samtöl“.
ÞEGAR HIN ÍSKALDA tölvu-
rödd hefur lokið máli sínu líður
manni eins og afturgenginn bryti
hafi boðið manni næturgistingu í
kastala Drakúla, og þá hefjast pynt-
ingarnar. Önnur tölva tekur til við
að misþyrma einhverju lagi með því
að leika skerandi útsetningu af því á
kattargarnir, sög eða rafmagns-
orgel. Þessi tónlistartortúr dugir til
þess að allir nema harðgerustu ein-
staklingar gefist upp við tilraun
sína til að ná sambandi við Stórveld-
ið, og þeir sem lifa af biðina eru
yfirleitt búnir að gleyma erindinu
þegar þjónustufulltrúinn birtist og
segir þeim að sá sem spurt er um sé
á fundi – erlendis. ■
BAKÞANKAR
ÞRÁINS BERTELSSONAR
56 bak 7.12.2004 19:42 Page 2