Tíminn - 14.07.1974, Blaðsíða 23
Sunnudagur 14. júli 1974.
TÍMINN
23
HEILDSALA - SMASALA
umboðsmaður Autolite/Motorcraft vörur
Skeifan 17j Reykjavik. Simar 84515—84516
Þekking á
heimilisstörfum
er ungu fólki
nauðsynleg
— segir Ingigerður Guðjónsdóttir, forstöðukona
Húsmæðraskólans að Staðarfelli í Dölum
— Ég tel mjög nauð-
synlegt að ungt fólk sæki
húsmæðraskóla og að
þeir hafi siður en svo
glatað hlutverki sinu.
Piltum jafnt sem
stúlkum er mikilsvert að
kunna skil á öllum þeirn
fjölmörgu efnum og
vörutegundum, sem nú
eru á boðstólum. Og
öllum er þeim hollt að
kunna til verka Nú
þegar konur vinna
flestar úti gerir hús-
mæðraskólavist þeim
auðveldara að vinna
heimilisstörfin fljótt og
vel jafnhliða öðru starfi.
Svo fórust Ingigerði Guðjóns-
dóttur forstöðukonu Húsmæðra-
skólans að Staðarfelli í Dölum
orð, er við hittum hana að máli nú
fyrir skömmu, er hún var á ferð i
Reykjavik, Ingigerður hefur
verið 12 ár að Staðarfelli, en auk
hennar starfa við skólann þrir
kennarar og ráðsmaður. Starfslið
verður óbreytt næsta skólaár, en
þá er i 'ráði að hafa i skólanum
þrenns konar námsskeið: þrigg ja
vikna fimm vikna og þriggja
mánaða, auk heils vetrar skóla
Húsmæðraskólar veiti
réttindi
— Mjög er áriðandi, sagði
Ingigerður, að sem fyrst verði
gengið frá lögum um að hús-
mæðraskólarnir veiti ákveðin
réttindi, en drög að þeim liggja
þegar fyrir alþingi. Þangað til
hlýtur starfsemi skólanna að vera
i svipuðu formi og verið hefur.
Sumu unga fólkinu kann. að
þykja átta mánaða skóli of langur
meðan hann veitir engin ákveðin
réttindi. Þó er það svo að ég hef
venjulega getaö útvegað um
helmingi nemenda vinnu á vorin i
lok námsins, þvi mikið er leitað til
min og ég beðin að benda á
stúlkur úr skólanum. Hér er
einkum um hótelstörf og fleira
þ.h. að ræða en þar eru stúlkur,
sem gengið hafa I húsmæðraskóla
látnar ganga fyrir
Húsmæðraskólinn að Staðar-
felli hefur alla tið verið fullsetinn
þangað til i vetur. Skólinn er
ætlaður 26 nemendum, en þó
höfum við einu sinni haft 36, en
það var auðvitað of margt. I vetur
voru hins vegar aðeins 16.
Raunar innrituðust 21, en fimm
nemendur heltust úr lestinni
Tveir piltar i skólanum i
vetur
Þess má geta að tveir piltar
annar frá Akranesi og hinn úr
Reykjavik, vorui skólanum i vetur
og stóðu sig með ágætum. Þeir
ætluðu báðir að vera matsveinar
á bátum i sumar og voru að afla
sér undirbúnings undir það starf.
Piltarnir lærðu matreiðslu og
heimilishald meðferð ungbarna
og handavinnu og vefnað ef þeir
vildu og voru reglulega duglegir
— en þeim leiddist að þvo upp,
bætir Ingigerður við brosandi.
Aðrar námsgreinar i skólanum
eru islenzka, næringarefnafræði,
vöruþekking, efnisfræði, heilsu-
fræði, uppeldis- og sálarfræði,
félagsfræði og ræsting.
Stúlkurnar, sem hjá okkur voru
i vetur, voru hvaðanæva að af
landinu. En mjög góðar sam-
göngur eru orðnar til okkar. Það
er ekki orðið nema fjögurra tima
akstur að Staðarfelli úr
Reykjavik og áætlunarferðir
tvisvar i viku. Þá er flugvöllurinn
rétt við bæjardyrnar.
Ódýrustu skólarnir
Húsmæðraskólarnir eru mun
ódýrari en aðrir skólar, þar er
nemendur og kennarar vinna öll
verk sjálfir, og þó er fæðið alveg
sérstaklega gott. í vetur kostaði
fæðið hjá okkur 240 kr. á dag.
Skólavistin yfir veturinn kostaði
að meðaltali 56.840 kr: fyrir
nemanda og er þar innifalið fæði
og húsnæði, bækur og efni til
sauma og vefnaðar. Þó þurfa
nemendur að hafa með sér efni i
þau föt, sem þeir sauma sjálfir á
sig. Og var stúlkunum gert að
koma með efni i einar siðbuxur,
kjól og blússu og I fleiri flikur ef
þær hefðu vilja og dugnað til að
ljúka meiru
Námskeið fyrir konur
I vetur höfðum við einnig þrjú
námskeið fyrir konur og voru 15 á
hverju þeirra. Þetta voru tvö
sniða- og saumanámskeið sam-
kvæmt pfaffkerfinu og vefnaðar-
námskeið. Bjuggu konurnar I
skólanum meðan á nám-
skeiðinum stóð.
Skólahúsið var endurnýjaö á
árunum 1962-71 og byggður
skólastjórabústaður og þrjár
kennaraibúðir. Húsnæðismálin
eru þvi I góðu lagi
I sumar dveljast húsmæður I
orlofi i Staðarfellsskóla. Eru þær
úr Hafnarfirði, Kópavogi og af
Snæfellsnesi.
— Og hvað um aðsókn á næsta
skólaári?
— Þegar eru nokkrar stúlkur
búnar aö sækja um skólavist I
átta mánaða skóia. En við teljum
rétt að leggja einnig áherzlu á
styttri námskeið til að verða við
óskum sem flestra.
Ingigerður Guðjónsdóttir
Timamynd Róbert
Auglýsing
til bifreiöa- og verkstæðiseigenda
.
amebísk. flj
/\uto\'te , p
kerti
\ aWar
gerðir
b\freiða
fyrirHggíand'
á mjög
hagstseðu
verði.
Stúdentar 1974
Þjóðhátiðarnefnd 1974 vill ráða 100
stúdenta til starfa á Þingvöllum á þjóðhá-
tiðinni 28. júli n.k.
Stúdentar snúi sér til skrifstofu nefndar-
innar þriðjudag, miðvikudag og fimmtu-
dag, Laugavegi 13, II. hæð (gengið inn frá
Smiðjustig) kl. 10-12 f.h. og 4-6 e.h.
Þjóðhátiðarnefnd 1974.