Fréttablaðið - 15.12.2004, Blaðsíða 6
6 15. desember 2004 MIÐVIKUDAGUR
UMFERÐ Hámarkssekt vegna um-
ferðarlagabrota fer úr 100 þúsund
krónum í 300 þúsund krónur sam-
kvæmt nýsamþykktri breytingu á
reglugerð um viðurlög vegna
brota á umferðarlögum.
Samkvæmt upplýsingum frá
samgönguráðuneytinu er breyt-
ingin liður í því að fylgja eftir um-
ferðaröryggisáætlun samgöngu-
ráðuneytisins og auka aðhald að
ökumönnum á þjóðvegum. Í ný-
legri skýrslu, sem tekin var saman
af Umferðarstofu, kemur fram að í
þremur af hverjum fjórum
banaslysum á Íslandi á árunum
1998 til 2002 var aðalorsök talin
vera hraðakstur, ölvunarakstur
eða það að bílbelti var ekki notað.
Allar þessar orsakir banaslysa
tengjast brotum á umferðarregl-
um.
Samgönguráðherra hefur boð-
að að umferðaröryggisáætlun
verði fylgt fast eftir og hefur
þegar ráðgert að leggja 400 millj-
ónir til verksins á næsta ári. Höf-
uðmarkmið samgönguráðuneytis-
ins er að fækka slysum á þjóðveg-
um landsins þannig að fjöldi al-
varlegra slysa í umferð á hverja
100 þúsund íbúa verði sambæri-
legur við það sem lægst gerist í
heiminum. - th
Janúkovitsj sagður
hafa viljað beita valdi
Forsætisráðherra Úkraínu þvertekur fyrir að hafa viljað senda herinn til að
tvístra mótmælendum í höfuðborginni. Financial Times hefur eftir heimildar-
mönnum að hann hafi þrýst á forsetann um þetta.
ÚKRAÍNA, AFP Viktor Janúkovitsj,
forsætisráðherra Úkraínu, þvertók
í gær fyrir að hafa reynt að fá Le-
oníd Kútsjma forseta til að beita
hersveitum gegn mótmælendum í
Kiev. Breska viðskiptadagblaðið
Financial Times birti í gær frétt
þess efnis að Janúkovitsj hefði far-
ið þessa á leit við Kútsjma og vísaði
til heimilda í úkraínsku stjórninni
og meðal sendimanna erlendra
ríkja.
Samkvæmt frétt Financial
Times var Janúkovitsj einn þeirra
áhrifamanna í úkraínskum stjórn-
málum sem vildu að her eða örygg-
issveitir yrðu notaðar til að tvístra
mótmælendum sem voru komnir til
höfuðborgarinnar til að mótmæla
kosningasvindli ráðamanna.
„Ég veit að margir fulltrúar
stjórnvalda reyndu að fá forsetann
til að lýsa yfir neyðarástandi,“
hefur blaðið eftir Vasyl Baziv, að-
stoðarstarfsmannastjóra forsetans.
„Þeir sögðu að tími væri kominn til
að nýta vald ríkisins. Forsetinn var
frá fyrstu stundu mótfallinn því að
beita valdi,“ sagði Baziv. Meðal
þeirra sem sagðir eru hafa þrýst á
forsetann er starfsmannastjóri
hans, Viktor Medvetsjúk.
Kútsjma er sagður hafa neitað að
beita hervaldi þar sem hann vildi
ekki að valdatíma sínum lyki með
blóðugum átökum.
Janúkovitsj þvertekur fyrir að
hafa hvatt til þess að hervaldi yrði
beitt gegn mótmælendum. Janú-
kovitsj var lýstur sigurvegari kosn-
inganna sem fram fóru í síðasta
mánuði og voru dæmdar ógildar
nokkru síðar. Hann etur nú kappi
við Viktor Júsjenkó í endurtekningu
kosninganna. „Ég tók ekki þátt í
neinum umræðum um þessa spurn-
ingu. Þessar upplýsingar eru falsk-
ar. Við ræddum ekki um að beita
valdi heldur einungis um að koma á
reglu,“ sagði Janúkovitsj eftir birt-
ingu fréttarinnar.
Fréttin er afar óheppileg fyrir
Janúkovitsj, sem er talinn eiga
erfitt uppdráttar gegn Júsjenkó. ■
Grunnskólar Reykjavíkur:
Lækka nið-
urgreiðslur
SKÓLAR Ákveðið hefur verið að
lækka niðurgreiðslur til skóla-
mötuneyta í Reykjavík um 20
krónur á máltíð til að koma til
móts við kröfu um hagræðingu
hjá Fræðsluráði Reykjavíkur.
Skólamáltíðir gætu því hækkað
um 400 krónur á mánuði.
Stefán Jón Hafstein segir að
stefnt sé að því að fólk finni ekki
fyrir þessu með því að auka
magninnkaup og fjölga útboðum.
Nú kostar heit máltíð í skólum
borgarinnar á bilinu 200-280 krón-
ur máltíðin. - ss
Hafnarfjörður:
3,4 milljónir
á hverja íbúð
VERKTAKA Tilboð í byggingarrétt á
Norðurbakka í Hafnarfirði voru
opnuð í byrjun vikunnar. Byggingar-
félagið Ingvar & Kristján var með
hæsta tilboðið í annan hluta verks-
ins og bauð rúmar 132 milljónir eða
3,4 milljónir á hverja íbúð. Eykt
bauð rúmar 260 milljónir í hinn hlut-
ann eða um 3,3 milljónir á íbúð.
Í gær voru opnuð tilboð í tvær
lóðir til viðbótar og í dag verða síð-
ustu tilboðin opnuð. Byggðar verða
440 íbúðir á Norðurbakka. - ghg
Suðurlandsvegur:
Ók á bíl í
vegkanti
LÖGREGLA Ökumaður bíls sem ekið
var vestur eftir Suðurlandsvegi
skammt austan við Þjórsá ók á
kyrrstæðan mannlausan bíl í veg-
kantinum með þeim afleiðingum að
bíll hans fór út af veginum, valt og
endaði þvert yfir skurði. Ökumað-
urinn leitaði læknis á heilsugæslu-
stöðinni á Hellu vegna meiðsla á
handlegg og á fæti. Báðir bílarnir
eru gjörónýtir og voru fjarlægðir
af slysstað með kranabíl. - hrs
BÍLVELTA UNDIR HAFNARFJALLI
Maður var fluttur á sjúkrahúsið á
Akranesi eftir að hafa misst
stjórn á bíl sínum í hálku og
hafnaði utan vegar við Vestur-
landsveg undir Hafnarfjalli í
fyrrinótt. Bíllinn valt og hafnaði
um tuttugu metrum fyrir neðan
veginn. Maðurinn var ekki talinn
alvarlega slasaður.
DEKKJUM STOLIÐ Bíleigandi á
Akureyri var undrandi þegar
hann kom að Skoda-bíl sínum við
Hvannavelli á mánudag en búið
var að taka öll dekkin, með felg-
um, undan bílnum. Múrsteinar
höfðu verið settir undir öxla bíls-
ins og hann skilinn þannig eftir.
Ekki er vitað hver var að verki
en þeir sem geta veitt upplýsing-
ar eru beðnir að hafa samband
við lögregluna á Akureyri.
■ LÖGREGLUFRÉTTIR
VEISTU SVARIÐ?
1Hve margir eru innlyksa á Landspítal-anum af því að úrræði skortir fyrir þá?
2Hverjir hafa verið nefndir sem kostir ístarf bæjarstjóra í Kópavogi?
3Hvar kviknaði í í miðbæ Reykjavíkurá mánudagskvöldið?
Svörin eru á bls. 46
„UMFRAM ALLT: TÖFF“
„Bók í anda Tarantinos, hæfilega blóðug og
hæfilega fyndin. En umfram allt: töff.“
Úlfhildur Dagsdóttir, bókmenntir.is
VETNISSTÖÐIN
Vetnisvagn Nýorku við vetnisstöð Skelj-
ungs. Hún hóf aftur starfsemi í gær en hún
hefur verið biluð í nokkrar vikur.
Strætó:
Vetnið aftur
í umferð
SAMGÖNGUR Vetnisstöð Skeljungs
og Íslenskrar Nýorku hóf aftur
störf í gær en hún hefur verið bil-
uð í nokkrar vikur. Á meðan hafa
vetnisstrætisvagnar Nýorku stað-
ið ónotaðir. Vetni verður dælt á þá
aftur í dag.
Þegar bilunin kom upp var
ákveðið að fara í stærri viðgerð
og endurhanna hluta hennar. Við-
ræður eru á milli eigenda stöðvar-
innar og Norsk Hydro um kostn-
aðarskiptingu vegna viðgerðar-
innar en fyrirtækið framleiddi
tækjabúnað í stöðina. - ghg
Sendiherra Íslands í
Kambódíu:
Afhenti
trúnaðarbréf
UTANRÍKISMÁL Ólafur Egilsson af-
henti í gær í fyrsta skipti konungi
Kambódíu, Norodom Sihamoni,
trúnaðarbréf sem sendiherra Ís-
lands. Sendiherrastörfum gagnvart
Kambódíu verður að sinni gegnt frá
Reykjavík eins og samskiptum við
fleiri ríki í Suðaustur-Asíu.
Formlegu stjórnmálasambandi
Íslands og Kambódíu var komið á
fót í fyrra. Þetta var í fyrsta skipti
sem Sihamoni tók við trúnaðarbréfi
erlends sendiherra en hann tók við
konungdómi af föður sínum fyrir
skemmstu. - bs
Afbrot:
Öruggast á
Austurlandi
LÖGREGLA Öruggast virðist að búa á
Austurlandi, eftir því sem fram
kemur í ritinu Afbrotatölfræði 2003,
sem tekið er saman af Ríkislög-
reglustjóra, en fæst brot áttu sér
stað á Austurlandi árið 2003. Flest
tilkynnt hegningarlagabrot áttu sér
stað á höfuðborgarsvæðinu; um 76
prósent tilkynntra hegningarlaga-
brota og rétt rúmur helmingur um-
ferðarlagabrota. Næstflest brot áttu
sér stað á Suðurlandi. Fjöldi brota er
miðaður við hverja 10.000 íbúa.
Brotum miðað við íbúafjölda
fjölgaði mest á Seyðisfirði og Ísa-
firði, en fækkaði mest í Búðardal og
Vestmannaeyjum. - ss
WASHINGTON, AFP Spirit, könnunar-
far Bandarísku geimferðastofn-
unarinnar (NASA) á Mars, hefur
fundið steinefni sem teljast
öruggasta sönnunin hingað til
fyrir því að vatn hafi einhvern
tímann fundist á plánetunni.
Þetta kom fram hjá vísinda-
mönnum NASA á mánudag.
Spirit fann steinefnið goethite
á því svæði Mars sem kallast
Kólumbíuhæðir. Eftir því sem
fram kemur hjá NASA myndast
steinefnið einungis nálægt vatni,
hvort sem vatnið er fljótandi,
frosið eða í gufuformi. Á svipuð-
um stað hafði einnig fundist
steinefnið hematite, sem oftast,
en ekki alltaf, myndast nálægt
vatni.
Goestar Klingelhoefer, vís-
indamaður sem hefur yfirum-
sjón með greiningu steinefna
sem finnast á Mars, segir goet-
hite, líkt og jarosite sem könnun-
arfarið Opportunity fann hinum
megin á Mars, vera sterka sönn-
un fyrir því að vatn hafi ein-
hvern tímann fundist þar.
Tilgangur könnunarfaranna
Spirit og Opportunity var að
finna sannanir um vatn á Mars.
Talið er að því hlutverki hafi lok-
ið í apríl síðastliðnum. ■
KÓLUMBÍUHÆÐIR Á MARS
Vísindamenn segja að á Kólumbíuhæðum
séu öruggustu sannanirnar sem hingað til
hafa fundist fyrir vatni á Mars.
FR
ÉT
TA
B
LA
Ð
IÐ
/A
P
Reikistjarnan Mars:
Nýjar sannanir um vatn
BÍLSLYS VIÐ MIKLUBRAUT
Þrjú af hverjum fjórum banaslysum voru
vegna hraðaksturs, ölvunaraksturs eða
vegna þess að bílbelti voru ekki notuð.
Sektir fyrir umferðarlagabrot hækkaðar:
Hámarkssekt er
nú 300 þúsund
JANÚKOVITSJ Á SKRIFSTOFU SINNI
Forsætisráðherrann þvertekur fyrir að hafa viljað beita valdi gegn mótmælendum sem kröfðust ógildingar kosninganna
þar sem hann var lýstur sigurvegari.