Fréttablaðið - 31.12.2004, Qupperneq 48

48 31. desember 2004 FÖSTUDAGUR
Landsvirkjun er í hópi stærstu fyrir-
tækja landsins. Tilgangur fyrirtækisins
er a› stunda starfsemi á orkusvi›i
ásamt annarri vi›skipta- og fjármála-
starfsemi. Hjá Landsvirkjun starfa um
260 starfsmenn me› mjög fjölbreytta
menntun.
Forgangsverkefni fyrirtækisins eru
m.a. a› taka flátt í fyrirhugu›um
breytingum á skipulagi orkumála til
a› tryggja stö›u Landsvirkjunar á
orkumarka›i og efla gæ›a- og
umhverfisstjórnun. Mikil áhersla er
lög› á nútíma mannau›sstjórnun
me› áherslu á flekkingarstjórnun,
fjölskylduvænt starfsumhverfi,
jafnrétti og tækifæri til starfsflróunar.
Landsvirkjun starfrækir sjó› til styrktar nemendum á framhaldsstigi
háskólanáms (meistara- og doktorsnám) sem eru a› vinna a›
lokaverkefnum sínum og eru styrkir veittir úr sjó›num árlega. Ákve›i›
hefur veri› a› verja samtals 3 milljónum króna í námsstyrki á árinu
2005 og ver›ur styrkjunum úthluta› í apríl næstkomandi. Hver styrkur
ver›ur a› lágmarki 400 flúsund krónur.
Markmi› me› námsstyrkjunum er a› efla menntun og hvetja til
rannsókna á hinum margvíslegu svi›um sem tengjast starfsemi
Landsvirkjunar. Umsækjendur eru sérstaklega hvattir til a› kynna sér
hina fjölbreyttu starfsemi Landsvirkjunar á vefsí›u fyrirtækisins.
Styrkjunum er ætla› a› standa undir hluta af kostna›i vi› lokaverkefni
sem hafin eru e›a munu hefjast á árinu 2005. Umsækjendur flurfa a›
leggja fram l‡singu á verkefninu, me›mæli lei›beinanda og rök-
stu›ning fyrir flví a› verkefni› tengist starfsemi Landsvirkjunar.

Umsóknum ásamt fylgigögnum skal skila á skrifstofu Landsvirkjunar,
Háaleitisbraut 68, 103 Reykjavík, merktum:
„NÁMSSTYRKIR LANDSVIRKJUNAR 2005“
Umsóknarey›ublö› og nánari uppl‡singar um styrkveitinguna og
starfsemi Landsvirkjunar er a› finna á vefsí›u Landsvirkjunar,
www.lv.is.
Einnig veitir Bjarni Pálsson upplýsingar í síma 515 9000 og
BjarniP@lv.is.
Umsóknarfrestur er til 25. janúar 2005.
Öllum umsóknum ver›ur svara› og
fari› me› flær sem trúna›armál.
Styrkir til nemenda
á framhaldsstigi
háskólanáms
Landsvirkjun augl‡sir eftir umsóknum um styrki vegna meistara- e›a doktorsverkefna
E
N
N
E
M
M
/
S
ÍA
/
N
M
14
58
7

Skíðahöll í Úlfarsfelli
ÍÞRÓTTAMANNVIRKI „Okkar útreikn-
ingar benda til að hægt sé að reisa
slíka skíðahöll með góðu móti á
vel innan við milljarð króna,“ seg-
ir Helgi Geirharðsson, verkfræð-
ingur og stjórnarmaður hjá Skíða-
sambandi Íslands. Hann hefur um
árabil kannað möguleikana á að
byggja skíðahöll á Íslandi og seg-
ir að slíkt mannvirki sé mun ódýr-
ara og hagkvæmara en flestir
halda.
Skíðahallir hafa náð vaxandi
hylli undanfarin ár víða í heimin-
um enda eru kostir þeirra ótví-
ræðir. Þannig er hægt að stunda
vetraríþróttir alla daga ársins án
þess að veður eða vindar hafi þar
áhrif. Slíkt er að sjálfsögðu kostur
fyrir það íþróttafólk sem æfir
skíðaíþróttir en ekki síður fyrir
almenning sem hefur flykkst í
þær hallir sem reistar hafa verið
og flestar standa þær vel undir
kostnaði.
Vetrarparadís í Úlfarsfelli
Hérlendis fóru augu manna að
beinast í þessa átt þegar fleiri ár
liðu án þess að nægur snjór fyllti
brekkur skíðasvæða höfuðborgar-
búa í Bláfjöllum eða í Skálafelli.
Kostnaður við svæðin eykst ár frá
ári á sama tíma og þeim dögum
fækkar jafnt og þétt undanfarin
ár sem nægur snjór er í brekkun-
um. Allar þær hugmyndir sem
uppi hafa verið til að auka það
magn af snjó sem er í skíðabrekk-
um Bláfjalla eru mjög dýrar og
jafnvel þá er engin trygging fyrir
því að almenningur láti sjá sig
enda veturnir oft á tíðum næð-
ingssamir.
Helgi Geirharðsson og bróðir
hans, arkitektinn Þorsteinn Geir-
harðsson, hafa um hríð skoðað
hugmyndir um að byggja slíkt hús
hérlendis og líta þá einna helst til
Úlfarsfells. Hafa þeir reyndar
gengið skrefinu lengra og sjálfir
hannað hús með Úlfarsfell í huga
sem miðast við íslenskar aðstæð-
ur en byggja á reynslu annars
staðar frá. „Við teljum að í Úlfars-
felli sé hægt að byggja slíkt hús á
mun lægra verði en flestir gera
sér grein fyrir. Auðvitað er ein-
ungis um hugmynd að ræða og því
gætu kostnaðartölur eitthvað
breyst en að okkar mati er hægt
að útbúa myndarlegt hús fyrir
innan við einn milljarð króna.“
Hugmyndir þeirra bræðra
væri hægt að útfæra með ýmsu
móti en ein þeirra er að byggja
viðkomandi hús í vesturbrekku
Úlfarsfells. Yrði sú leið fyrir val-
inu gæti lengd brekkunnar náð
750 metrum og lengsti hluti henn-
ar yrði með 38 prósenta halla sem
er töluvert meira en í mörgum er-
lendu höllunum.
Helgi segir að framkvæmdin
sjálf sé tiltölulega einföld. „Þarna
er um bogalaga stálgrindarhús að
ræða sem yrði grafið þrjá metra
niður í þá brekku sem fyrir valinu
verður til að minnka áhrif hússins
á umhverfið og eins til að minnka
áhrif vinda. Grindin yrði klædd
með sérstökum þakdúk og stóla-
lyfta hússins yrði fest í burðar-
virkið í stað þess að standa ein og
sér.“
Úlfarsfell segir Helgi að komi
til álita vegna þess að aðgengi
þangað er gott úr öllum áttum og
stutt að fara fyrir fólk á höfuð-
borgarsvæðinu en einnig vegna
þess að þar er nægt vatn sem þörf
er á til snjóframleiðslu.
Skíðahús erlendis geysivinsæl
Skíðahús á borð við það sem
þeim Helga og Geirharð dreymir
um hafa notið vaxandi vinsælda
víða um heim undanfarin ár. Er nú
svo komið að íbúar Höfðaborgar í
S-Afríku geta skíðað hvenær sem
þá lystir og skíðahallir í Hollandi,
Þýskalandi og Englandi hafa
gengið vonum framar þrátt fyrir
að þar sé um talsvert dýrari
mannvirki að ræða en í íslenska
dæminu.
Elmar Hauksson, fram-
kvæmdastjóri Skíðasambands Ís-
lands, segir enga spurningu vera í
sínum huga um að slíkt hús yrði
gríðarleg lyftistöng fyrir alla er
áhuga hafa á skíða- og brettaiðk-
un. „Umræða um þetta hefur
komið upp á fundum sambandsins
oftar og oftar enda er það svo að
vegna snjóleysis hérlendis síð-
ustu árin hefur áhugafólki farið
fækkandi og afreksfólk þarf að
fara utan til æfinga. Persónulega
finnst mér að tími sé kominn að
skíðaíþróttum hvað þetta varðar
enda búið að byggja nokkrar
skautahallir og reynslan af þeim
hefur sýnt að ekki hefur fyrr ver-
ið lokið við byggingu þeirra en all-
ir tímar eru fullbókaðir og áhugi á
skautaíþróttum rokið upp á við.
Ég er fullviss um að skíðahús í
grennd við Reykjavík hefur sömu
áhrif á skíðaiðkun borgarbúa.“
Þeir bræður, Helgi og Geir-
harður, segja kostnað við skíðahús
geta verið frá rúmlega 700 millj-
ónum króna og uppúr. „Það veltur
auðvitað á því hversu vel skal
vanda til verka. Vilji menn hafa
húsið opið allan ársins hring þá er
engin fyrirstaða önnur en sú að þá
þarf öflugri snjóvinnslukerfi og
að líkindum þykkari einangrun í
gólfið en annars þyrfti. En að öllu
jöfnu er vel mögulegt að reisa
gott skíðahús á vel undir einum
milljarði króna.“
Til samanburðar má geta þess
að Egilshöll, sem er eitt stærsta
íþróttamannvirki landsins, kost-
aði 2,5 milljarða króna í byggingu.
Hjá Íþrótta- og tómstundaráði
fengust þær upplýsingar að engar
viðræður hefðu átt sér stað um
skíðahús. Eingöngu væri verið að
skoða núverandi rekstur í Blá-
fjöllum og á Hengilssvæðinu og
ekki væri verið að líta á aðra kosti
að svo stöddu. albert@frettabladid.is
SKÍÐAHÖLL Í ÞÝSKALANDI Hallirnar þykja það vel heppnaðar að atvinnumenn í hvers kyns skíðagreinum nota þær grimmt við æf-
ingar. Sú sem sést hér í mynd er ekki ósvipuð hugmyndum Helga og Geirharðs en sú íslenska verður brattari.
ÚLFARSFELL Þarna vilja skíðaáhugamenn byggja skíðahöll og nota þær brekkur sem
þegar eru til staðar til að gera það á fjárhagslega hagkvæman hátt.
Hægt væri að byggja skíðahöll í hlíðum Úlfarsfells fyrir tæplega 800 milljónir króna þar sem allt að 300 manns gætu skíðað í einu
óháð veðri og vindum allan ársins hring.