Fréttablaðið - 26.01.2005, Qupperneq 20

Efnisyfirlit
Það getur flýtt fyrir þér að finna efni í bók með því að nota efnisyfirlitið, nafnaskrá
og aðrar skrár sem prentaðar eru á öftustu síður bóka. Þannig geturðu flett hraðar
yfir bækur til að sjá hvort í þeim sé það efni sem þú ert að leita að.[ ]
Enska fyrir börn
5-15 ára
Nálgumst það sem við viljum
Árelía og Petrína koma hvor úr sinni áttinni og ákváðu að
halda námskeið til að deila hugleiðingum sínum með öðrum.
Doktor Árelía Eydís Guðmundsdóttir og séra
Petrína Mjöll Jóhannesdóttir halda námskeið
á næstunni sem ber það skemmtilega heiti
„Hvað viltu verða þegar þú ert orðin(n) stór?“
„Þetta námskeið er fyrir alla aldurshópa. Þessi
spurning hefur fylgt manni síðan í barndómi og hún
fylgir manni eiginlega alla ævina þótt maður finni
sér sinn stað í lífinu ef svo má segja. Margir eru ekki
alveg vissir um hvað þeir vilji gera og langar ef til
vill að gera eitthvað allt annað í lífinu. Á námskeið-
inu gefum við okkur tíma til að spyrja okkur þessar-
ar spurningar og veltum upp ýmsum leiðum um
hvernig við getum nálgast það sem við viljum á skil-
virkan hátt. Við verðum að hlusta betur á okkur og
hvað við viljum. Oft er mikið að gera hjá fólki og
ekki tími til að spyrja sig hvað maður vill raunveru-
lega gera við líf sitt. Á námskeiðinu reynum við að
nálgast það sem býr innra með okkur, þrár okkar og
drauma, og athuga hvort við getum ekki látið þessa
drauma rætast,“ segir Petrína.
Þetta námskeið Árelíu og Petrínu er einkafram-
tak en þær stöllur koma úr ólíkum áttum. „Ég er
prestur og nam guðfræði en Árelía er lektor við við-
skipta- og hagfræðideild Háskóla Íslands og kennir
stjórnun. Við nálgumst því efnið á ólíkan hátt en við
byggjum námskeiðið ekki upp á neinni kenningu eða
hugmyndafræði. Við höfum verið að vinna mikið
með fólki og finnst það afskaplega skemmtilegt og
gefandi. Við höfum líka sjálfar spurt okkur þessarar
spurningar þannig að við ákváðum að stilla krafta
okkar saman og deila okkar hugsunum með öðru
fólki.“
Námskeiðið verður haldið í safnaðarheimili Nes-
kirkju föstudaginn 28. janúar frá klukkan 20 til 22 og
laugardaginn 29. janúar frá klukkan 10 til 12 og frá
13 til 17 og verðið er 16.000 krónur. „Við tökum
okkur góðan tíma í að velta þessari spurningu fyrir
okkur og við byggjum námskeiðið upp á fyrirlestr-
um og þátttakendur vinna einnig verkefni, bæði upp
á eigin spýtur og í hóp. Það koma upp margar hindr-
anir þegar þessari spurningu er kastað fram og við
reynum að takast á við þær og komast yfir þær. Við
ræðum spurninguna líka en henni er auðvitað ekki
svarað einn, tveir og tíu. Fólk er enn að svara henni
eftir að námskeiðinu lýkur og getur nýtt sér það sem
það lærði á námskeiðinu í framtíðinni. Síðan er
magnað hvað hægt er að læra mikið af því að hitta
annað fólk á sama reiki.“
Upplýsingar veita Árelía í síma 660 0741 og Petr-
ína í síma 690 0775. ■
opið hús }
Stúdentaskipti
kynnt
SKIPTISTÚDENTAR ERLENDIS
Þeir nemendur Háskólans í Reykjavík
í viðskiptafræði, laganámi og tölv-
unarfræðum sem hafa áhuga á að
fara til útlanda og gerast skiptistúd-
entar við erlenda háskóla næsta
skólaár ættu að mæta á kynningu og
opið hús í Stjórnendaskólanum í HR
í dag. Þar verða kynntir þeir mögu-
leikar sem í boði eru en skólinn er í
samstarfi við háskóla erlendis sem
flestir eru í Evrópu en einn í Japan
fyrir laganema og annar í Mexíkó
fyrir viðskiptafræðinema. Kynningar
standa frá kl. 13.15 til 16 í dag.
FR
ÉT
TA
B
LA
Ð
IÐ
/E
.Ó
L
Meistaranám í reikningshaldi og
endurskoðun hefur göngu sína í
Háskólanum í Reykjavík í haust á
vegum þess skóla og Tækni-
háskóla Íslands. Það er til undir-
búnings löggildingar endurskoð-
enda og hentar einnig þeim sem
vilja sérfræðiþekkingu á sviði
reikningshalds í fyrirtækjum, að
sögn Þorláks Karlssonar, forseta
viðskiptadeildar HR.
Ekki hefur áður verið boðið
upp á nám á þessu sviði hér á
landi en Þorlákur segir tillögu að
náminu hafa komið frá Félagi lög-
gildra endurskoðenda fyrir
nokkrum árum.
Stefán Svavarsson, löggiltur
endurskoðandi, hefur verið ráð-
inn til viðskiptadeildar HR til
þess að þróa og stjórna nýja
meistaranáminu. ■
Hér veitir ekki af góðum kröftum til að koma reglu á hlutina.
Meistarar í reikningshaldi
Stefán Svavarsson, löggiltur endurskoðandi, þróar nýtt meist-
aranám hjá Háskólanum í Reykjavík.