Fréttablaðið - 26.01.2005, Page 34

10


{ VINNUVÉLAR 2005 } DREYMDI FYRIR SNJÓA-
VETRI OG KEYPTI GRÖFU
Bjarni Pálsson, gröfumaður á Blönduósi, vaknar
fyrir allar aldir þegar þörf er að ýta snjó af
bílastæðum bæjarins. Hann hefur haft mikið að
gera í vetur.
„Ég veðjaði um stærstu koníaksflösku sem til væri í ríkinu við einn vinnu-
félaga minn um að þetta yrði mesti snjóavetur síðan 1995. Mig dreymdi
fyrir því á síðasta sumri og sá draumur er að rætast enda er félaginn orð-
inn ansi daufur,“ segir Bjarni hlæjandi en heldur áfram ögn alvarlegri: „Ég
vissi að það yrði mikill snjór og því keypti ég mér splunkunýja vél, Ca-
terpillar-traktorsgröfu 442 d. Þetta er 110 hestafla vél sem hefur staðið sig
rosalega vel.“
Bjarni byrjar að moka kl. 3.30–4 á morgnana enda með marga fasta
kúnna. „Ég byrja alltaf við bakaríið því bakararnir vakna svo snemma. Svo
held ég út í mjólkurstöð, hreinsa við bankana, barnaskólaplanið og allt í
kringum sjúkrahúsið, Olís og pósthúsið. Ég verð að vera búinn að þessu
fyrir hádegi. En ég moka ekki ef það er kolvitlaust veður.“
Það orð fer af Bjarna að hann sé laginn með tæki. „Hann gæti kveikt á
elspspýtu með gröfunni ef með þyrfti,“ segir einn sem þekkir vel til. Bjarni
kveðst hafa verið í gröfubransanum síðan 1968 og á Caterpillar frá 1989.
Þetta er sú fjórða í röðinni. En hvernig skyldi snjóadraumurinn hafa ver-
ið. „Mig dreymdi rosalegan skafl hér í gamla bænum, sem hefur ekki kom-
ið síðan 1995 og ég sagði við sjálfan mig. Það þýðir ekkert annað en ná í
stóru skófluna. Svo dreymdi mig líka ofboðslega mikið af hvítum heyrúll-
um. Nú er þetta allt að skýrast.“
Bjarni keypti sér aflmikla gröfu í haust til að standast átökin við snjóinn.
FR
ÉT
TA
BL
AÐ
IÐ
/G
U
ÐM
U
N
DU
R
SI
G
FÚ
SS
O
N

Á LAUGARDÖGUM

Smáauglýsingasíminn er 550 5000

auglysingar@frettabladid.is