Fréttablaðið - 13.02.2005, Page 2

2 13. febrúar 2005 SUNNUDAGUR
UMFERÐ Færð var ekki sem best á
höfuðborgarsvæðinu í gær. Færð
í efri byggðunum í Grafarvogi
var slæm og mikið fjúk. Íbúar
áttu í vandræðum með akstur en
lögreglan í Reykjavík veitti þeim
hjálp sem þurftu.
Í Kópavogi var þó nokkuð um
árekstra sökum færðar en ekkert
um alvarleg slys. Einn bíll missti
stjórn á bíl sínum og fór upp á
vegrið og annar lenti út af vegi.
Þeir sem í bílunum voru hlutu
engin alvarleg meiðsl og eru bif-
reiðarnar í ágætis standi. Sam-
kvæmt lögreglunni í Kópavogi
var mikil hálka og skafrenningur
í gær en einnig blés mikið inn á
vegina sem truflaði ökumenn.
Sama var uppi á teningnum á
Hellisheiðinni. Nokkrir bílar fóru
út af vegi en lítið var um alvar-
legt tjón. Seinni partinn í gær fór
bíll út af vegi og lenti í skurði við
Geysi í Haukadal. Sex útlend-
ingar voru í bílnum og voru allir
fluttir á Landspítala-háskóla-
sjúkrahús til skoðunar. Tveir
voru með minniháttar yfir-
borðsáverka og voru allir sex
sendir heim. Bíllinn er talsvert
ónýtur en samkvæmt lögreglunni
á Selfossi var það hálka og snjó-
blinda sem olli slysinu sem og
öðrum útafakstri á Hellisheið-
inni. - lkg
BLAÐALJÓSMYNDARAVERÐLAUN Verð-
laun blaðaljósmyndara voru af-
hent í gær við opnun sýningar í
Gerðasafni í Kópavogi. Það var
mynd Ragnars Axelssonar, ljós-
myndara Morgunblaðsins sem út-
nefnd var mynd ársins 2004.
Ragnar fékk einnig verðlaun fyrir
landslagsmynd ársins Íshlið í
handanheimum og fyrir þjóðleg-
ustu mynd ársins Undir hnífinn.
Fréttamynd ársins átti Brynjar
Gauti Sveinsson, einnig ljósmynd-
ari á Morgunblaðinu, fyrir mynd-
ina Ekki orð.
Skopmynd ársins átti Pjetur
Sigurðsson, ljósmyndari DV og
Fréttablaðsins, fyrir mynd sína
Dagblaðalestur ekki á undanhaldi.
Kjartan Þorbjörnsson Morgun-
blaðinu fékk tvenn verðlaun, fyrir
íþróttamynd ársins Á flugi í
Aþenu og portrettmynd ársins
Heiðar og Hanna. - ss
Lettar við vinnu
án tilskilinna leyfa
Vinnumálastofnun hefur kært GT-verktaka til sýslumannsins á Seyðisfirði.
Fyrirtækið hefur fjóra Letta í vinnu á Kárahnjúkum án dvalarleyfa eða at-
vinnuleyfa. GT-verktakar telja sig vera réttum megin við lögin.
KÁRAHNJÚKAR „Þetta er mjög einfalt
mál. Þetta er frjálst flæði þjónustu
frá Lettlandi til Íslands sem er lög-
legt samkvæmt samningi sem var
undirritaður 1. maí árið 2004 og
Lettland varð hluti af Evrópusam-
bandinu. Við viljum auðvitað að lög-
gjafi skeri úr um hvað er rétt og
hvað er rangt í þessum máli en við
teljum okkur vera réttum megin við
lögin,“ segir Ragnar Þórðarson,
talsmaður GT-verktaka. GT-verk-
takar hafa haft fjóra lettneska
starfsmenn í vinnu við Kárahnjúka
án tilskilinna atvinnuleyfa frá
Vinnumálastofnun eða dvalarleyfa
frá Útlendingastofnun. Vinnumála-
stofnun hefur kært þetta athæfi til
sýslumannsins á Seyðisfirði.
Gissur Pétursson, forstjóri
Vinnumálastofnunar, segir að ráðn-
ing Lettanna sé ólögleg. „Þegar
stækkunarsamningurinn var sam-
þykktur 1. maí á síðasta ári voru
settar aðgangstakmarkanir á
Íslandi til að minnsta kosti tveggja
ára. Í því felst að fyrirtæki eða
einstaklingar þurfa að sækja um
atvinnuleyfi vegna hefðbundinna
starfa og störf Lettanna falla undir
þessi störf. Einnig þarf að sækja um
dvalarleyfi hjá Útlendingastofnun
en GT-verktakar hafa hvorugt gert.
Það sem okkur gremst mjög er
að þetta tiltekna fyrirtæki rekur
Íslendinga til að ráða útlendinga en
við höfum barist verulega gegn
því,“ segir Gissur.
Oddur Friðriksson, yfirtrúnaðar-
maður verkalýðshreyfingarinnar
við Kárahnjúka, vill að hart verði
tekið á þessu máli enda kolólöglegt
að hans mati. „Ég veit að þeir sem
vinna við Kárahnjúkavirkjun eru að
öllu leyti með sín plögg í lagi, hvort
sem það eru atvinnuleyfi eða dval-
arleyfi. Þetta fyrirtæki kemur með
starfsmenn á öðrum forsendum og
lætur þá vinna sem er kolólöglegt,“
segir Oddur sem hræðist ekki aukn-
ingu slíkra mála á Kárahnjúkum.
„Það kemur auðvitað upp ný staða
ef GT-verktakar kemst upp með
þetta en ég trúi ekki að þetta mál
gangi í gegn. Þetta vandamál er
samt til staðar um allt land. Þetta er
leikurinn sem verktakar leika.“
lilja@frettabladid.is
ÞYRLA LANDHELGISGÆSLUNNAR
TF-LIF var kölluð út í gærdag til að sækja
konu sem grunuð var um neyslu.
Bílvelta:
Grunur um
neyslu
BÍLVELTA Bifreið fór út af vegi og
valt rétt fyrir þrjú í gærdag við
Hvammstanga í Hrútafjarðar-
hálsi. Tvennt var í bílnum og
virðist sem ökumaður hafi misst
stjórn á bílnum. Bæði farþegi og
ökumaður sluppu ómeidd en bif-
reiðin er talsvert skemmd.
Rétt eftir slysið fékk konan
krampaköst og var hegðun hennar
afar undarleg að sögn lögreglunn-
ar á Blönduósi. Grunaði lögreglu
að konan hafi misnotað fíkniefni
eða áfengi og vegna ástands
hennar var þyrla Landhelgisgæsl-
unnar, TF-LIF, kölluð til. Konan
gekkst undir skoðun og vildi vakt-
hafandi læknir ekki tjá sig um
meinta fíkniefna- eða áfengismis-
notkun. -lkg
Jökulfellið:
Erfitt að
greina orsök
SKIPSSKAÐI Það verður erfitt að
komast að því hvers vegna Jökul-
fellið sökk aðfaranótt mánudags
samkvæmt frétt Útvarps Færeyja
eftir sjópróf sem fram fóru í Fær-
eyjum. Þar segir að litlar upplýs-
ingar sé að hafa þar sem yfirmenn
skipsins fórust þegar skipið sökk
og þeir skipsmenn sem lifðu af
geta litla grein gert fyrir atburð-
um síðustu mínúturnar.
Í Morgunblaðinu í gær var haft
eftir Joel undir Leitinum, um-
boðsmanni Samskipa í Þórshöfn,
að veður hefði verið verra þegar
skipið sökk en áður var talið. -bþg
Engu barni hent:
Samverjinn
var móðirin
BANDARÍKIN, AP Miskunnsami sam-
verjinn sem sagðist hafa fundið
nýfætt barn sem hent hefði verið
út úr bíl var í raun og veru móðir
barnsins. Hún viðurkenndi þetta
fyrir lögreglu eftir að hafa upp-
haflega sagt að hún hefði séð par í
bíl rífast og henda barninu út.
Konan vildi ekki eignast barn
og ákvað að koma barninu til yfir-
valda. Konunni datt lygasagan
hins vegar í hug þegar hún var á
leið að afhenda nýfætt barn sitt. ■
SPURNING DAGSINS
Benedikt, ertu ekki kominn
með ofnæmi fyrir fótbolta?
„Nei. Ég er búinn að vera í fótbolta síð-
an ég var smá patti og vinn við þetta
allan daginn. Það er mjög erfitt að fá
ofnæmi fyrir fótbolta.“
Benedikt Nikulás Anes Ketilsson, upptökustjóri á
Skjá einum, þurfti að texta heilan fótboltaleik um
síðustu helgi eftir að útvarpsréttarnefnd úrskurð-
aði að ekki mætti eingöngu notast við enska þuli
í útsendingu.
Holtasmára 1 • 201 Kópavogi • Sími: 5 100 300 • Símbréf: 5 100 309
Netfang: langferdir@langferdir.is • Heimasiða: www.kuoni.is
Opnunartímar alla virka daga frá 10:00-17:00
Margir spennandi ferðamöguleikar á
heimasíðu okkar: www.kuoni.is
2 vikur í Hua Hin:
Verð á mann í tvíbýli frá:
85.100 kr.
með öllum sköttum!
2 vikur á 5 stjörnu
lúxushóteli í Hua Hin:
Verð á mann í tvíbýli frá:
111.150 kr.
með öllum sköttum!
2 vikur á Jomtien/Pattaya:
Verð á mann í tvíbýli frá:
87.100 kr.
með öllum sköttum!
Afmælistilboð
Í tilefni árs afmælis okkar bjóðum við
einstakt verð til Tælands í sumar
Takmarkað sætaframboð.
FÆRÐ Á VEGUM
Mikil hálka er á vegum höfuðborgarsvæðisins og lentu óvenju margir í óhöppum í gær
sökum hennar.
FRÉTTAB
LAÐ
IÐ
/STEFÁN
Skafrenningur, snjóblinda og hálka á vegum:
Talsvert um óhöpp en flest minniháttar
Íslensk kona í bílslysi á
Kanaríeyjum:
Kona lést
BÍLSLYS Íslensk kona lést í fyrradag
eftir að ekið var á hana á Kanarí-
eyjum. Konan hét Sigurbjörg
Bjarnadóttir og var til heimilis á
Bakkabakka 4a, Neskaupstað.
Sigurbjörg var fædd 12. ágúst
1937 en hún lætur eftir sig eigin-
mann og þrjú uppkomin börn. ■
Ríkisútvarpið:
Afnotagjöld
lögð niður
ÚTVARP Lagt verður til að afnota-
gjöld verði lögð niður í frumvarpi
til laga um Ríkisútvarpið sem lagt
verður fram á vorþingi. Þetta
kemur fram í viðtali Morgun-
blaðsins við Þorgerði Katrínu
Gunnarsdóttur menntamálaráð-
herra í dag. Hún segir að það sé
verið að leggja lokahönd á frum-
varpsdrögin og að stjórnarflokk-
arnir séu að vinna í sátt og sam-
lyndi að málinu. - ss
M
YN
D
/R
AG
N
AR A
XELSSO
N
ER EINHVER HEIMA?
Mynd Ragnars Axelssonar var valin mynd ársins 2004.
Blaðaljósmyndaraverðlaun:
Ragnar Axelsson sigursæll
GISSUR PÉTURSSON
„Mér gremst að GT-verktakar reki Íslend-
inga til að ráða útlendinga en Vinnumála-
stofnun hefur barist hart gegn því,“ segir
Gissur.
KÁRAHNJÚKAVIRKJUN
„Það er mjög leiðinlegt að þetta skuli koma upp á því allir starfsmenn á Kárahnjúkum eru
með atvinnu- og dvalarleyfi í lagi,“ segir Oddur Friðriksson á Kárahnjúkum.