Fréttablaðið - 13.02.2005, Qupperneq 38

14 13. febrúar 2005 SUNNUDAGUR
Við óskum...
... Samúel Erni Erlingssyni, yfirmanni íþróttadeildar RÚV til
hamingju með að hafa fengið Fjölmiðlapennann eftirsótta
frá Knattspyrnusambandi Íslands. Samúel Örn hefur
verið í farabroddi fyrir kvennaknattspyrnuna á
Íslandi og er vel að pennanum kominn.sport@frettabladid.is
HVAÐ? HVENÆR? HVAR?
10 11 12 13 14 15 16
Sunnudagur
FEBRÚAR
Við furðum okkur á...
... handknattleiksforystu landsins fyrir að setja ekki bestu
dómarapör landsins á jafn mikilvæga leiki og undanúrslitaleikir
SS-bikars karla eru. Þeir Gísli Hlynur Jóhannson og Hafsteinn
Ingibergsson verða seint taldir til bestu dómarapara landsins og
á daginn kom að þeir höfðu engin tök á leik ÍR og ÍBV í gær.
FÓTBOLTI „Þetta var gríðarlega
mikilvægur sigur fyrir okkur þar
sem nú kemur smá pása hjá okkur
í úrvalsdeildinni. Við höldum enn
góðri stöðu og getum því einbeitt
okkur að öðrum verkefnum með
góðri samvisku,“ sagði okkar
maður Eiður Smári Guðjohnsen,
sem var hetja Chelsea gegn
Everton í gær. Hann skoraði eina
mark liðsins á 69. mínútu og
tryggði Chelsea því tólf stiga
forystu í ensku úrvalsdeildinni.
Man.Utd á reyndar leik inni gegn
Man.City í dag og geta minnkað
bilið á toppnum í níu stig.
Um algjöra einstefnu af hálfu
Chelsea var að ræða á Goodison
Park í gær en James Beattie lét
reka sig út af strax á 8. mínútu
fyrir að skalla William Gallas.
Einum færri áttu Everton sér ekki
viðreisnarvon gegn heitasta liði
Evrópu. Liðið barðist þó hetjulega
og það var ekki fyrr en á 69.
mínútu sem vörnin lét undan
þegar Eiður Smári náði að skora
eftir að hafa fylgt eftir skoti
Gallas sem hafnaði í þverslánni.
„Þetta var ekki brottvísun
fyrir fimmaura,“ sagði David
Moyes, stjóri Everton æfur eftir
leikinn. „Ég lék sem miðvörður á
sínum tíma og ég hefði skammast
mín fyrir að hafa látið mig falla
eins og Gallas gerði þarna. John
Terry hefði aldrei boðið upp á
slíkan leikaraskap. Hvað varð um
stóru og sterku miðverðina? Þeim
hlýtur að vera að fækka fyrst að
þeir þurfa ekki meiri snertingu en
þetta,“ sagði Moyes greinilega allt
annað en sáttur við framkomu
Gallas. Enn einu sinni hélt
Chelsea hreinu og hefur Petr
Cech nú ekki fengið mark á sig
heilar 961 mínútur í röð í
úrvalsdeildinni.
Af öðrum leikjum bar það hæst
að Liverpool reið ekki feitum
hesti frá heimsókn sinni til
Birmingham og steinlá 2–0.
Heimamenn áttu sigurinn fylli-
lega skilinn og lék enginn betur en
Walter Pandiani, sem kom sem
lánsmaður frá Deportivo fyrir
skemmstu og hefur hleypt miklu
lífi í sóknarleik Birmingham
síðan þá. Allt Liverpool-liðið
átti hræðilegan dag og virtust
leikmenn liðsins áhugalausir með
öllu. vignir@frettabladid.is
Loksins skoraði Eiður Smári
■ ■ LEIKIR
 13.30 Grindavík og Haukar
mætast í Laugardalshöll í úrslitum
kvenna í bikarkeppni KKÍ og
Lýsingar.
 16.00 Fjölnir og Njarðvík mætast í
Laugardalshöll í úrslitum karla í
bikarkeppni KKÍ og Lýsingar.
■ ■ SJÓNVARP
 12.55 Enski boltinn á Skjá einum.
Bein útsending frá leik Manchester
City og Manchester United í ensku
úrvalsdeildinni í fótbolta.
 13.30 Bikarkeppnin í körfubolta á
RÚV. Bein útsending frá úrslitaleik
Grindavíkur og Hauka í bikar-
úrslitum kvenna í körfubolta.
 13.50 Ítalski boltinn á Sýn. Bein
útsending frá leik Juventus og
Udinese í ítölsku A-deildinni í
fótbolta.
 15.50 Enski bikarinn á Sýn. Bein
útsending frá leik Sheffield United
og West Ham í ensku
bikarkeppninni í fótbolta.
 16.00 Bikarkeppnin í körfubolta á
RÚV. Bein útsending frá úrslitaleik
Fjölnis og Njarðvíkur í bikarúrslitum
karla í körfubolta.
 17.50 Spænski boltinn á Sýn. Bein
útsending frá leik Osasuna og Real
Madrid í spænsku 1. deildinni í
fótbolta.
The International Business Academy
Skamlingvejen 32 . DK-6000 Kolding . Tlf. +45 72 24 18 00 . Fax +45 72 24 18 08
iba@ibc.dk . www.iba.dk IBA – en del af Erhvervsakademi Syd
Alþjóða Markaðs- og Viðskiptanám.
Kynningarfundur Fimmtudaginn 17. febrúar 2005 kl. 17-19
á Nordica Hotel, Reykjavik.
IBA býður upp á 2 ára markaðs-og viðskiptanám með áherslu á markaðsfræði, viðskipti og hagfræði.
Boðið er upp á fjórar brautir:
Alþjóðabraut.
–áhersla er lögð á markaðsfræði, samskipti og alþjóðaviðskipti.
Hægt er að velja um verklega þjálfun í 3 - 6 mánuði hjá erlendu eða dönsku fyrirtæki.
Stjórnunarbraut.
–áhersla er lögð á stjórnun, (HRM), og stjórnunarfræði.
Samskiptabraut.
–áhersla er lögð á markaðssamskipti og alþjóða markaðssetningu.
Auglýsingabraut.
– áhersla er lögð á hönnun/auglýsingar.
Verkleg þjálfun.
Á öllum brautum getur námið tengst verklegri þjálfun hjá þekktum fyrirtækjum í Danmörku
og erlendis eins og t.d.: Microsoft, Maersk, IBM, Alfa Laval, Danfoss, LEGO, B-Young o.fl..
Framhaldsnám.
Bachelor, MBA, HA, HD - í Danmörku eða erlendis.
Upplýsingar gefur Íris i síma 8608888
Hringið eða
sendið okkur
e-mail og finndu
út hvernig þú
getur orðið hluti
af þessu spen-
nandi og virka
mámsumhverfi
með ca. 300
öðru námsfólki
á IBA.
Þið getið einnig
pantað hina
umfangsmiklu
mámsmöppu
sem inniheldur
allar
upplýsingar
9 3
Nafnávöxtun frá 01.12.2004 - 31.12.2004 á ársgrundvelli
Við hrósum...
... Eiði Smára Guðjohnsen fyrir að
hafa loksins fundið skotskóna á
nýjan leik fyrir Chelsea. Mark hans
gegn Everton í gær var hans fyrsta í
deildinni síðan 12. desember.
Eiður Smári Guðjohnsen var hetja Chelsea gegn Everton í gær þegar hann skoraði eina mark liðsins í
leiknum og tryggði liði sínu þannig tólf stiga forystu í ensku úrvalsdeildinni.
LOKSINS, LOKSINS
Eiði Smára var vel
fagnað af John Terry
og Frank Lampard
eftir sigurmark hans í
gær