Fréttablaðið - 13.03.2005, Blaðsíða 60

HANDBOLTI Ólafur Stefánsson og fé-
lagar hjá Ciudad Real komust í
gær í undanúrslit Meistaradeild-
arinnar í handbolta þegar liðið
sigraði Fotex Vezsprém frá Ung-
verjalandi á útivelli, 33-34. Það
fór ekki eins vel hjá Loga Geirs-
syni hjá Lemgo því hans lið tapaði
með 5 marka mun fyrir Celje
Lasko 35-30. Slóvenska liðið vann
fyrri leikinn 33-29 og ljóst að
Lemgo sá aldrei til sólar í leikn-
um.
Ólafur átti mjög góðan leik
með Ciudad Real í gær og skoraði
alls 6 mörk, öll í fyrri hálfleik, og
komu fjögur þeirra úr vítum.
Taktík Ólafs í vítunum var oftast
keimlík þeirri sem hann notaði
óspart á HM í Túnis þar sem hann
„vippaði“ yfir markmenn and-
stæðingana og gerði hann
hreinlega lítið úr markmönnum
Vészprem á köflum í gær.
Ólafur og spænska stórskyttan
Alberto Entrerrios voru allt í öllu
í sóknarleik Spánarmeistaranna
framan af leik og réðu leikmenn
Vezsprém ekkert við þá.
Ciudad, sem vann fyrri leikinn
með sjö mörkum, hafði ávallt
frumkvæðið í leiknum og hleypti
ungverska liðinu aldrei nálægt
sér. Staðan í hálfleik var 20-17,
Ciudad í vil, en Ólafur lét minna
fyrir sér fara í seinni hálfleik þeg-
ar minni spámenn liðsins fengu að
spreyta sig.
Þegar upp var staðið hafði Ciu-
dad skorað 34 mörk gegn 33
mörkum heimamanna og sann-
færandi sigur því staðreynd.
Javier Hombrados í markinu var
maður leiksins en hann fór hrein-
lega á kostum og varði hátt í 30
skot.
Logi skoraði 1 mark úr víti fyr-
ir Lemgo í leiknum gegn Celje en
þetta slóvenska lið er núverandi
Evrópumeistari og gríðarlega
erfitt heim að sækja. Með hliðsjón
af meiðslavandræðunum sem
Lemgo á við að stríða um þessar
mundir var eiginlega óraunhæft
að liðið kæmist áfram og sú varð
einmitt raunin.
Barcelona komst einnig áfram
með sex marka sigri á Kiel. Þýska
liðið vann fyrri leikinn með fimm
mörkum svo að það mátti alls ekki
tæpara standa hjá Barcelona. ■
28 13. mars 2005 SUNNUDAGUR
HANDBOLTI Um hörkurimmu var að
ræða í viðureign Vals og HK.
Heimamenn á Hlíðarenda höfðu
frumkvæðið allan tímann og fóru
á endanum með sætan 32-30 sigur
af hólmi þar sem markverðir
beggja liða voru í aðalhlutverki.
Pálmar Pétursson varði 19 skot í
marki Vals en hjá HK gerði
Björgvin Gústafsson gott um
betur og varði heil 22 skot.
Svavar Vignisson átti stórleik
fyrir Eyjamenn í gær og réðu
varnarmenn KA lítið sem ekkert
við hann. Svavar skoraði 10 mörk
í leiknum en næstur kom Titi
Kalandaze með 7 mörk. Með
sigrinum skaust ÍBV upp í þriðja
sæti deildarinnar og er liðið nú
aðeins tveimur stigum á eftir
toppliði Hauka.
Víkingar sýndu Haukum ef-
laust meiri mótspyrnu en þeir
bjuggust við og hefðu heimamenn
með smá heppni náð að velgja
Haukum meira undir uggum ef
ekki hefði verið fyrir góðan leik
Ásgeirs Arnar Hallgrímssonar og
Andra Stefans Guðrúnarsonar.
Þröstur Helgason átti stjörnuleik
fyrir Víking og skoraði 12 mörk.
ÍR-ingar byrjuðu gríðarlega
vel á heimavelli gegn Þór og
komust í 9-2 á upphafsmínút-
unum. Það bil náðu gestirnir frá
Akureyri aldrei að brúa
almennilega þó svo að ekki hafi
munað nema tveimur mörkum á
liðunum í lokin, 32-30, nýkrýndum
bikarmeisturum ÍR í vil.
FH fékk heimavallaréttinn
Síðasta umferðin í DHL-deild
kvenna var leikin í gær og mesta
spennan fyrirfram var í leik Vals
og FH sem fram fór á Hlíðarenda
því ljóst var að sigurvegarinn í
leiknum fengi heimaleikjarétt í
fyrstu umferð úrslitakeppninnar.
Leikurinn stóð svo sannarlega
undir væntingum því að hann var
hnífjafn og spennandi. Þegar 2
sekúndur voru eftir fengu FH-
ingar vítakast og var það Dröfn
Sæmundsdóttir sem fékk það
erfiða verkefni að stíga á
punktinn. Dröfn gerði engin mis-
tök, skoraði örugglega úr vítinu
og kórónaði þannig stórleik sinn
með sínu 13 marki.
Með sigrinum tryggði FH sér
fjórða sætið í deildinni og hefur
liðið því heimavallarréttinn í
fyrstu umferð úrslitakeppninnar,
en þar mætir liðið einmitt
Valskonum. Og af leiknum í gær
að dæma er víst að einvígi liðanna
í úrslitakeppninni mun verða hin
besta skemmtun.
Haukar héldu sigurgöngu sinni
áfram og tryggðu sér deildar-
meistaratitilinn með öruggum
sigri á Gróttu/KR á útivelli, 21-30.
Haukar mæta Fram í úrslita-
keppninni. ÍBV, sem hafnaði í
öðru sæti deildarinnar, sigraði
botnlið Fram og mætir Víkingi.
Síðasta einvígi 8-liða úrslitanna
verður síðan á milli Stjörnunnar
og Gróttu/KR. ■
VALSMENN UPP FYRIR HK Vilhjálmur Halldórsson skoraði 4 mörk í tveggja marka sigri
Valsmanna á HK á Hlíðarenda í gærdag. Fréttablaðið/Stefán
Mikilvægt hjá Val Joe Cole, miðjumaður Chelsea,segir liðið hafa sannað það á síð-
ustu vikum að það geti vel spilað án
hollendingsins
Arjen Robben. Það
er ekki síst Cole
sem hefur staðið
sig best í fjarveru
Robben og hefur
augljóslega fengið
aftur sjálfstraustið
sem hann skorti svo
augljóslega framan af tímabilinu.
„Fólk sagði okkur eiga í krísu vegna
þess að okkur gekk ekki sem skyldi
fyrst eftir að Robben meiddist. Þvílíkt
bull. Auðvitað er hann lykilmaður í
okkar liði en hópur Chelsea er
þannig skipaður í dag að við meg-
um alveg við því að missa menn í
meiðsli. Aðrir taka einfaldlega af
skarið í staðinn,“ segir Cole.
Romario hinn brasilíski mun spilameð utandeildarliðinu Garforth í
Englandi á næstu leiktíð. Romario er
ekki eina fyrrverandi
stjórstjarnan frá
Brasilíu sem Simon
Clifford, eiganda og
framkvæmdastjóra
Garforth, tekst að
lokka til sín en fyrr í
vetur spilaði
Socrates nokkra
leiki fyrir liðið. Fróðlegt verður að sjá
hvort Romario hefur það sem til
þarf í utandeildina í Englandi.
Dejan Vasic, 24 ára gamall miðju-maður frá Serbíu/Svartfjalla-
landi, er kominn til reynslu til
Grindavíkur og spilaði hann með
liðinu gegn Fylki í deildarbikarnum í
gær. Vasic þessi er uppalinn hjá
stórveldi Rauðu Stjörnunnar í
Júgóslavíu og þótti mjög efnilegur á
sínum tíma. Vasic verður við æfingar
hjá liðinu í tæpan vikutíma og að
honum loknum verður tekin ákvörð-
un um hvort Vasic verður boðinn
samningur.
Bode Miller frá Bandaríkjunumtryggði sér í gær heimsbikarinn í
samanlögðum alpa-
greinum. Miller
varð annar í stór-
svigskeppni í gær
og gaf það honum
nægilega mörg stig
til að tryggja sér
sigurinn. Benjamin
Raich frá Austurríki,
helsti keppinautur Millers um titilinn
í samanlögðu, hafnaði í þriðja sæti í
mótinu og tryggði það honum
heimsbikarinn í stórsviginu, en áður
hafði hann orðið heimsbikarmeistari
í svigi. Miller Miller er fyrsti Banda-
ríkjamaðurinn í 22 ár sem vinnur
heimsbikarinn í samanlögðu.
ÚR ÍÞRÓTTAHEIMINUM
Ársþing HSÍ:
Breytingar
samþykktar
HANDBOLTI Róttækar breytingar
munu verða á DHL-deildinni í
handknattleik á næsta ári en
tillögur þess efnis voru sam-
þykktar á ársþingi Handknatt-
leikssambandsins sem haldið var í
gær. Eins og Fréttablaðið greindi
frá fyrr í vikunni munu öll
karlaliðin leika í einni deild á
næsta ári þar sem 8 efstu liðin
leika í úrvalsdeild leiktíðina 2006-
2007. Sex neðstu liðin munu falla
niður í 1. deild.
Fjögur efstu lið Íslandsmótsins
munu síðan heyja baráttu sín á
milli í svokölluðum deildabikar
sem hefst strax að hefðbundnu
Íslandsmóti loknu. ■
Meistaradeildin í handbolta
BARCELONA–KIEL 33–27
Mörk Barcelona: Dragan Skrbic 6, Jerome
Fernandez 6, Hernandez 5, Hussein Nagy 4, Iker
Romero 4, O´Callaghan 4, Lars Krogh Jeppesen
3, Puig 1.
Mörk Kiel: Lundstrom 7, Lövgren 4, Christian
Zeitz 4, Ahlm 4, Hagen 3, Preib 1, Pungartnik 1.
CELJE LASKO–LEMGO 35–30
Mörk Celje: Kokcharow 9, Rutenka 8, Natek 7,
Kozomara 5, Gajic 3, Rumen 1, Zorman 1,
Mörk Lemgo: Florent Kehrmann 7, Binder 6,
Marc Baumgartner 5, Christian Schwarzer 5,
Bonath 2, Daniel Stephan 2, Christophersen 2,
Logi Geirsson 1.
FOTEX VESZPRÉM–CIUDAD REAL 33–34
Mörk Veszprém: Lazarov 8, Perez 8, Eklemovic
5, Buday 5, Gulyas 3, Gal 1, Pastorz 1,
Mörk Ciudad: Alberto Enrerrios 7, Ólafur
Stefánsson 6, Ortega 6, Talent Dusebaiev 5,
Hussain Zaky 3, Mirko Dzomba 2, Rolando Urios
2, Claus Möller Jakobsen 1, Prieto 1, Jonas
Kallman 1.
LEIKIR GÆRDAGSINS
Anders Frisk:
Hættur að
dæma
FÓTBOLTI Sænski knattspyrnudóm-
arinn Anders Frisk hefur ákveðið
að leggja flautuna á hilluna eftir
að hafa fengið urmul af líflátshót-
unum undanfarnar tvær vikur.
Þessi 42 ára
gamli dómari,
sem af mörgum
er talinn einn sá
besti í heimi,
komst í sviðs-
ljósið eftir að
hafa dæmt fyrri
leik Chelsea og Barcelona í Meist-
aradeildinni. Frisk rak þá Didier
Drogba útaf eftir að hafa átt í
meintu ráðabruggi með Frank
Rijkaard, þjálfara Barcelona í
hálfleik.
„Stuðningsmenn Chelsea eru
ábyrgir fyrir þessari ákvörðun
minni. Ég hef fengið hótanir í
gegnum síma, með tölvupósti og í
venjulegum pósti. Þetta hefur
haft mikil áhrif á fjölskyldu mína
og mér finnst ekki lengur þess
virði að stunda dómgæslu. Ég
mun aldrei aftur stíga fæti inn á
fótboltavöll,“ sagði Frisk í gær,
en hann komst einnig í hann
krappan á síðasta ári þegar hann
fékk smápening í höfuðið úr
stúkunni þegar hann dæmdi leik
Roma og Dynamo Kiev í Meist-
aradeildinni og skildi hann eftir
alblóðugan. ■
Ólafur og félagar komust áfram
Síðari leikir 8-liða úrslitanna í Meistaradeildinni í handbolta fóru fram í gær:
Valsmenn unnu gríðarlega mikilvægan sigur á HK í DHL-deild karla í hand-
bolta í gær og komu sér í efri helming deildarinnar á nýjan leik. Eyjamenn
eru á miklu skriði en Haukar halda toppsætinu eftir útisigur á Víkingum.
ÓLAFUR STEFÁNSSON Lék mjög vel
með liði sínu í Evrópukeppninni í gær.