Fréttablaðið - 13.03.2005, Blaðsíða 10

Kaup Bakkavarar á
Geest er risaskref í átt
að yfirlýstu markmiði
bræðranna í Bakkavör
um að Bakkavör verði
alþjóðlegt stórfyrirtæki.
Eldamennska er á und-
anhaldi í vestrænum
samfélögum og vöxtur í
sölu tilbúinna rétta.
Kaup Bakkavarar á Geest hafa
vakið athygli í breskum fjölmiðlum
og hefur víða verið fjallað um þau.
Tíðindin um formlegt tilboð ættu
ekki að koma á óvart, enda flestir
verið þeirrar skoðunar að Bakka-
vör stefndi að því að eignast Geest
frá því að Bakkavör keypti fyrstu
tíu prósentin í Geest í fyrravor. Það
sem kom hins vegar mörgum á
óvart var að ekki þarf að auka
hlutafé vegna kaupanna og vextir á
58 milljarða láni frá Barclays
banka eru einungis með 1,5 pró-
senta álagi á millibankavexti. Það
þýðir að bankinn hefur mikið
traust á fyrirtækinu og telur sig
ekki vera að taka mikla áhættu
með láni til Bakkavarar.
Heimildin til hlutafjárhækkun-
ar sem ekki er nýtt reyndist samt
sem áður verðmæt. Aðalfundur
Bakkavarar samþykkti heimildina
og við það varð mönnum ljóst í
Bretlandi að fyrirtækið hefði alla
burði til að kaupa Geest sem er
margfalt stærra fyrirtæki. Stjórn
Geest var ljóst að alvara var á ferð-
um og heimildin reyndist því lykill-
inn að því að boltinn fór að rúlla.
Farsæl yfirtaka
Yfirtaka á fyrirtæki í Bretlandi er
þolinmæðisvinna. Mikilvægt er að
styggja ekki gagnaðilann og með-
mæli stjórnar með tilboði eru nauð-
synleg. Stjórnarmenn í fyrirtæki
sem stefnt er að yfirtöku á eru und-
ir mikilli pressu um að þeir gæti
hagsmuna hluthafa. Bakkavör var í
lykilstöðu með yfir 20 prósenta
eign í Geest. Þeir nýttu tímann vel
og sátt er meðal stjórnar og stjórn-
enda um kaupin. Allir lykilstarfs-
menn Geest munu starfa áfram hjá
fyrirtækinu.
Bræðurnir í Bakkavör, þeir
Ágúst og Lýður Guðmundssynir,
eru engir nýgræðingar í því að
kaupa fyrirtæki sem eru stærri en
fyrirtæki þeirra sjálft. Kaup þeirra
á Katsouris voru einmitt þannig og
festu Bakkavör í sessi á breska
markaðnum. Lykillinn að kaupun-
um á Katsouris voru velheppnuð
kaup á Wine and Dine í Birming-
ham árið 2000. Wine and Dine var í
eigu grískrar fjölskyldu frá Kýpur
og ánægjan með kaupin og fram-
haldið varð til þess að þegar
Katsouris-fjölskyldan, sem á
einnig rætur á Kýpur, vildi selja
fyrirtæki sitt, þá var Bakkavör efst
á óskalistanum. Katsouris-fjöl-
skyldan gerðist hluthafi í Bakka-
vör og hefur fylgt þeim í öðrum
fjárfestingum. Katsouris-fjöl-
skyldan er einnig í hluthafahópi
KB banka.
Fleiri lyklar á kippunni
Í kaupunum á Wine and Dine leynd-
ust fleiri lyklar á lyklakippunni. Í
gegnum kaupin mynduðust tengsl
bræðranna við fyrirtækjaráðgjafa
og fjárfestingarbankaarma stóru
bresku bankanna í Birmingham.
Þau tengsl nýttust svo áfram við út-
rás KB banka í Bretlandi. Baugur
naut svo góðs af þeim tengslum
þegar fyrirtækið steig sín fyrstu
skref í fjárfestingum í Bretlandi.
Þessi hluti sóknar íslenskra fyrir-
tækja og tengsl við breskan fjár-
málaheim á því rætur í kaupum
Bakkavarar í Birmingham.
KB banki sá um ráðgjöf við
kaupin á Geest. Leiðir Bakkavarar
og KB banka hafa legið saman frá
því að fyrirtækið komst á legg. Sig-
urður Einarsson hafði trú á sýn
bræðranna og lagði þeim í gegnum
Kaupþing til bæði fjármagn og fjár-
málaþekkingu til þess að koma fyr-
irtækinu á legg. Kaupþing og
Grandi gegndu lykilhlutverki í því
að fyrirtækið komst á legg og bræð-
urnir fengu tækifæri til þess að
nýta ótvíræða hæfileika sína til að
byggja upp alþjóðlegt fyrirtæki.
Brynjólfur Bjarnason, forstjóri
Símans, var þá forstjóri Granda og
hafa leiðir þeirra bræðra og Brynj-
ólfs legið saman æ síðan. Brynjólf-
ur situr í stjórn Bakkavarar.
Markið háa
Á aðalfundi Bakkavarar fyrir ári
sagði Ágúst Guðmundsson að
Bakkavör stefndi að því að ná 200
milljarða veltu árið 2013. Þá myndi
hefjast nýr kafli í sögu fyrirtækis-
ins sem alþjóðlegs risa í matvæla-
framleiðslu. Yfirlýsingin sem bar
vott um langtímasýn fyrirtækisins
þótti djörf og nokkuð bjartsýn. Með
kaupunum á Geest er þó ljóst að
árið 2013 hefur líklega að geyma
hærri veltutölur en Ágúst nefndi í
ræðu sinni, ef heldur fram sem
horfir. Gera má ráð fyrir að velta
Bakkavarar eftir yfirtöku á Geest
verði um 130 milljarðar króna. 200
milljarða markið er ekki svo langt
undan núna. Þegar Ágúst lét orðin
falla var velta Bakkavarar um 17
milljarðar króna.
Ágúst og Lýður hafa alla tíð sett
fram skýra framtíðarsýn um að
þeir hyggist byggja upp alþjóðlegt
stórfyrirtæki. Þeir hafa lýst því að
eðlilegt sé að horfa á fyrirtækið í
ljósi þeirra eigin starfsævi. Bakka-
vör og þeir eru samofin í eina heild.
Þeir voru 19 og 22 ára þegar þeir
hófu að vinna hrogn árið 1986 og
starfslok þeirra eru hvergi nærri í
sjónmáli. Fyrirtækjarekstri fylgir
áhætta og alltaf þarf að glíma við
eitthvað í rekstri. Samkeppni á smá-
sölumarkaði í Bretlandi hefur sett
þrýsting á framleiðslufyrirtæki um
að lækka verð og Bakkavör tókst
betur að halda framlegð en Geest.
Staða þeirra á markaði nú er sterk,
en þeir eru þess fullmeðvitaðir að
hættulegt sé gagnvart viðskiptavin-
um að ofmeta styrk sinn. Stærsti
viðskiptavinur þeirra, smásölukeðj-
an Tesco, hefur vaxið hratt og hygg-
ur á útrás í Asíu. Bakkavör hyggst
fylgja þeim í uppbyggingu í Asíu.
Minni eldamennska
Geest rekur verksmiðjur á megin-
landi Evrópu og með kaupunum
opnast gluggi og viðskiptasambönd
við smásölukeðjur á meginlandinu.
Kældir tilbúnir réttir eru hvarvetna
í sókn og tíminn sem fólk er tilbúið
að verja í matargerð er sífellt
minni. Sala á tilbúnum mat í stór-
mörkuðum hefur vaxið hratt í Bret-
landi. Sá markaður er kominn lengst
og sama þróun talin innan seilingar
annars staðar á Vesturlöndum.
Bakkavör ætlar sér að sækja fram
samhliða undanhaldi eldamennsk-
unnar. Með kaupunum á Geest eru
þeir með styrk stórskotaliðs í þeirri
sókn. haflidi@frettabladid.is
10 13. mars 2005 SUNNUDAGUR
vidskipti@frettabladid.is nánar á visir.is
Bræðurnir í Bakkavör, þeir Ágúst og Lýður Guðmundssynir, eru engir nýgræðingar í því
að kaupa fyrirtæki sem eru stærri en fyrirtæki þeirra sjálft.
Ársfundur Lífeyrissjó›s verzlunarmanna ver›ur haldinn
mánudaginn 11. apríl 2005 kl. 17 í Hvammi á Grand Hótel.

Dagskrá fundarins:
1. Venjuleg ársfundarstörf.
2. Önnur mál.
Sjó›félagar og lífeyrisflegar sjó›sins eiga rétt til setu á ársfundinum.
Fundargögn ver›a afhent á fundarsta›.
Reykjavík 11. mars 2005
Stjórn Lífeyrissjó›s verzlunarmanna
Sími: 580 4000 • Myndsendir: 580 4099 • Netfang: skrifstofa@live.is
Ársfundur 2005
E
N
N
E
M
M
/
S
ÍA
/
N
M
15
52
3
Sókn í undanhaldi eldamennskunnar
ÁFANGI Á BOÐAÐRI LEIÐ Lýður Guðmundsson, forstjóri Bakkavarar, kynnir breytingar á Bakkavör við kaupin á Geest. Fyrirtækið setti
sér markmið um að velta 200 milljörðum árið 2013. Eftir kaupin á Geest er sá áfangi ekki svo langt undan.
FR
ÉT
TA
B
LA
Ð
IÐ
/G
VA