Fréttablaðið - 10.07.2005, Síða 11

Þegar talað er um jafnrétti á
vinnumarkaðnum viljum við vera
á 21. öldinni en þegar kemur að
forræðismálum eða því sem snýr
að börnum hverfum við 50-60 ár
aftur í tímann. Eiga börn ekki rétt
á jafnrétti? Er ekki kominn tími
til að endurskoða þessi mál? Er
ekki sameiginlegt forræði hugsun
nútímans?
Um áramótin var sagt að aukin
áhersla á fjölskylduna myndi ýta
konunni aftur inn á heimilið. Ég
spyr er fjölskyldan bara konan?
Eru feður og börn ekki líka fjöl-
skylda? Ef karlmaðurinn fengi að
sjá meira um börnin sín, hvort
sem hann er giftur eða ekki þá
hafa konur meiri tíma til að sinna
öðrum málum.
Í Stjórnarskrá lýðveldisins Ís-
lands stendur í sjöunda kafla, 65.
grein: „Allir skulu vera jafnir fyr-
ir lögum og njóta mannréttinda án
tillits til kynferðis, trúarbragða,
skoðana, þjóðernisuppruna, kyn-
þáttar, litarháttar, efnahags, ætt-
ernis og stöðu að öðru leyti. Kon-
ur og karlar skulu njóta jafns rétt-
ar í hvívetna.“ Af hverju er þá
konunni dæmt forræðið yfir börn-
unum ef maðurinn er talinn jafn
hæfur? Er það ekki mannréttinda-
brot? Jú, og ráðið við þeim er að
lögfesta sameiginlegt forræði
sem meginreglu við skilnað – eins
og forsjárnefnd og dómsmálaráð-
herra hafa núna boðað.
Að svipta foreldri forræði yfir
barni sínu er hreint mannrétt-
indabrot – hvort sem um er að
ræða móður eða föður. Það stend-
ur ekkert um það í Barnalögunum
að það megi svipta foreldri for-
ræði. Barnalögin segja hins vegar
að barnið skuli eiga heimili hjá
móður eða föður. Því tel ég það
bæði mannréttindabrot og lögbrot
þegar annað foreldrið er svipt for-
ræði yfir barni sínu.
Þurfum við ekki að hlúa meira
að börnunum og virða rétt þeirra?
Móðir meinar barni sínu að hitta
jafn hæfan föður þess og fær sér
jafnvel lögfræðing til að fyrir-
byggja að hann geti séð barnið
nema á einhverjum pabbahelgum
– og jafnvel ekki einu sinni það.
Það er meira en lítið að hjá svona
móður. Samt er þetta látið við-
gangast í þjóðfélaginu núna á 21.
öldinni. Er ekki kominn tími til að
svona móðir fái svipaðan dóm og
faðir sem misnotar börnin sín?
Umgengnistálmun er ekkert ann-
að en barnamisnotkun.
Konur, vitið þið að ef þið farið
einar með forræðið þá berið þið
einar ábyrgð ef börnin ykkar
valda tjóni, hvort sem þau eru hjá
ykkur eða föður þeirra? Föðurn-
um ber heldur engin skylda til að
taka þátt í kostnaði eins og tóm-
stundagjöldum eða fatakaupum.
Og í raun ættuð þið að senda allt
sem börnin þurfa með þeim þegar
þau fara í dvöl hjá föður sínum.
Væri ekki betra að báðir for-
eldrarnir væru með forræðið?
Eru það ekki jafnréttindi? Eða
viljið þið kannski ekki jafnrétti í
raun? Eru meðlögin kannski
meira virði en framtíð barnanna?
Finnst ykkur réttlátt að feður
borgi meðlag þá daga sem þeir
hafa börnin? Sumir feður fá að
hafa börnin nánast eins marga
daga í mánuði og móðirin, en
þurfa samt að borga meðlög án
þess að fá nokkra skýringu á því
ef spurt er.
Það er skrítið að faðirinn fái
ekki að taka þátt í að ala barnið
sitt upp. Nái hann sér í konu með
barn er hann hins vegar talinn
hæfari til að ala upp hennar barn
en sitt eigið. Ef konan fellur frá þá
fær faðirinn að hafa börnin og þá
styðja öll yfirvöld hann. Er ekki
eitthvað bogið við þetta? Konur
tala um að þær fái engu að ráða í
samfélaginu, en stjórnum við ekki
ansi miklu í rauninni? Alla
bernskuna fyrirhittir barnið að-
eins konur við völd; það er fyrst á
unglingsárunum sem það hittir
karlmann og þá er það því miður
lögregluna.
Ég vil skora á yfirvöld að láta
kanna hvort eins foreldris forsjá
feli ekki í sér mannréttindabrot
gagnvart börnum og forræðis-
lausum foreldrum. Börnin okkar
eru framtíð þjóðarinnar. Er þetta
kannski ekki nóu gott mál til þess
að taka upp á þingi? Ekki eins gott
og málið með Bobby Fischer sem
tók bara einn dag? Við erum þó að
tala um börnin okkar, framtíð
þjóðarinnar, eru þau ekki nógu
krassandi fyrir þingið?
Afar og ömmur og aðrir sem
bera hag barna fyrir brjósti – lát-
ið í ykkur heyra. Mæður sem
virða rétt barna sinna við skilnað
– stöndum saman og látum í okkur
heyra. Virðum rétt barna á Ís-
landi. ■
Landsteinar Strengur fær verðlaun frá Microsoft:
“Global ISV Partner of the Year”
Minneapolis, Minnesota, USA – 08. júlí 2005
Landsteinar Strengur fékk hin eftirsóttu verðlaun “Global ISV Partner of the Year” frá Microsoft Business
Solution í gærkveldi. Verðlaunin voru veitt á árlegri ráðstefnu Microsoft með samstarfsaðilum sínum hvaðanæ-
va að úr heiminum.
Samstarfsaðili ársins á sviði viðskiptahugbúnaðar
Þessi verðlaun eru veitt þeim samstarfsaðila MBS Microsoft á sviði viðskiptahugbúnaðar sem skarað hefur
fram úr á árinu.
Landsteinar Strengur hefur skapað sér sess sem eitt fremsta fyrirtæki í heiminum á sviði verslunarlausna. Með
beitingu nýjustu tækni og nánu samstarfi við MBS Microsoft hefur tekist að byggja upp öflugt samstarf þes-
sara aðila um allan heim.
Landsteinum Streng hefur tekist að þróa vöru sem stuðlað hefur að góðum árangri MBS Microsoft ásamt því
að fyrirtækið hefur byggt upp áreiðanleg vinnubrögð, tækniþekkingu og gott samstarf við viðskiptavini fyrirtæk-
isins.
Samkvæmt Sveini Áka Lúðvíkssyni sölustjóra samstarfsnets Landsteina Strengs þá voru þessi verðlaun veitt
fyrir framúrskarandi verslunarlausnir og aðþjóðlegt sölunet fyrirtækisins sem telur nú um 50 aðila í 44 löndum.
“Þessi verðlaun eru kærkomin viðurkenning á þrotlausu þróunarstarfi fyrirtækisins undanfarin 5 ár . Okkur
hefur einnig tekist að byggja upp öflugt, alþjóðlegt net samstarfsaðila sem eiga sinn þátt í þessum árangri
okkar. Lausnir okkar eru nú þegar í notkun í yfir 7.000 verslunum með um 17.000 afgreiðslustöðvar“ segir
Sigurjón Pétursson, framkvæmdastjóri Landsteina Strengs.
Landsteinar Strengur er forystufyrirtæki í upplýsingatækni sem byggir starfsemi sína á skörpum skilningi á starf-
semi og rekstrarumhverfi fyrirtækja. Í krafti þeirrar þekkingar býður Landsteinar Strengur fyrirtækjum heildar-
lausnir á sviði fjármála, þjónustu, heildsölu, dreifingar og verslunar. Fyrirtækið hefur mikla reynslu á
markaðinum og á rætur að rekja allt til ársins 1982 er Strengur var stofnaður. Áhersla er lögð á ráðgjöf, hugbú-
naðargerð og innleiðingu hugbúnaðar ásamt öflugri þjónustu og eru vörur fyrirtækisins í notkun hjá mörgum af
stærstu fyrirtækjum landsins.
Landsteinar Strengur er stærsti söluaðili á viðskiptahugbúnaði frá Microsoft Business Solutions á Íslandi og
einn stærsti þróunar- og söluaðili á Microsoft sérlausnum á erlendum mörkuðum. Reynslan sýnir að viðskipta-
lausnirnar Microsoft Navision, Microsoft Axapta og Microsoft XAL henta íslenskum fyrirtækjum afar vel, enda er
Landsteinar Strengur í forystu á heimsvísu um þróun dreifingar- og verslunarlausna.
Landsteinar Strengur er hluti af Kögunarsamsteypunni. Kögun hf. er almenningshlutafélag, stofnað árið 1988.
Félagið sinnir hugbúnaðargerð fyrir kröfuharða viðskiptavini á Íslandi og annars staðar. Meðal verkefna er
samþætting upplýsingakerfa, ráðgjöf á sviði hugbúnaðargerðar, afgreiðslukerfi fyrir banka, stjórnkerfi fyrir orku-
ver, ráðgjöf á sviði öryggismála og fleira.
Væri ekki betra a› bá›ir for-
eldrarnir væru me› forræ›i›?
Eru fla› ekki jafnréttindi? E›a
vilji› fli› kannski ekki jafnrétti
í raun? Eru me›lögin kannski
meira vir›i en framtí› barn-
anna?
Konur á villigötum í jafnréttismálum
21SUNNUDAGUR 10. júlí 2005
GUÐRÚN H. FRIÐRIKSDÓTTIR
UMRÆÐAN
FORRÆÐISMÁL OG JAFNRÉTTI
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.