Fréttablaðið - 10.07.2005, Page 12
Josef Krenn er fram-
kvæmdastjóri á sérleyfis-
sviði þýsku bílaleigunnar
Sixt. Krenn var hér á
landi á dögunum og að-
stoðaði Nord-Rent liða
við að setja upp starf-
semi sína. Krenn spjall-
aði við Jón Skaftason um
starfsemi Sixt, rekstur
þess og sögu.
Sixt var fyrsta bílaleigan í Evr-
ópu, stofnuð í Þýskalandi árið
1912 af Martin Sixt. Fyrirtækið
leigði í upphafi út sjö bifreiðar
og voru viðskiptavinirnir eink-
um breskir aðalsmenn á ferða-
lagi um Evrópu og nýríkir
Bandaríkjamenn.
Fyrri heimsstyrjöldin setti
fljótlega strik í reikninginn og
voru allir bílarnir gerðir upp-
tækir og notaðir við stríðsrekst-
ur Þjóðverja. Martin Sixt hélt þó
ótrauður áfram eftir stríð og
reisti nýjar höfuðstöðvar fyrir-
tækisins í München. Sixt hefur
haft aðsetur þar alla tíð síðan.
Þegar síðari heimsstyrjöldin
skall svo á munaði aftur litlu að
reksturinn lognaðist út af. Her-
inn gerði bílaflotann upptækan
en Hans Sixt, frændi Martins,
náði þó að fela einn bíla fyrir-
tækisins í hlöðu þar til stríðinu
lauk. Bílafloti Sixt samanstóð því
af einum sjö sæta Mercedes
Benz við styrjaldarlok.
Vex og dafnar eftir stríð
Eftir stríð vænkaðist hagur fyr-
irtækisins og hefur það vaxið og
dafnað síðan. Krenn segir síð-
ustu ár hafa verið fyrirtækinu
góð: ,,Árið 1986 skráðum við okk-
ur í Þýsku kauphöllina og 1994
var Sixt orðin stærsta bílaleiga í
Þýskalandi, með um 26 prósenta
markaðshlutdeild. Í dag erum
við með fjórðu stærstu markaðs-
hlutdeildina í Evrópu og erum
með 3.500 skrifstofur í 76 lönd-
um.“
Orðið bílaleiga nær raunar
ekki utan um þá starfsemi sem
er á vegum Sixt. Fyrirtækið rek-
ur einnig rekstrarleigu á bifreið-
um, limúsínuþjónustu og jafnvel
bílasölur.
Árið 1996 hófst útrás Sixt.
Byrjað var á því að opna skrif-
stofur í þeim löndum sem eiga
landamæri að Þýskalandi og hef-
ur Sixt hefur nú höfuðstöðvar í
sjö löndum en útdeilir sérleyfum
í hinum löndunum 69. ,,Markmið
okkar er að vera með starfsemi í
hundrað löndum árið 2008,“ seg-
ir Krenn og bætir við: ,,Við störf-
um í öllum heimshornum. Nú
hyggjumst við opna eigin skrif-
stofu í Indlandi og þá eru við-
ræður komnar langt á veg í
Kína.“
Á fyrsta ársfjórðungi þessa
árs hagnaðist Sixt um rúmar 560
milljónir króna og óx um fjórtán
prósent frá fjórðungnum á und-
an.
Samstarf
Sixt leggur mikla áherslu á sam-
starf við hin ýmsu fyrirtæki. Til
að mynda starfar Sixt með 45
flugfélögum víðs vegar að auk
fjölda hótela. Krenn segir Sixt
skilgreina sig sem mobility-
service, eða heildstæða ferða-
lausn: ,,Kúnninn getur flogið
með Lufthansa, gist á Hilton hót-
eli og tekið bíl frá okkur og bók-
að allt á sama staðnum. Það
mætti segja að samstarf okkar
við fyrirtækin fælist í því að
koma kúnnanum frá a til b á sem
þægilegastan máta.“
Krenn segir þetta samstarf
koma öllum aðilum vel: ,,Við deil-
um gjarnan kostnaði við mark-
aðssetningu og auglýsingar auk
þess sem við vinnum saman á
fleiri sviðum. Sixt og mörg flug-
félaganna eru til að mynda með
sameiginlegt punktakerfi.“
Hann segir suma samningana
óvenjulega: ,,Við gerðum nýlega
samning við flugfélagið Arab
Emirates. Í samningnum fólst að
öllum farþegum á fyrsta farrými
yrði ekið til og frá flugvöllum í
glæsibifreiðum frá okkur.“
Sixt leggur mikið upp úr því
að sem minnst fyrirhöfn sé fyrir
þreytta ferðalanga að nálgast bíl
frá fyrirtækinu: ,,Við erum með
sérstök kort fyrir viðskiptavini
okkar sem hafa að geyma allar
nauðsynlegar upplýsingar. Fólk
framvísar kortinu og er komið
undir stýri mínútu seinna. Einnig
er hægt að renna kortinu í gegn-
um sérstaka sjálfsala og fá lykil
að bíl um hæl.“
Ísland góð viðbót
Um 25 prósent allra pantana hjá
Sixt koma í gegnum vefsíðu fyr-
irtækisins. Krenn telur að þetta
feli í sér mikla möguleika fyrir
nýja Íslandsútibúið: ,,Nú munum
við bjóða upp á Ísland sem val-
kost á vefsíðu okkar. Ég er full-
viss um að viðskiptavinir okkar
muni koma til með verða ánægð-
ir með þá viðbót.“
Krenn segist vera ánægður
með nýjasta Sixt-útibúið: ,,Okkur
þykir bara leitt að hafa ekki
komið fyrr.“ Hann er handviss
um að móttökurnar verði góðar:
,Íslendingar eru mikil ferðaþjóð.
Fólk mun geta bókað bíl á Íslandi
í gegnum vefsíðu Sixt, auk þess
sem þetta eykur vonandi við-
skipti okkar í öðrum löndum. Ef
Íslendingar verða ánægðir með
þjónustuna heima hjá sér munu
þeir skipta við Sixt á ferðum sín-
um.“ ■
10. júlí 2005 SUNNUDAGUR
vidskipti@frettabladid.is nánar á visir.is
Ætla a› ver›a stórir
Dalbraut 3, 105 Reykjavík • Nánari upplýsingar í síma
567-7773 og 893-6337 um kvöld og helgar
MARKISUR
www.markisur.com
VILTU SKJÓL Á
VERÖNDINA?
Bjarni Jónsson er stjórn-
armaður í Nord-Rent.
Hann segir Sixt vöru-
merkið þekkt um allan
heim og að í því séu fólg-
in mikil verðmæti.
Eigendur Nord-Rent eru Júlíus
Vífill Ingvarsson lögmaður sem
er stjórnarformaður, Bjarni
Jónsson dósent í viðskiptafræði
og Jón Tryggvi Kristjánsson
endurskoðandi, sem báðir sitja í
stjórn.
Bjarni Jónsson segir þá fé-
laga ætla að fara rólega af stað:
,,Við ætlum í fyrstu að leggja
áherslu á þjónustu við fyrirtæki
og Íslendinga sem fara til út-
landa. Við stefnum að því að
bjóða fyrirtækjum betri kjör á
bifreiðum en áður hafa þekkst.“
Höfuðstöðvar Sixt á Íslandi
verða í húsakynnum Master í
Glæsibæ og verður opnað útibú
í Keflavík innan skamms. Fyrir-
tækið mun verða með tíu til
fimmtán bíla á sínum snærum
til að byrja með og bæta svo við
þegar á líður: ,,Við verðum með
bíla í öllum flokkum, t.d. Benza
eins og Sixt er einmitt frægt
fyrir. Fólk getur tekið lúxusbif-
reiðar á leigu óski það þess.“
Sumartíminn er eins og gefur
að skilja mesti annatíminn fyrir
bílaleigur enda flykkjast þá er-
lendir ferðamenn til landsins.
Nord-Rent menn hyggjast nota
veturinn til undirbúnings og
demba sér í þann slag á fullu er
vora tekur: ,,Við stefnum að því
að verða hlutfallslega jafnstórir
og Sixt eru úti. Við ætlum að
verða með þeim stærstu hér á
landi.“
Bjarni er ekki í nokkrum vafa
um að Sixt-vörumerkið muni
reynast verðmætt er fram líða
stundir: ,,Sérleyfissamningur-
inn felur í sér að þeir munu
veita okkur alla þá ráðgjöf sem
við þörfnumst, hvort sem það
snýr að markaðsstarfi eða
tæknimálum.“ Hann segir mikla
möguleika felast í því að vera
komnir inn í bókunarkerfi Sixt á
netinu: ,,Þeir munu líklega út-
vega mestu viðskiptin, í það
minnsta fyrst um sinn. Með
þessu er verið að bjóða Sixt á Ís-
landi sem valkost á alþjóðlegum
markaði.“
- jsk
FR
ÉT
TA
B
LA
Ð
IÐ
/V
AL
G
AR
Ð
Elsta bílaleiga í Evrópu
JOSEF KRENN FRAMKVÆMDA-
STJÓRI HJÁ SIXT Krenn segist
ánægður með nýjasta útibú Sixt og tel-
ur að Íslendingar muni taka vörumerk-
inu opnum örmum: ,,Okkur þykir bara
leitt að hafa ekki komið hingað fyrr.“
FR
ÉT
TA
B
LA
Ð
IÐ
/V
IL
H
EL
M
JÓN TRYGGVI JÓNSSON, BJARNI JÓNSSON, JOSEF RENN OG JÚLÍUS VÍFILL
INGVARSSON Sumarið er mesti annatíminn fyrir bílaleigur enda flykkjast þá erlendir
ferðamenn til landsins. Bjarni segir að næsti vetur verði notaður til undirbúnings en slag-
urinn svo tekinn að fullu næsta vor.
12