Fréttablaðið - 03.10.2005, Blaðsíða 8
8 3. október 2005 MÁNUDAGUR
Árásir á Balí
fordæmdar
Tveir menn frá Malasíu eru gruna›ir um a› hafa
sta›i› á bak vi› sjálfsmor›sárásirnar á Balí á laugar-
dag. Lei›togarnir Blair og Pútin fordæma árásirnar.
BALÍ, INDÓNESÍU, AP Talið er að tveir
menn frá Suðaustur-Asíu hafi
staðið á bakvið sjálfsmorðsárásir
á þremur veitingastöðum á eyj-
unni Balí í Indónesíu á laugardag.
26 manns fórust í árásunum.
Mennirnir, sem tengjast al
Kaída-hryðjuverkasamtökunum,
eru frá Malasíu. Eru þeir einnig
sagðir hafa staðið á bak við skæð-
ar sprengingar á sömu eyju árið
2002, þar sem 202 manneskjur
fórust, og tvær árásir í höfuð-
borginni Jakarta árin 2003 og
2004. Mennirnir heita Azahari bin
Husin og Noordin Mohamed Top.
Borin hafa verið kennsl á líkams-
leifar þeirra þriggja sem talið er
að hafi framkvæmt sjálfs-
morðsárásirnar og voru þessir
tveir ekki á meðal þeirra.
Tony Blair, forsætisráðherra
Bretlands, fordæmdi árásirnar í
gær og lýsti yfir stuðningi við
baráttu Indónesíu gegn hryðju-
verkamönnum. „Við stöndum með
Indónesum á þessum erfiðu tím-
um,“ sagði Blair. „Ég vil einnig
lýsa yfir stuðningi við íbúa Balí
sem þurfa nú að jafna sig á öðru
hroðaverki svo skömmu eftir árás-
ina árið 2002.“ Vladimir Putin, for-
seti Rússlands, sendi einnig sam-
úðarkveðjur sínar vegna árásanna
og krafðist harðari aðgerða gegn
hryðjuverkamönnum. ■
Vilt þú skipuleggja tíma þinn betur?
Á námskeiðinu er farið yfir skipulagningu, yfirfærslu
verkefna, markmiðagreiningu, ábyrgð, streitu og nútíma
starfshætti. Þátttakendur öðlast þekkingu við forgangsröðun
verkefna, þróun aðgerðalista og færni í að setja fram raunhæf
markmið.
Kennt er 13., 14. og 20 október, kl. frá 16:30 - 19:30.
Námskeiðið er samtals 9 tímar.
Verð kr. 18.000
Tímastjórnun
Frekari upplýsingar veitir:
Charlotta Karlsdóttir
Beinn sími: 599 6258
Skiptiborð: 599 6200
charlotta@ru.is
www.ru.is/simennt
SÍMENNT HR
www.ru.is/simennt
LÖGREGLUFRÉTTIR
EKIÐ Á GANGANDI VEGFARANDA
Gangandi vegfarandi fótbrotnaði
þegar ekið var á hann á Breiðholts-
braut, skammt frá gatnamótunum
við Skógarsel, um klukkan þrjú í
fyrrinótt. Hann fótbrotnaði.
MIKIÐ UM ÖLVUNARAKSTUR Sex
ökumenn voru teknir grunaðir um
ölvun við akstur í Reykjavík í
fyrrinótt og þrír í Kópavogi. Mikill
erill var hjá lögreglunni á höfuð-
borgarsvæðinu þá um nóttina og
einnig hjá lögreglunni á Akureyri.
VARÐ VIÐSKILA VIÐ GÖNGUHÓP
Kona ein varð viðskila við ferða-
félaga sína á fjallinu Þríhyrningi,
sem er skammt frá Hvolsvelli, um
miðjan dag í gær og fann þá ekki
aftur svo hún hringdi á hjálp.
Björgunarsveitarmenn frá Hvols-
velli voru þó ekki lagðir af stað
þegar félagar hennar fundu hana
heila á húfi.
RÉTT FYRIR ÁRÁSINA Þessi mynd er fengin úr myndbandi sem var tekið upp á kaffihúsi í
Balí skömmu áður en gerð var sjálfsmorðsárás á staðnum.
M
YN
D
/A
P
HEILBRIGÐISMÁL Fjórðungur barna
heimsins og 40 milljónir þungaðra
kvenna eru í hættu vegna sjúk-
dóma sem einfaldar bólusetning-
ar geta komið í veg fyrir, sam-
kvæmt nýrri skýrslu UNICEF. Í
41 landi hefur bólusetningum
fækkað síðastliðinn áratug.
Bólusetning er oft eina tegund
heilsugæslu sem ungbörn hljóta,
en UNICEF útvegar bóluefni við
banvænum sjúkdómum svo sem
kíghósta, stífkrampa og misling-
um til yfir 40 prósent barna í
heiminum.
Flest lönd í Rómönsku Amer-
íku, Karíbahafinu, Mið- og Austur
Evrópu, fyrrum lýðveldum Sovét-
ríkjanna, Miðausturlöndum,
Norður-Afríku og iðnríkjanna
vinna staðfastlega að bólusetn-
ingu, en skýrslan segir mörg lönd
sunnan Sahara í Afríku og í Suður-
Asíu þurfi að taka sig á, og til þess
þurfi þau stuðning ríkari landa.
Sérstaklega þurfa löndin Haítí,
Bólivía og Súrinam mikla aðstoð.
Það kemur fram í skýrslunni
að það er bólusetningum að þakka
að dauðsföllum vegna mislinga
hefur fækkað um nær helming á
síðustu fimm árunum. - smk
Eitt af hverjum fjórum börnum ekki bólusett:
Bólusetningum enn áfátt
í fátækari löndum heims
BÓLUSETNING BARNA Eitt af hverjum fjór-
um börnum í heiminum er í hættu vegna
sjúkdóma sem hægt er að koma í veg fyrir
með bólusetningu samkvæmt nýrri skýrslu
UNICEF.
Könnun meðal eldri borgara í Laugardal:
Au›velt a› komast í laugarsamfélagi›
KÖNNUN Auðvelt eða mjög auðvelt
er fyrir nýliða að komast inn í fé-
lagsskapinn í sundlauginni í Laug-
ardal, samkvæmt viðhorfskönnun
sem unnin var meðal eldri borgara í
Laugardal. Má því segja að eldri
borgarar taki jafnöldrum sínum
opnum örmum í pottunum í Laugar-
dalnum.
Könnunin var gerð til að fá mynd
af stöðu mála, en hverfisráð Laug-
ardals stefnir að því að gera Laug-
ardalinn að fyrirmyndarhverfi í
þjónustu og aðstöðu fyrir eldri
borgara.
Almenn ánægja er með um-
hverfi og aðbúnað Laugardalslaug-
ar sem og aðgengi og opnunartíma.
Í könnuninni kemur enn fremur
fram að flestir svarendur fara
þrisvar til sjö sinnum í sund í viku
og sækja jafnan laugina á einkabíl.
Sérstök könnun var gerð á
heimaþjónustu og leiðir hún í ljós
að um 35 prósent taka þátt í ein-
hverju félags- eða tómstundastarfi.
Heilsuleysi og tímaleysi eru helstu
ástæður þess að fólk gerir það ekki
en einnig var áhugaleysi nefnt.
Flestir svarenda stunda hins vegar
útiveru, hreyfingu eða líkamsrækt.
Þorri þeirra sem spurðir voru
sögðust ekki þjást af einmanaleika
og fer í, eða fær, heimsóknir einu
sinni í viku eða oftar.
Ítarlegar niðurstöður könnun-
arinnar verða kynntar á íbúaþingi
eldri borgara í Laugardal sem
haldið verður á Grand hóteli í dag
og stendur milli kl. 12.30 og 16.30.
- bþs
ÞRÖNG Á ÞINGI Oft eru margir í pottunum
í Laugardalnum, þó sjaldnast jafn margir
og þegar þessi mynd var tekin en hún er
af sundkórnum sem syngur í lauginni á
föstudögum.
FR
ÉT
TA
B
LA
Ð
IÐ
/P
JE
TU
R