Fréttablaðið - 03.10.2005, Blaðsíða 10

HREINSAÐ Í NEW ORLEANS Martin
Aguinaga frá Oklahoma hreinsar rusl eftir
fellibyljina Katrínu og Ritu af götunni
Canal Street í New Orleans.
10 3. október 2005 MÁNUDAGUR
Stasi njósnaði um Joseph Ratzinger áður en hann varð páfi:
Talinn hættulegur kommúnisma
ÞÝSKALAND Austur-þýska leyni-
þjónustan sáluga, Stasi, áleit
Joseph Ratzinger kardinála, sem
nú er Benedikt páfi sextándi, einn
hættulegasta gagnrýnanda
kommúnisma og njósnaði um
hann frá árinu 1974. Þetta kemur
fram í þýska tímaritinu Bild am
Sonntag sem birti nýlega gögn
sem sýna að Stasi fylgdist náið
með Ratzinger í mörg ár.
Þar kemur fram að vinátta
Ratzingers við hinn pólska
Jóhannes Pál páfa annan var álit-
in mjög hættuleg. Talið var að
Ratzinger, sem fæddur er í
Bæjaralandi, gæti haft töluverð
áhrif á andstöðu gegn kommún-
isma innan kaþólsku kirkjunnar.
Í skjölunum kemur einnig
fram að Stasi reyndi árið 1981 að
finna einhverjar vísbendingar um
að Ratzinger hefði verið viðriðinn
Nasistaflokkinn, en vitað er að
Ratzinger var félagi í Hitleræsk-
unni. Sú leit bar þó engan árangur.
Bild am Sonntag heldur því
fram að Benedikt páfi sjálfur hafi
leyft birtingu á skjölunum en yfir-
völd í Vatíkaninu hafa ekki viljað
staðfesta það. - sgi
Afgreiðslutími forræðismála stefnir fjölskyldutengslum í hættu:
Um níu mána›a bi›
DÓMSMÁL Það tekur sýslumann
Reykjavíkur níu mánuði að meðal-
tali að fella úrskurð í umgengnis-
máli, og dóms- og kirkjumálaráðu-
neytið tekur sér enn rýmri tíma til
þess sama. Þetta kemur fram í
kandidatsritgerð Helga Áss Grét-
arssonar, sem hann varði við laga-
deild Háskóla Íslands á föstudag.
Helgi skoðaði 302 umgengnismál
hjá sýslumanninum í Reykjavík
og 41 mál á sama tímabili hjá ráðu-
neytinu á árunum 2002 til 2003.
„Þetta ástand hefur verið lengi
svona,“ segir Ingimundur Sveinn
Pétursson, formaður Félags ein-
stæðra foreldra, og bætir því við
að þó lítill eða enginn ágreiningur
sé milli foreldranna getur mál
þeirra samt sem áður tekið fjöl-
marga mánuði.
Íslenska stjórnarskráin gerir
ráð fyrir að allir hafi rétt á fjöl-
skyldulífi og því að fá úrlausn
sinna mála innan hæfilegs tíma.
Þó er staðreyndin sú að stundum
tekur málaskak það langan tíma
að fjölskyldulíf fer mikið úr
skorðum, og þá er það oft sem ann-
að foreldrið, yfirleitt faðirinn,
hvorki heyrir né sér barn sitt mán-
uðum saman.
„Þetta getur verið stressandi
og sárt fyrir það foreldri sem er
að missa af umgengni á meðan
yfirvöld komast að niðurstöðu.
Börn mynda tilfinningatengsl frá
tveggja og upp í fimm ára, og ef
verið er að hamla umgengi á þess-
um tíma þá getur það skemmt
gríðarlega fyrir næstu átján árun-
um,“ segir Ingimundur, og bætir
við að stundum verði tímalengd
málaferlanna til þess að foreldrið
sem ekki hefur umgengnisrétt
hreinlega gefist upp og hætti að
reyna að hafa samband við börnin
sín. - smk
ATVINNUMÁL Birkir Jón Jónsson,
þingmaður Framsóknarmanna og
formaður iðnaðarnefndar Alþingis,
hefur fulla trú á því að Slippstöðin á
Akureyri, sem þurfti að sækja um
greiðslustöðvun á dögunum, verði
endurreist á sama stað.
„Ég vil að stjórnvöld beiti sér í
þá átt að bæta samkeppnisstöðu
skipasmíðaiðnaðar hér á landi gagn-
vart erlendum aðilum og tel þetta
vera mikið forgangsmál,“ segir
Birkir.
Að sögn Birkis eru þegar komn-
ar fram tillögur í nokkrum liðum
frá nefnd sem var skipuð af iðnað-
arráðherra þar sem fulltrúar frá
iðnaðarráðuneytinu, fjármálaráðu-
neytinu og Samtökum iðnaðarins
fóru yfir leiðir til að bæta starfsum-
hverfi íslensks skipaiðnaðar. Hann
segir afar mikilvægt að missa ekki
þennan iðnað úr landinu. „Það er nú
einu sinni þannig að undirstöðuat-
vinnugrein þjóðarinnar er fiskveið-
ar og sá atvinnuvegur þarf að fá
þjónustu frá fyrirtækjum eins og
Slippstöðinni. Það væri dýrt að
missa þessa þjónustu úr landi því
það er mikil þekking í fyrirtæki
eins og Slippstöðinni.“
Kristján Þór Júlíusson, bæjar-
stjóri á Akureyri, hefur einnig trú
á að rekstur Slippstöðvarinnar
haldi áfram og er ánægður með
ummæli Birkis Jóns. „Það er mjög
ánægjulegt að verða vitni að því að
framsóknarþingmenn og fulltrúar
ríkisstjórnarinnar skuli hafa svona
tröllatrú á íslenskum skipasmíða-
iðnaði, sérstaklega á Akureyri. Það
verður fróðlegt að sjá hvernig þeir
beita sér í því,“ segir Kristján Þór.
„Bæjar- og hafnaryfirvöld á Akur-
eyri hafa verið í samskiptum við
starfsmenn stöðvarinnar og ég hef
enga trú á öðru en að rekstur haldi
þarna áfram. Þarna er mikil þekk-
ing fyrir hendi og ágætis verkefna-
staða í viðhaldi skipa. Það er
ástæðulaust að láta þetta verkefni
á Kárahnjúkum draga niður þá
verkþekkingu og kunnáttu sem er
þarna fyrir hendi.“
freyr@frettabladid.is
Bílvelta í Vestmannaeyjum:
Réttindalaus
og ölva›ur
LÖGREGLUMÁL Sautján ára piltur
velti jeppa á veginum norðan
Breiðabakka í Vestmannaeyjum og
er bifreiðin talin ónýt en pilturinn
slapp lítið meiddur líkt og jafnaldri
hans sem var með í för.
Pilturinn hafði stolið bifreiðinni
en hann er ekki kominn með öku-
réttindi. Lögreglan í Vestmannaeyj-
um grunar piltinn um að hafa verið
ölvaðan við aksturinn og bendir
flest til þess að hann hafi ekið mun
hraðar en leyfilegt er.
Piltarnir gengu til byggða af
slysstað og voru því næst sendir til
aðhlynningar á sjúkrahúsið en
meiðsl þeirra reyndust ekki alvar-
leg. - jse
BRJÁLÆÐINGUR
MEÐ SVEÐJU
Á LOFTI
Tindur höfuðkúpubraut ungling
HAFÐI ÁÐUR
STUNGIÐ PILT
Í HÁLSINN MEÐ
SKRÚFJÁRNI
FR
ÉT
TA
B
LA
Ð
IÐ
/A
P
M
YN
D
/A
P
INGIMUNDUR SVEINN PÉTURSSON For-
maður Félags einstæðra foreldra segir ís-
lensk yfirvöld oft taka of langan tíma til að
fella úrskurð í umgengnismálum.
SLIPPSTÖÐIN Forsvarsmenn Slippstöðvarinnar á Akureyri sóttu um greiðslustöðvun á dögunum.
Trú á endurreisn
Slippstö›varinnar
Forma›ur i›na›arnefndar Alflingis hefur trú á flví a› Slippstö›in á Akureyri
ver›i endurreist flrátt fyrir grei›slustö›vun. Bæjarstjóri Akureyrar segir verk-
efnastö›u Slippstö›varinnar gó›a.
BENEDIKT PÁFI SEXTÁNDI Austur-
þýska leyniþjónustan fylgdist náið
með Ratzinger í gegnum árin.