Fréttablaðið - 03.10.2005, Page 88

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 550 5000
HORF‹U EINSOG fiÉR S†NIST!
Yfir 300 sjónvarpsflættir og kvikmyndir
í stafrænum gæ›um á vísir.is
fiÚ ERT SJÓNVARPSSTJÓRI Á
Ígamla daga þegar frændur okkarÍrar trúðu á páfann í Róm en ekki
Evrópusambandið í Brussel var ég
við nám í Dublin. Í þessu strangtrú-
aða landi var margt sem ekki þótti
við hæfi að nefna. Til dæmis voru
kjúklingabringur („chicken-breast“)
á matseðlum veitingahúsa ævinlega
kallaðar „kjúklingavængir“. Það var
óviðeigandi að nefna hið klúra og
lostuga orð „brjóst“ á siðprúðum
matseðli.
Á ÍSLANDI vogaði fólk sér að
nefna orðið „brjóst“, en allt þar fyr-
ir handan – eða neðan -var svartasta
klám. Bækur sem sögðu frá hinni
líkamlegu hlið ástalífs og kynhvatar
voru bannaðar með lögum (en gengu
manna í milli í handskrifuðum stíla-
bókum). Þótt forboðið væri að fjalla
um kynlíf á prenti var þó sem betur
fer ekki bannað að stunda það á laun
án þess að vitnum væri við komið –
rétt eins og hrossaketsát eftir
kristnitöku.
HINNI MIKLU BÆLINGU var
svarað með því að leggja gífurlega
áherslu á svonefnda „friðhelgi
einkalífsins“ sem þýddi að menn
sem gátu stundað vinnu sína frá 9 til
5 á mánudegi til föstudags og 9 til
12 á laugardögum máttu klæða sig í
kvenmannsföt fyrir luktum dyrum í
frítíma sínum ef þeir sýndu sig ekki
á almannafæri í þeim skrúða. Og
menn voru að sjálfsögðu frjálsir að
því að drekka sig fulla heima hjá sér
og lúskra á konu og börnum af
hjartans lyst svo lengi sem neyðar-
ópin trufluðu ekki nætursvefn ná-
grannanna. Heilsufar fólks flokkað-
ist í eina tíð líka undir einkamál
áður en heilsufarsupplýsingar urðu
verðmæt verslunarvara í líftækni-
iðnaði og tryggingaviðskiptum. En
sú þróun er önnur saga. Þegar á
heildina er litið er það mikill léttir
að þöggun og bæling skuli hafa
minnkað og frelsi og umræða komið
í staðinn.
FRIÐHELGI EINKALÍFS snýst
ekki lengur um pukur og þöggun
heldur um rétt allra manna til að
hugsa og tala og hegða sér eins og
einstaklingnum sjálfum sýnist, svo
lengi sem hann eða hún abbast ekki
upp á annað fólk með hátterni sínu.
Það er til marks um bælingu og
helgislepju að banna að kalla hlutina
sínum réttu nöfnum og réttlæta
hræsnina með friðhelgi einkalífsins.
BAKÞANKAR
ÞRÁINS BERTELSSONAR
Fri›helgi
einkalífsins