Fréttablaðið - 03.10.2005, Blaðsíða 22
4 3. október 2005 MÁNUDAGUR
Ekki hafa allir flennistór eld-
hús og því nauðsynlegt að
nýta plássið vel. Því er gott
að hugsa fyrir góðu skipulagi
áður en farið er í að setja upp
innréttinguna. Meðan eldhús-
ið er hannað og innréttað er
gott að hafa í huga leiðir til
að gera það skilvirkt fyrir
vinnu og gera ráð fyrir góðum
geymslusvæðum.
Hönnuðir eru farnir að taka sí-
fellt meira tillit til skipulags í
eldhúsum. Í nýjustu hönnun er
hugsað fyrir geymsluplássi og
aðgengi. Skápar hafa útdrög með
færanlegum körfum. Einnig er
hægt að fá skápa sem eru dregn-
ir út á sama máta og skúffur.
Skáparnir eru þá opnir á báða
vegu sem auðveldar að komast í
allt sem í þeim er. Í hillum
skápanna eru þá færanlegar
körfur og skilrúm í þær úr málmi
og plasti. Skúffur eru nú hannað-
ar alla leið að því leyti að hugsað
er fyrir því hvað á að vera í þeim.
Hægt er að fá stærri skúffur sem
eru með sökkli sem lyftist sjálf-
krafa þegar skúffan er dregin út
og hentar vel fyrir stærri, þyngri
hluti. Til að tryggja góðan að-
gang að því sem geymt er í skúff-
unum er gott að velja fullútdrag-
anlegar skúffur, í skúffurnar má
svo fá málm- eða plastskilrúma-
kerfi, áhalda- og hnífaparabakka.
Nýta má hornrýmin betur með
hálfmánalaga hornskápum sem
lokast til fulls. Hornrýmið nýtist
líka vel fyrir pottageymslur, þar
má setja 90˚ eða 135˚ snúnings-
hillur fyrir potta og pönnur. Til
að spara rýmið enn frekar er
hægt að fá vinnuborð sem falla
inn í innréttinguna. Þá eru borðin
dregin út, lyft upp og fest þannig
þau nemi við borðbrún. Einnig
má fá slík borð sem nýtast sem
matarborð.
Plássið í kringum uppvöskun-
arsvæðið á það til að nýtast illa.
Hægt er að fá skúffur sem falla
vel undir vaskinn og þar er hægt
að geyma þvottaburstana, sáp-
una og svampana. Hægt er að fá
útdrög með körfum fyrir sáp-
urnar, bæði áfastar og færanleg-
ar, sem auðvelda aðgengi. Við
hliðina á vaski eða eldavél má
koma fyrir mjóum skápum sem
dragast út. Þar má setja upp
hengi fyrir viskustykki eða fær-
anlegar körfur fyrir olíur og
krydd.
Gott skipulag í annasömu her-
bergi eykur á gleði og skilvirkni
fyrir alla þá sem að því koma.
H.G. Guðjónsson: Minni tegund af út-
dreginni grind undir vaski fyrir sápurnar.
Axis: Skúffa sem fellur undir vaskinn. Nýt-
ist vel til geymslu á smærri hlutum,
þvottaburstum og svömpum.
Axis: Skúffa með plastskilrúmakerfi gerð
fyrir stærri hlutina sem geyma þarf.
H.G. Guðjónsson: Hornskúffa með hólf-
uðum bakka fyrir hnífapör og eldhúsáhöld.
Axis: Hólfaðar skúffur fyrir borðbúnað.
H.G. Guðjónsson: Stór matarskúffa með
ál skilrúmakerfi.
Axis: Útdreginn skápur með skilrúmum.
Báðar hliðar opnar og aðgengi gott.
H.G. Guðjónsson: Stærri tegund af grind
undir vaski. Grindin dregst út og hefur
mikið geymslupláss.
Leyf›u eldhúsinu a› njóta sín
H.G. Guðjónsson: Mánalaga hornskápur
úr plasti, stáli og járni.
H.G. Guðjónsson: Veggpláss milli borðs
og skápa má nýta á marga vegu. Hægt er
að setja upp grindur sem hengja má á
eldhúsáhöld, eldhúspappír, plastrúllur og
fleira. Einnig er hægt að setja upp segla
fyrir hnífa og þess háttar.
Fossaleyni 8 · 112 Reykjavík
Sími 577 2050 · www.formaco.is
Gluggar
10 ára ábyrgð
Hreinlega…
…ótrúleg verð!!!!
Sturtuklefar og
baðker í úrvali!
Símaþjónusta frá 10-19: 899-4567
Öll viðgerða/varahluta og
uppsetningaþjónusta fyrir hendi
www.sturta.is
allan sólarhringinn!
H.G. Guðjónsson: Útdregið vinnuborð sem nýtist líka sem matarborð.