Fréttablaðið - 06.11.2005, Blaðsíða 80

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 550 5000
Hingað til hef ég aldrei tekið endanlega afstöðu í stjórn-
málum. Snemma á lífsleiðinni
ákvað ég að það kæmi mér betur
að vera hlutlaus. Fyrir nokkrum
dögum rann upp fyrir mér að þetta
væri veikleikamerki og að ég yrði
að þora að hafa skoðanir.
ÉG var að hlusta á útvarpið í bíln-
um á leiðinni heim til mín. Þar var
viðtal við Vilhjálm og Gísla Martein
um prófkjör sjálfstæðismanna. Ég
hlustaði af athygli og ákvað í fram-
haldinu að taka afstöðu. Þegar ég
kom heim tilkynnti ég frúnni að ég
ætlaði að skrá mig í Sjálfstæðis-
flokkinn og kjósa í prófkjörinu. Í
einfeldni minni hafði ég haldið að
hún yrði bara ánægð með að ég hefði
með þessu sýnt af mér kjark og þor,
en í staðinn þurfti ég að svara fyrir
þessa ákvörðun mína.
HVERSVEGNA hafði ég ákveðið
að gerast sjálfstæðismaður? Mér
varð fátt um svör. Þetta var svo
nýtilkomin ákvörðun og hafði komið
mér gjörsamlega í opna skjöldu. Í
örvæntingu minni reyndi ég að vitna
í Davíð Oddsson en í miðri setningu
áttaði ég mig á að þetta var brandari
úr Spaugstofunni. Ég bölvaði Erni
Árna í hljóði. Trúverðugleiki minn
var á þessu andartaki jafn traust-
ur og happdrætti á vegum Ástþórs
Magnússonar.
ÞAR sem ég lá uppi í rúmi þetta
sama kvöld fór ég í huganum
yfir þessa ákvörðun og bar hana
lauslega saman við aðrar ákvarð-
anir sem ég hafði tekið á lífsleið-
inni. Hversu ígrundaðar höfðu
þær verið? Það var eins og mig
rámaði í að hafa haldið með litlum
skjeggjuðum karli undir svipuð-
um kringumstæðum fyrir nokkr-
um mánuðum. Ég mundi samt
ekki hversvegna ég hafði haldið
með honum, fannst hann sennilega
bara krúttlegur.
ÉG sé núna að það kæmi mér
ekki vel að skrá mig í stjórn-
málaflokk að svo stöddu. Ég ætla
bara að halda mig við Tottenham
í ensku knattspyrnunni í bili. Ég
þekki vel til þar og get hæglega
réttlætt stuðning minn án frek-
ari eftirmála. Ég sé einnig gildi
þess að konan mín láti mig standa
frammi fyrir ákvörðunum mín-
um. Heimurinn er örugglega full-
ur af spilltum stjórnmálamönnum
sem komust til valda með atkvæð-
um einhleypra karlmanna sem
þurftu hvergi að útskýra afstöðu
sína. Ég vil ekki hafa það á sam-
viskunni. Ég ætla að bíða.
Ákvarðanir
VERNHARÐS ÞORLEIFSSONAR
BAKÞANKAR