Fréttablaðið - 22.11.2005, Blaðsíða 10

10 22. nóvember 2005 ÞRIÐJUDAGUR
SVÍÞJÓÐ Borgaryfirvöld í
Stokkhólmi hyggjast koma á fót
meðferðarheimili fyrir sænska
eiturlyfjaneytendur í Riga í
Lettlandi. Launakostnaður er
minni í Lettlandi en í Svíþjóð og
minnkar því kostnaðurinn við að
reka meðferðarheimilið sem því
nemur.
Áður hafa meðferðaryfirvöld í
Svíþjóð keypt meðferðarþjónustu
erlendis, til dæmis á Íslandi, en
þetta yrði í fyrsta skipti sem Svíar
ættu og rækju meðferðarheimili á
erlendri grund.
Þetta kemur fram í vefútgáfu
Dagens Nyheter.■
Fíkniefnameðferðir fluttar út:
Svíar bjóða
meðferð í Ríga
DÓMSMÁL Aðalmeðferð í máli
manna sem sakaðir eru um að hafa
rænt ungum Bónusstarfsmanni
í byrjun september og pínt til að
taka peninga út úr hraðbanka,
stóð daglangt í gær í Héraðsdómi
Reykjavíkur.
Forsprakki hópsins er aðeins
sextán ára gamall en daginn sem
árásin var gerð hafði honum verið
sleppt úr gæsluvarðhaldi vegna
annarra brota.
Alls eru fimm ákærðir, en við
þingfestingu málsins fyrr í mán-
uðinum sögðu þeir allir ákæru
á hendur sér ranga. Þrír hafa
alfarið neitað sök, en tveir, þar á
meðal forsprakkinn, játa að hluta.
Fórnarlamb mannanna er 17 ára,
þrír árásarmannanna 16 ára, einn
18 ára og sá fimmti er 26 ára.
Pilturinn sem ráðist var á var
píndur til að taka út rúmar 30 þús-
und krónur úr hraðbanka. Hann
var dreginn út úr versluninni
þar sem hann vann, troðið í skott
bifreiðar og ógnað með rásbyssu.
Fram hefur komið að for-
sprakkinn í mannræningjahópn-
um taldi piltinn skulda sér pen-
inga. Hann játaði að hafa hleypt
af rásbyssunni nærri piltinum þar
sem þeir stoppuðu í Skerjafirði til
að tuska hann til áður en haldið
var í hraðbankann.
Dómari í málinu er Guðjón St.
Marteinsson og af hálfu Ríkissak-
sóknara sækir það Sigríður Elsa
Kjartansdóttir. - óká
Í HÉRAÐSDÓMI REYKJAVÍKUR Strákurinn
sem sama dag og honum var sleppt úr
gæsluvarðhaldi fór með hópi manna
og rændu starfsmanni Bónuss á
Seltjarnarnesi. FRÉTTABLAÐIÐ/HEIÐA
Aðalmeðferð í máli ungra mannræningja í Héraðsdómi Reykjavíkur:
Ógnuðu strák með rásbyssu
NÁÐIST Á ENDANUM Doris Payne, 75 ára
gömul kona, hafði stundað skartgripa-
þjófnað víða um heim í fimmtíu ár án
þess að lögreglunni tækist að hafa hendur
í hári hennar. Nú hefur hún í fyrsta sinn
fengið ákæru fyrir að hafa stolið hring úr
skartgripaverslun í Las Vegas. MYND/AP
BYGGÐAMÁL Í nýrri skýrslu ráð-
gjafafyrirtækisins Stjórnarhætt-
ir segir að Byggðastofnun eigi
við alvarlegan vanda að stríða.
Hún sé ekki það forystuafl í mála-
flokknum sem ætla mætti og sinni
ýmsum grundvallarhlutverkum
ekki nægilega vel.
Málefni Byggðastofnunar voru
rædd almennt á þingflokksfund-
um stjórnarflokkanna í gær og
segir Valgerður Sverrisdóttir,
ráðherra byggðamála, að málefni
stofnunarinnar verði rædd á ríkis-
stjórnarfundi á næstunni.
„Fátt bendir til þess að fjár-
mögnunarstarfsemin geti orðið
fjárhagslega sjálfbær. Vafi leikur
á hvort stefnan í atvinnuþróun og
fjármögnun sé skynsamleg og hafi
leitt til tilætlaðs árangurs,“ segir
í niðurstöðum áðurgreindrar
skýrslu.
Eins og frá var greint í
Fréttablaðinu í gær er eigið fé
stofnunarinnar komið niður að
hættumörkum og af þeim sökum
hætti stofnunin útlánum fyrir
skemmstu. Um 20 mál bíða þar
afgreiðslu.
Fram kemur í skýrslu ráð-
gjafafyrirtækisins Stjórnhátta
að eigið fé Byggðastofnunar hefði
þegar árið 2003 verið orðið nei-
kvætt ef ekki hefði komið til sér-
stakra fjárveitinga.
Í skýrslunni er jafnframt spurt
hvers konar atvinnuþróun sé lík-
legust til að stuðla að almennum
markmiðum stjórnvalda í byggða-
málum og að hve miklu leyti fyrir-
tæki á landsbyggðinni þurfi á
sértækri þjónustu að halda. Rök
eru færð fyrir því að áhersla á
nýsköpun sé vænleg leið til að
stuðla að sjálfbærri atvinnuþróun
á landsbyggðinni.
„Ég vil samþætta betur
atvinnuþróunarstarf í landinu.
Þetta er of flókið og þarfnast
samræmingar,“ segir Valgerður
Sverrisdóttir iðnaðarráðherra
sem svaraði fyrirspurn Önnu
Kristínar Gunnarsdóttur, Sam-
fylkingunni, um málefni Byggða-
stofnunar á Alþingi í gær. Hún
kvað nefnd fjalla um málefni
stofnunarinnar þessa dagana.
Anna Kristín taldi brýnt að
tryggja starfsemi Byggðastofn-
unar og spurði hvort ráðherra
byggðamála ætlaði að tryggja
henni fjármagn á fjárlögum.
Þeirri spurningu vildi Valgerður
ekki svara að svo stöddu.
Össur Skarphéðinsson, flokks-
bróðir Önnu, ræddi fundarstjórn,
snupraði Valgerði og taldi hana
koma sér undan því að svara
fyrirspurn Önnu Kristínar.
johannh@frettabladid.is
Vandinn
stórfelldur
Í nýrri skýrslu segir að Byggðastofnun sinni ýmsum
grundvallarhlutverkum ekki nægilega vel og hún
eigi við alvarlegan vanda að stríða.
VALGERÐUR SVERRISDÓTTIR Vill ekki segja að svo stöddu hvort Byggðastofnun verði tryggt
aukið fjármagn.
ANNA KISTÍN GUNNARSDÓTTIR Telur brýnt
að tryggja starfsemi Byggðastofnunar.
MINJAVARSLA Samgöngusafninu á
Skógum áskotnaðist í gær sögu-
fræg bensíndæla sem verið hefur
í notkun á bensínstöð Atlantsolíu á
Kársnesi í Kópavogi.
„Dælurnar voru reyndar tvær,
en við höfum ekki pláss nema fyrir
aðra,“ segir Sverrir Magnússon,
framkvæmdastjóri safnsins, sem
tók á móti dælunni í hádeginu í
gær.
Sverrir segir dælur af þessu
tagi vera söguleg verðmæti.
„Burtséð frá þeirri sögu þegar
Atlantsolía kemur inn á olíu-
markaðinn þá er þetta dæla sem
er líklega nálægt því að vera 40
ára gömul. Við eigum dælu frá
1928 og þessi verður við hliðina á
henni,“ segir hann.
Plássleysi segir Sverrir að hái
söfnum nokkuð í að huga að sam-
tímasöfnun og þar sé Samgöngu-
safnið á Skógum engin undan-
tekning. „Við erum búin að fylla
þetta hús og eigum lítið eftir að
geymslum. Næsta mál hjá okkur
er að byggja stórt geymsluhús-
næði og við farin að undirbúa það
af fullum krafti.“
- óká
Samgöngusafninu áskotnast bensíndæla:
Safngripur að Skógum
DÆLAN AFHENT Í KÓPAVOGI Sverrir
Magnússon, framkvæmdastjóri
Samgöngusafnsins á Skógum (til vinstri),
veitir hér móttöku forláta bensíndælu.
Geir Sæmundsson, framkvæmdastjóri
Atlantsolíu, afhenti gjöfina. FRÉTTABLAÐIÐ/GVA
NORÐURLÖND Finnsk börn virðast
þunglyndari en norsk og sænsk
börn samkvæmt nýrri rannsókn.
Þunglyndust allra barna í þess-
um Skandinavíulöndum eru 13
ára finnskar stelpur. Þetta kemur
fram í rannsókn við háskólann í
Tampere og vefútgáfa blaðsins
Hufvudstadsbladet segir frá.
Rannsóknin sýnir að
sambandið á milli foreldra og
barna er verra í Finnlandi en í
Noregi eða Svíþjóð og finnsku
börnin hafa minna samband við
aðra fullorðna.
Einelti er nokkurt vandamál í
Finnlandi en ekki að sama skapi
í Svíþjóð og Noregi. Jafnframt
kemur fram í rannsókninni að
árásargirni stráka og óánægja
stúlkna sé jafnframt meiri í
Finnlandi en í hinum löndunum
tveimur. ■
Rannsókn á geðheilbrigði:
Finnsk börn
þunglyndust