Fréttablaðið - 12.12.2005, Qupperneq 16

16 12. desember 2005 MÁNUDAGUR
HEILBRIGÐI Mikill ágangur á við-
kvæm vistkerfi heimsins mun hafa
alvarlegar afleiðingar á tilveru og
heilsufar milljarða íbúa jarðar
í framtíðinni. Er það niðurstaða
nýrrar skýrslu sem Alþjóðaheil-
brigðisstofnunin WHO hefur sent
frá sér. Um 1.300 vísindamenn
komu að gerð hennar.
Í skýrslunni er varað við þeirri
þróun sem verið hefur í heimin-
um undanfarin ár þar sem æ fleiri
vistkerfi víðs vegar í heiminum
hafa látið á sjá og alls óvíst er
hvort þau beri þess nokkurn tíma
bætur. Svæði sem talin eru í sér-
stakri hættu eru stór landsvæði í
Afríku, Suður-Ameríku og Asíu.
Þrennt er þegar farið að hafa
áhrif á líf milljarða manna á þess-
um slóðum. Rányrkja á hafi og
landi hefur á síðustu árum dreg-
ið úr möguleikum 800 milljóna
manna á að afla sér matar til við-
bótar við þann milljarð fólks sem
þegar þjáist daglega af daglegum
matarskorti. Vatnsmengun er víða
algengt vandamál og benda tölur
stofnunarinnar til að rúmar þrjár
milljónir manna látist ár hvert
vegna mengaðs drykkjarvatns.
Það eru um sex prósent allra dauðs-
falla í heiminum á ári hverju. Telja
skýrsluhöfundar að stór hluti þess
ávinnings sem mannkynið hefur
af heilbrigðum vistkerfum, hreint
vatn, hreint loft og milt veðurfar,
sé nú notaður með óskynsam-
legum hætti. Áhrifin séu þegar
komin í ljós og þau muni versna til
muna á næstu fimmtíu árum verði
ekkert aðhafst.
Skýrslan þykir sýna brýna
nauðsyn til að vernda vistkerfi
heimsins sem aldrei fyrr. Breyt-
ingar á þeim hafa í för með sér
breytingar á heilsu og lífi millj-
óna, nú og í framtíðinni. - aöe
VANNÆRING Framtíðin er dökk að mati Alþjóðaheilbrigðisstofnunarinnar. Ný skýrsla sýnir að mannkynið hugsar of lítið um náttúruna og
það mun koma niður á heilbrigði næstu kynslóða. NORDICPHOTOS/AFP
Vistkerfi jarðar eru í hættu að mati WHO:
Heilsu milljarða jarðarbúa ógnað
SVÍÞJÓÐ Sænska lögreglan lokaði
fyrir umferð um hafnarsvæðið og
nágrenni í miðborg Gautaborgar
í nokkra klukkutíma fyrir helgi
eftir að tundurdufl uppgötvaðist
á hafnarbakkanum.
Í ljós kom að bátur hafði feng-
ið duflið í netin þar sem hann var
á veiðum úti fyrir ströndum Sví-
þjóðar. Skipverjar héldu fyrst að
það væri olíutunna og gerðu sér
enga grein fyrir hættunni.
Í fyrradag var svo farið
með duflið út á sjó á ný og það
sprengt. - ghs
Sprengja í neti sænsks báts:
Skildu duflið
eftir á bryggju
TUNDURDUFL Sænsku sjómennirnir sáu
ekkert athugavert að skilja tundurdufl eftir
á bryggjunni í Gautaborg.