Fréttablaðið - 04.01.2006, Page 10

10 4. janúar 2006 MIÐVIKUDAGUR
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
U
RV
3
08
32
1
/2
00
6
www.urvalutsyn.is
Ferðir í eina og tvær vikur í janúar
á hreint ótrúlegu verði.
39.900* kr.
Verð óháð fjölda, þó lágmark 2 í íbúð
*Innifalið: Flug, gisting, íslensk fararstjórn
og flugvallarskattar.
Verð m.v. að bókað sé á netinu.
Ef bókað er símleiðis eða á skrifstofu
bætist við 2.000 kr. bókunar- og
þjónustugjald á mann.
Skelltu þér í sólina á frábæru verði!
Brottfarir Gistingar í boði
11., 18. og 25. jan. Montemar og Bahia Meloneras
Fáðu ferðatilhögun, nánari upp-
lýsingar um gististaðina og reiknaðu
út ferðakostnaðinn á netinu!
Verð frá:
M I Ð V I K U D A G U R
5 D A G A V E Ð U R S P Á F Y R I R G R A N C A N A R I A
19ºC
18ºC
Heiðskírt
F I M M T U D A G U R
18ºC
17ºC
Heiðskýrt
F Ö S T U D A G U R
19ºC
18ºC
Heiðskýrt
L A U G A R D A G U R
19ºC
17ºC
Léttskýjað
S U N N U D A G U R
18ºC
17ºC
Heiðskýrt
SKOÐANAKÖNNUN 35 prósent Íslend-
inga telja að persónulegir hagir
þeirra verði betri á þessu ári en í
fyrra og er þetta fjölgun um sex
prósentustig frá því á síðasta ári.
Þetta kemur fram í skoðanakönn-
un Gallup.
55 prósent telja að hagur
þeirra verði svipaður og í
fyrra og sex prósent telja að
persónulegur hagur verði
verri. Íslendingar eru aðeins
svartsýnni þegar spurt var út í
afstöðu til efnahagsástandsins
og telja níu prósent að það verði
betra en í fyrra. Fyrir ári töldu
14 prósent að efnahagsástandið
yrði betra á árinu. - ss
Skoðanakönnun Gallup:
Landsmenn
bjartsýnni
MEXÍKÓ, AP Leiðtogar Zapatista-
u p p r e i s n a r h r e y f i n g a r i n n a
r í Mexíkó hittu á mánudag
forsvarsmenn hagsmunasamtaka
fátækra og indíána á opnum
fundi í bænum San Cristobal de
las Casas við upphaf hringferðar
zapatistaforingja um landið sem
þeir vonast til að marki upphafið
að nýjum tímum í mexíkóskum
stjórnmálum.
Aðaltalsmaður hreyfingarinn-
ar, hinn ævinlega lambhúshettu-
klæddi Marcos, mætti á mótorhjóli
í broddi fylkingar sinna manna
á jeppum og pallbílum. Kvöldið
áður hafði Marcos formlega hafið
hringferðina með eldheitri ræðu
gegn kapítalisma, fríverslun og
Mexíkóstjórn. Á hann hlýddu um
15.000 fylgismenn.
Talsmenn Vicente Fox Mexíkó-
forseta sendu frá sér yfirlýsingu
af þessu tilefni þar sem hring-
ferð zapatista var fagnað sem
áfanga sem gæti styrkt lýðræðið
í landinu; að Zapatistahreyfingin
reyni að koma pólitískum boðskap
sínum á framfæri með friðsam-
legum hætti væri framför.
- aa
„SUBCOMANDANTE“ MARCOS
Aðaltalsmaður Zapatista-uppreisnar-
hreyfingarinnar leggur af stað í hringferð
um Mexíkó. NORDICPHOTOS/AFP
Leiðtogar Zapatistahreyfingarinnar í hringferð um Mexíkó:
Fagnað sem áfanga að sátt
VIÐURKENNINGAR Forseti Íslands,
Ólafur Ragnar Grímsson, afhenti
Jónu Hrönn Bolladóttur, Bjarna
Karlssyni, Hope Knútsson og
Kramhúsinu viðurkenningu Al-
þjóðahúss fyrir lofsverða frammi-
stöðu í málefnum innflytjenda.
Viðurkenningarnar, sem nú eru
veittar í þriðja skiptið, þjóna þeim
tilgangi að vekja athygli á jákvæðu
starfi sem unnið er hér á landi í
málefnum innflytjenda. - æþe
Viðurkenning Alþjóðahúss:
Vöktu athygli á
innflytjendum
Í ALÞJÓÐAHÚSI Viðurkenningar veittar fyrir
gott starf í málefnum innflytjenda.
PALESTÍNA, AP Stjórnmálaflokkar
Palestínumanna hófu í gær
formlega kosningabaráttuna fyrir
boðaðar þingkosningar þann 25.
janúar. Spenna fer vaxandi milli
fylkinga Fatah-hreyfingar Mahm-
ouds Abbas Palestínuleiðtoga og
Hamas-hreyfingarinnar herskáu.
Abbas vakti í fyrradag í fyrsta
sinn máls á því að til greina kæmi
að fresta kosningunum, en áður
hafði miðstjórn Fatah skorað á
hann að fresta kosningunum,
annars vegar vegna ólgunnar á
Gazasvæðinu og hins vegar vegna
áforma Ísraela um að banna pal-
estínskum íbúum Jerúsalem að
kjósa. Tilgreindi Abbas sérstak-
lega að ekki væri hægt að una því
síðarnefnda.
Róstursamt hefur verið á her-
teknu svæðunum að undanförnu,
sérstaklega á Gaza eftir að Ísrael-
ar höfðu sig þaðan á brott í sept-
ember síðastliðnum. Uppþot og
mannrán hafa færst mjög í vöxt
og í síðustu viku var lögreglu-
þjónn skotinn til bana.
Á mánudag gerðu um tvö
hundruð palestínskir lögreglu-
menn stutta uppreisn og lögðu
undir sig nokkrar opinberar
byggingar í Rafah á Gaza til að
mótmæla getuleysi stjórnvalda
við að halda uppi lögum og reglu.
Rósturnar eru taldar veikja
stöðu Fatah verulega og óttast
liðsmenn hreyfingarinnar að það
muni gagnast erkikeppinautunum
í Hamas vel, en þeim hefur verið
spáð góðu gengi í kosningunum.
Talsmenn Hamas kröfðust þess
í gær að ekki yrði hvikað frá
því að kosningarnar færu fram
samkvæmt áætlun. Ólíklegt þykir
að Abbas muni fyrirskipa frestun
þeirra án samþykkis Hamas.
Yfirmaður Shin Bet-öryggis-
lögreglunnar í Ísrael tjáði þing-
nefnd á Ísraelsþingi í gær að
gangi það eftir að Hamas fái góða
kosningu boði það „mikil vand-
ræði“ fyrir Ísrael. - aa / -sg
Spenna vex
milli fylkinga
Stjórnmálaflokkar í Palestínu hófu í gær formlega
kosningabaráttu fyrir þingkosningar sem boðaðar
hafa verið 25. janúar. Spenna fer vaxandi milli fylk-
inga og auknar líkur virðast á frestun kosninganna.
KOSNINGABARÁTTAN HAFIN Palestínsk ungmenni sleppa blöðrum í palestínsku fánalitun-
um á kosningafundi Fatah-hreyfingarinnar í Ramallah í gær. FRÉTTABLAÐIÐ/AP
ÚGANDA, AP Helsti leiðtogi stjórn-
arandstöðunnar í Úganda, Kizza
Besigye, kallaði í gær forseta
landsins einræðisherra sem ætti
að leiða fyrir rétt fyrir hryðjuverk.
Hann lét þessi hörðu ummæli falla
daginn eftir að hann var látinn laus
úr fangelsi uns ákærur á hendur
honum sjálfum verða teknar fyrir
dóm, en ákærurnar segir Besigye
að séu allar uppspuni frá rótum,
ætlaðar til að hindra sig í að etja
kappi um forsetaembættið í kosn-
ingum í febrúar. Hryðjuverk og
landráð eru meðal ákæruatriða á
hendur Besigye.
Á blaðamannafundi í
höfuðborginni Kampala í gær
sagði hann handtöku sína hafa
verið pólitíska. Hann hafði
verið í gæsluvarðhaldi síðan 14.
nóvember. Besigye er fyrrverandi
samherji Yoweri Museveni
forseta, sem setið hefur við völd
í landinu í 19 ár, en er nú talinn
skeinuhættasti mótherji hans. ■
Stjórnarandstaða í Úganda:
Segir forsetann
einræðisherra
KIZZA BESIGYE Stjórnarandstöðuleiðtoginn
ásamt eiginkonu sinni, Winnie Byanyima, á
blaðamannafundi í Kampala í gær.
FRÉTTABLAÐIÐ/AP
HÁTÍÐ Um áramótin hófst tíunda
starfsár Byrgisins og af því
tilefni var blásið til veislu á
Ljósafossi þar sem starfsemin fer
fram. Fyrrverandi og núverandi
vistmenn stigu á stokk og léku
tónlist sem yfirleitt er í harðari
kantinum í Byrginu.
Fluttur var leikþáttur og Guð-
mundur Jónsson forstöðumaður
rakti sögu Byrgisins. Um kvöld-
ið var svo kaffihlaðborð þar sem
meðal annars var boðið upp á
ráðherratertu og vífillengju með
sultu og rjóma. - jse
Tíunda starfsárið hafið í Byrginu:
Rokk og ráðherraterta
ROKKARAR Í BYRGINU Jósep og Sigurjón
Ingi úr hljómsveitinni Parsonsband rokk-
uðu feitt í Byrginu.
ÞOKA Í ÞESSALÓNÍKU Vegfarendur í grísku
borginni Þessalóníku létu ekki þokumóðu
á sig fá í gær heldur nutu þeir göngunnar
meðfram strandlengjunni. Regnhlífar
Georgs Zongolopoulos speglast í pollinum.
FRÉTTABLAÐIÐ/AP