Fréttablaðið - 04.01.2006, Page 42

MARKAÐURINN
B E S T A R Á Ð I Ð
4. JANÚAR 2006 MIÐVIKUDAGUR18
F Y R I R T Æ K I
Óttarr Proppé, verslunarstjóri
Máls og menningar, fékk besta
ráðið frá bandarísku söng-
stjörnunni Huey Lewis: „Ég var
á hóteli í Þýskalandi og mætti
Huey í lyftunni. Við tókum
spjall saman og hann ráðlagði
mér að dressa mig ávallt upp
fyrir tilefnið, hvað sem ég tæki
mér fyrir hendur.“
Huey Lewis var, ásamt
hljómsveit sinni the News,
feikivinsæll á níunda
áratugnum og samdi meðal
annars lagið The Power of Love
fyrir kvikmyndina Back to the
Future.
Hljómsveitin var síðar gerð
ódauðleg í bók Bret Easton
Ellis, American Psycho. Þar
var Huey Lewis and the News
tileinkaður heill kafli og taldi
söguhetjan, brjálæðingurinn
Patrick Bateman, hana bestu
hljómsveit níunda áratugarins.
Óttarr segir Huey Lewis
ávallt hafa verið fínan í tauinu
og að ráðið hafi reynst sér vel
gegnum tíðina: „Í fyrsta lagi
missir enginn af manni þegar
maður mætir á svæðið og í öðru
lagi getur maður alltaf notað þá
afsökun að maður þurfi að rjúka
eitthvað mikilvægara.“ - jsk
Klæddu þig
fyrir tilefnið
ÓTTARR PROPPÉ, VERSLUNARSTJÓRI
MÁLS OG MENNINGAR Óttarr mætti
Huey Lewis, einni af hetjum níunda
áratugarins, í lyftu á hóteli í Þýskalandi:
„Hann ráðlagði mér að dressa mig ávallt
upp fyrir tilefnið, hvað sem ég tæki mér
fyrir hendur.”
Eftir nám við Arizona State háskólann í
Bandaríkjunum gerðist Einar rekstrarstjóri
Hard Rock Café á Íslandi. Hard Rock var
þá í eigu Gaums, sem er eitt af fyrirtækjum
Jóhannesar Jónssonar í Bónus og fjölskyldu.
Eftir að hafa rekið Hard Rock með ágætum
árangri í eitt ár fannst Einari kominn tími á
sjálfstæðan rekstur og fór að líta í kringum
sig. Áhugasvið Einars var á skemmtana-
sviðinu og fyrstu verkefni sem hann tók að
sér voru sýningar sem haldnar voru á Hótel
Borg. Sýningarnar gengu vel og með því má
segja að boltinn hafi farið að rúlla.
Einari hefur tekist vel að koma fyrirtæki
sínu á framfæri og er í margra augum að
verða umboðsmaður Íslands. Aðspurður um
umboðsmennskuna segir Einar þó að aðeins 5-
8 prósent tekna fyrirtækisins komi í gegnum
hana. Aðaltekjulindin er tónleikahald þar
sem fyrirtækið flytur inn fræga erlenda
listamenn. Fyrir þá sem muna eftir síðasta
sumri hefur fjöldi tónleika aldrei verið
meiri.
Í dag eru fjórir fastir starfsmenn hjá
Concert. Auk Einars eru það Helga Lilja
Gunnarsdóttir, Bryndís Lúðvíksdóttir og
Heba Júlíusdóttir en einnig kemur fjöldi
verktaka að öllum tónleikum sem Concert
heldur.
Hin heimsfræga óperusöngkona Kiri Te
Kanawa hefur tvisvar haldið tónleika á vegum
Einars á Íslandi auk þess að hafa komið til
landsins til að stunda laxveiði. Í einni af
ferðum hennar hingað bauðst Einari að verða
umboðsmaður hennar í Evrópu. Þegar Einar
er spurður út í þetta verkefni segir hann það
mikinn heiður og hann sé þegar byrjaður að
undirbúa tónleikahald hennar næsta sumar.
Plan B útgáfufyrirtækið var stofnað í
byrjun síðasta árs og einbeitir sér að
útgáfumálum. Plan B gaf út fimm plötur á
árinu 2005 og meðal þeirra var söluhæsta
plata síðasta árs, frumraun Garðars Thors
Cortés. Platan seldist í átján þúsund eintökum,
sem verður að teljast góður árangur. Aðrar
plötur sem fyrirtækið gaf út voru plata þar
sem Hjálpum þeim var endurútgefið, plata
Skítamórals, önnur plata Nylon og plata
Idolstjörnunnar Hildar Völu. Aðspurður
segir Einar að salan á plötu Garðars sé
ótrúlegur árangur, sérstaklega í ljósi þess
að hér sé um að ræða plötu með klassískum
söng. Einar segir einnig að salan á Nylon
hafi komið skemmtilega á óvart en milli 6
og 7 þúsund eintök seldust af henni. „Platan
náði þetta góðri sölu þrátt fyrir að hafa
fengið litla spilun í útvarpi og að önnur plata
hljómsveita hafi oft reynst erfið og fái oft
verstu gagnrýnina. Það er ljóst að Nylon á
sinn aðdáendahóp á Íslandi og miðað við að
sex þúsund plötur seljist eru það ekki bara
krakkar sem hlusta á hljómsveitina.“
EKKI ALLTAF JÓLIN
Alice Cooper kom hingað til lands síðasta
sumar á vegum Concert til að halda tónleika.
Miðasalan var vægast sagt dræm og tap
var í kringum sex milljónir fyrir þessa einu
tónleika. Að sögn Einars er það áhættusamur
rekstur að flytja inn fræga tónlistarmenn
og þeir sem séu í þessum bransa geta alltaf
búist við að tapa töluverðum fjármunum. „Ef
ekki hefði verið fyrir Alice Cooper-tónleikana
hefði orðið ágætis hagnaður af árinu umfram
ásættanleg laun. Hinir tónleikarnir sem við
vorum með í ár gengu hins vegar ágætlega
þannig að árið í heild kemur þokkalega út.“
Spurður hvað hafi klikkað í sambandi við
Alice Cooper-tónleikana segir Einar að menn
hafi einfaldlega misreiknað sig og ofmetið
þá hylli sem Cooper nyti á land-
inu. Einar bendir einnig á
að á svipuðum tíma og
Alice Cooper tónleik-
arnir voru haldnir
hafi verið boðið upp
á nokkra tónleika sem
höfðuðu til sama hóps
og það sé ekki lengur svo
að menn fari á alla tónleika sem
í boði eru því úrvalið sé það mikið. „Ég var
kannski með hugann við að Alice næði að
trekkja álíka mikið og Deep Purple sem var
með tónleika sumarið áður en þar var uppselt
á báða tónleikahljómsveitarinnar hér á landi.
Ég grínast stundum með það að ég hirti bol
hjá honum og að það sé sex milljón króna
bolurinn minn.“
METNAÐARFULLT VERKEFNI
Nú í vor fékk Einar Bárðarson hóp fjár-
festa í lið með sér til að stofna plötuútgáfu
í Bretlandi. Ástæðan fyrir því er metnað-
arfull tilraun til að flytja út stúlknasveitina
Nylon. Einari hefur tekist að fá umboðs-
mann hljómsveitarinnar Atomic Kitten í lið
með sér en það er önnur stærsta stúlkna-
sveit Bretlandseyja fyrr og síðar. Af þessum
sökum hefur Einar eytt töluverðum tíma í
Bretlandi til að koma þessu verkefni á stað.
Þegar Einar fór út í að stofna stúlknaband
hristu margir höfuðið og héldu því fram
að slíkt gæti aldrei gengið á Íslandi. Annað
hefur komið á daginn því samanlögð sala
fyrstu tveggja platna Nylon er um fjór-
tán þúsund eintök. „Ég hafði oft
verið fenginn til að dæma
í söngvakeppnum þar
sem ég sá mikið af
hæfileikaríku fólki
sem tók kannski
þátt í einni keppni og
síðan heyrðist ekkert
meira frá því. Mér fannst
íslenskt tónlistarlíf frekar staðnað
því þar voru sömu listamennirnir ár eftir ár
sem gáfu út plötur og lítil endurnýjun.“
VANTAR RAMMA Í KRINGUM TÓNLEIKAHALD
Í dag eru engar reglur í gildi í sambandi við
tónleikahald og telur Einar það til mikilla
vansa fyrir greinina. „Það getur hver sem er
leigt Laugardalshöllina til að halda tónleika
það eina sem þarf er leyfi frá Lögreglustjóra
sem kostar 5.000 krónur. Það er margt sem
þarf að hafa í huga þegar stórir tónleikar eru
haldnir, til dæmis þarf að vera öflug gæsla.
Ef það brjótast út slagsmál, einhver slasast
eða eitthvað álíka slæmt gerist leiðir það af
sér slæmt umtal sem getur minnkað aðsókn
á tónleika í framtíðinni sem bitnar á öllum
tónleikahöldurum, þannig að einn maður sem
veit ekki hvað hann er að gera getur skemmt
fyrir öllum sem eru í þessum bransa.“
Gróskan í tónleikahaldi
aldrei verið meiri
Concert er eitt af þeim fyrirtækjum sem hafa sprottið upp á síðustu árum í
kringum skemmtanaiðnaðinn á Íslandi. Ágúst Agnarsson settist niður yfir kaffi-
bolla með Einari Bárðarsyni og ræddi við hann um verkefni fyrirtækisins.
EINAR BÁRÐARSON Concert er ungt fyrirtæki sem hefur flutt inn marga heimsfræga tónlistarmenn til tónleikahalds.
Concert ehf.
Eigandi: Einar Bárðarson
Starfsmenn: Fjórir
Velta síðasta árs: Um 100 milljónir
Starfsemi: Tónleikahald
1 dálkur 9.9.2005 15:21 Page 8