Fréttablaðið - 20.01.2006, Síða 8

20. janúar 2006 FÖSTUDAGUR
SKATTAR Árni Mathiesen fjármála-
ráðherra segir að samanburður
Stefáns Ólafssonar prófessors
sé ekki samanburðarhæfur og
telur að prófessorinn rugli saman
útsvari, tekjuskatti og fjármagns-
tekjum og breytingum sem hafi
orðið á átta til sautján ára tímabili
þegar hann haldi því fram að skatt-
byrði hafi hækkað verulega í þjóð-
félaginu síðustu árin. Stefán hefur
sagt að skattbyrði lágtekjufólks
hafi aukist langmest og ójöfnuður
hafi aukist stórlega.
„Stefán dregur þær saman í
niðurstöðu og eignar einhverjum
þróun sem úr því fæst. Hann ítrek-
ar einnig alkunnar staðreyndir
eins og þær að eftir því sem tekj-
urnar hækka hækkar skattbyrðin.
Allir hafa verið sammála um það
hingað til að þannig ætti það að
vera,“ segir Árni.
Stefán hefur sagt að skattbyrði
almennings hafi aukist á síðustu
árum. Skattbyrði um 90 prósent
heimila hafi aukist verulega og
dregið hafi úr kaupmáttaraukn-
ingu fólks. Þá hafi dregið úr
stuðningi með barna- og vaxta-
bótum. Gylfi Arnbjörnsson, fram-
kvæmdastjóri ASÍ, tekur undir
málflutning Stefáns og segir hann
í samræmi við útreikninga ASÍ.
Skattprósentan hafi lækkað en hún
hafi bara ekki lækkað hjá öllum.
Árni segir að persónuafsláttur-
inn hafi verið breytilegur frá því
kerfið var tekið upp fyrir 1990 og
hann hafi stundum fylgt verðlagi
og stundum ekki. Persónuafslátt-
urinn hafi fylgt verðlagi síðustu
sex ár og verið látinn fylgja niður-
stöðum kjarasamninga.
„Það er rétt sem fjármálaráð-
herra segir að skattbyrðin tengist
hækkandi tekjustigi en hitt er líka
að skattkerfisbreytingarnar í tíð
síðustu ríkisstjórna eru þess eðlis
að þær hafa fært meiri skatta-
lækkanir til tekjuhærri hópa en
þeirra tekjulægri,“ segir Gylfi.
Árni segir að um miðjan tíunda
áratuginn hafi verið gerðar mikl-
ar breytingar á sköttum og þá hafi
sérstaklega verið reynt að draga
úr áhrifum jaðarskatta. Þess hafi
verið gætt að allir hópar fengju
jafn mikið út úr breytingunum. Á
svipuðum tíma hafi tekjuskatts-
og útsvarshlutfallinu á milli ríkis
og sveitarélaga verið breytt.
„Eftir aldamótin var síðan
farið að lækka skatta á ný hjá ein-
staklingum, nú síðast um áramót-
in, og fleira stendur til um næstu
áramót. Ef þetta væri allt tekið
með í reikninginn yrði sú mynd
sem Stefán dregur upp allt önnur,“
segir Árni. - ghs/jh
B Ó K A B Ú Ð S T E I N A R S
Ú T S A L A
M Ö R G H U N D R U Ð E R L E N D I R T I T L A R
O p i ð l a u g a r d a g f r á k l . 1 2 - 1 8
M I K I L L A F S L Á T T U R
B e r g s t a ð a s t r æ t i 7 S í m i 5 5 1 2 0 3 0 F a x 5 6 2 6 4 3 0 s t e i n b o o k @ h e i m s n e t . i s
O p i ð v i r k a d a g a 1 3 - 1 8
1
0
1
0
.7
8
ÁRNI MATHIESEN „Eftir aldamótin var síðan farið að lækka skatta á ný hjá einstaklingum, nú síðast um áramótin, og fleira stendur til um næstu
áramót. Ef þetta væri allt tekið með í reikninginn yrði sú mynd sem Stefán dregur upp allt önnur,“ segir Árni Mathiesen fjármálaráðherra.
Fráleitt að skatt-
byrðin hafi aukist
Ágreiningur er enn einu sinni risinn um það hvort skattbyrði hafi hækkað eða
lækkað á síðustu árum. Prófessor telur að heildarskattbyrðin hafi aukist veru-
lega og ASÍ styður þann málflutning en fjármálaráðherra mótmælir hástöfum.
GYLFI
ARNBJÖRNSSON
STEFÁN ÓLAFSSON
SUÐUR-KÓREA, REUTERS Kim Jong Il,
leiðtogi Norður-Kóreu, vill halda
áfram viðræðum um kjarnorku-
vopnalausan Kóreuskaga. Hann er
sagður hafa tilkynnt kínverskum
yfirvöldum þetta í nýafstaðinni
heimsókn sinni til forseta Kína,
Hu Jintao.
Hefð er fyrir því að hvorki
yfirvöld í Norður-Kóreu né Kína
viðurkenni leynilegar heimsókn-
ir Kims til Kína fyrr en eftir að
þeim lýkur, en Kína er einn helsti
bakhjarl Norður-Kóreu. Tilkynntu
kínverskir fréttamiðlar á miðviku-
dag að Kim hefði lokið vikulangri
heimsókn sinni, þó að suðurkór-
eskir fréttamiðlar hefðu fjallað
um heimsóknina alla síðustu viku.
Kim er sagður hafa kynnt sér
hátæknifyrirtæki og landbúnað í
Kína með það í huga að bæta bágan
efnahag lands síns.
Sex lönd, Rússland, Bandaríkin,
Norður- og Suður-Kórea, Kína og
Japan, hafa staðið í viðræðum um
kjarnorkuáætlun Norður-Kóreu
síðan árið 2003 þegar stjórnvöld
í Pyongyang viðurkenndu að þau
ættu kjarnorkuvopn. Samninga-
menn sex ríkja hópsins hittust síð-
ast í nóvember.
Talsmaður Bandaríkjanna í
þessum viðræðum fór óvænt til
Kína í vikunni til að ræða við kín-
verska ráðamenn. - smk
Leiðtogi Norður-Kóreu um kjarnorkuvopnalausan Kóreuskaga:
Vill halda áfram viðræðum
KIM JONG IL Í KÍNA Leiðtogi Norður-Kóreu
sést hér í sjónvarpsviðtali sem kínverskar
fréttastofur sjónvörpuðu, en hann heim-
sótti Kína á dögunum. FRÉTTABLAÐIÐ/AP