Fréttablaðið - 02.02.2006, Blaðsíða 47

Seyðfirðingar voru farnir að
gleðjast. Það átti að staðsetja lyk-
ilembætti lögreglustjóra á Aust-
urlandi á Seyðisfirði, samkvæmt
nýskipan löggæslu, í samræmi
við tillögur fagnefndar á vegum
dómsmálaráðuneytisins.
Það hefur komið í ljós að sveit-
arstjórnarmenn í Fjarðabyggð
snerust öndverðir gegn þeirri til-
lögu og tókst að fá embættið flutt
til Eskifjarðar þvert á niðurstöðu
nefndarinnar. Seyðfirðingar voru
heldur bláeygir þegar þeir héldu
að þeir fengju svona embætti á
silfurfati. Það tekur langan tíma
að átta sig á þeirri hörku sem þarf
til að ná slíkum verkefnum. Það
er ekki spurt um samtök eða sam-
vinnu á milli byggðarlaga og þar
er hver sjálfum sér næstur. Það
þýðir ekki að sofa á verðinum.
Það kom Seyðfirðingum samt á
óvart hvað forystusauðir Fjarða-
byggðar lögðust hart gegn því
að embættið færi til Seyðisfjarð-
ar en Seyðfirðingar hafa stutt
þá uppbyggingu sem á sér stað
á Fjarðarbyggðarsvæðinu heils
hugar, samanber jarðgöng milli
Reyðarfjarðar og Fáskrúðsfjarð-
ar, álver og Kárahnjúkavirkjun.
Það má segja að þessar fram-
kvæmdir hafi lyft þessum byggð-
arlögum úr öskustónni samanber
Reyðarfjörð og Fáskrúðsfjörð og
styrkt um leið Eskifjörð og Nes-
kaupstað. Áhrif framkvæmdanna
gætir hins vegar lítt eða ekki á
Seyðisfirði enn sem komið er.
En lengi má manninn reyna
– sveitarstjórnarmenn Fjarða-
byggðar lýsa ótrúlega þröngri
sýn sinni á hagsmuni Austur-
lands með svona vinnubrögðum.
Margir eru farnir að tala um að
þeir séu þungt haldnir af græðg-
isvæðingu. Það hefur oft verið
sagt að annað hlið Íslendinga til
umheimsins liggi um Seyðisfjörð
en hitt um Keflavíkurflugvöll.
Með Norrænu er áætlað að um 30
þúsund manns leggi leið sína um
Seyðisfjörð á hverju ári ásamt
fjölgun skemmtiferðaskipa sem
hafa viðkomu á Seyðisfirði enda
höfnin byggð fyrir slíka þjón-
ustu.
Rökin fyrir þessari tilfærslu
embættisins eru léttvæg. Svona
smásálarlegt kropp sæmir ekki
sveitarstjórnarmönnum Fjarða-
byggðar sem maður hefði hald-
ið að litu á Austurland sem eina
atvinnu-, félags- og menningar-
lega heild.
Þeim sem svona vinnubrögð
stunda er ekki treystandi í þeirri
baráttu sem landsbyggðin þarf
að heyja fyrir tilveru sinni. Það
kreppir sannarlega víða að. Þing-
menn kjördæmisins þurfa að
svara því hvort þeir unnu að þess-
ari niðurstöðu með forystumönn-
um Fjarðabyggðar og svara því
sjálfir.
Höfundur er íbúi á Seyðisfirði.
Græðgisvæðing Fjarðabyggðar
GARÐAR EYMUNDSSON
SKRIFAR UM FJARÐABYGGÐ
Það má segja að þessar
framkvæmdir hafi lyft þessum
byggðarlögum úr öskustónni
samanber Reyðarfjörð og
Fáskrúðsfjörð og styrkt um leið
Eskifjörð og Neskaupstað. Áhrif
framkvæmdanna gætir hins
vegar lítt eða ekki á Seyðisfirði
enn sem komið er.
Það er engum dulið hverjar aðstæð-
ur Háskóla Íslands eru. Þessi þjóð-
skóli, sem hefur verið grundvöllur
að því þekkingar- og frumkvöðla-
þjóðfélagi sem Ísland er í dag, býr
við mikið fjársvelti og kröpp kjör.
Þrátt fyrir eindregna ósk næstum
allra innan háskólasamfélagsins,
um 10.000 manns, hafa fáar og
ómarkvissar kröfur heyrst opin-
berlega um aukin fjárframlög til
háskólans. Maður hlýtur að spyrja
sig af hverju öfl innan háskólans
hafa ekki látið í sér heyra þegar
viljinn er svona skýr og almenn
samstaða ríkir um hvað þarf að
gera. Af hverju virðist háskólasam-
félagið opinberlega sætta sig við að
hafa fátækan þjóðskóla í þessu ríka
landi?
Undanfarin fjögur ár, með Vöku
í meirihluta fyrstu þrjú og engan
meirihluta seinasta ár, hefur stúd-
entaráð verið nær óvirkt afl í rétt-
indabaráttu háskólans. Af þessu
leiðir að margir hafa misst trú á
háskólapólitíkina og líta á hana
sem sandkassarifrildi og frama-
pot, sem hún er já, ef meirihluti
stúdentaráðs kýs að halda henni á
því plani.
Röskva lítur á málin á annan
hátt. Við lítum á stúdentaráð sem
tæki, sem stúdentar eiga að nota í
réttindabaráttu sinni. Hvað gagn-
ast að röfla um slæma aðstöðu og
fjárskort ef þessar óánægjuraddir
fá ekki að heyrast út í þjóðfélag-
ið? Að sjálfsögðu á stúdentaráð að
vera virkt þrýstiafl þessara 9000
nemenda sem það er í forsvari
fyrir, að sjálfsögðu á stúdentaráð
að veita ráðamönnum aðhald þegar
málefni háskólans eru í umræð-
unni og að sjálfsögðu á stúdentaráð
að sjá til þess að ákvarðanir verði
ekki teknar einhliða og án samráðs
við þá sem þær varða, þ.e. okkur
stúdentana.
Röskva vill rífa stúdentaráð upp
úr þessari ládeyðu. Stúdentaráð
hefur of sterkt bakland til að þegja
þegar það hefur skoðun á ein-
hverju. Ráðamenn eiga að verða að
taka mark á stúdentaráði þegar það
hefur upp raust sína um málefni
háskólans. Það er í höndum okkar
stúdentanna að reisa stúdentaráð
aftur til vegs og virðingar.
Höfundur skipar fjórða sæti á
lista Röskvu til Stúdentaráðs.
SHÍ verði
afl á ný!
UMRÆÐAN
HÁSKÓLI ÍSLANDS
STEINDÓR GRÉTAR JÓNSSON
Röskva vill rífa stúdentaráð
upp úr þessari ládeyðu.
FIMMTUDAGUR 2. febrúar 2006 27
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er
tekið á móti efni sem sent er frá Skoð-
anasíðunni á visir.is.
allar útsöluvörur
í frjálsu falli!
aðeins 6 verð
500 • 1000 • 2000
3000 • 4000 • 5000
ÆTLAR ÞÚ AÐ MISSA
AF ÞESSU?
ESD