Fréttablaðið - 15.04.2006, Page 54

15. apríl 2006 LAUGARDAGUR34
Rauða hafið er einn vinsælasti köfunarstaður heims. Lífríki hafsins er afar fjölbreytt og þar er að finna um 1400 staðbundnar tegundir sem
finnast hvergi annars staðar í
heiminum. Þar er einnig að finna
mikinn fjölda skipsflaka sem
gaman er að kafa niður í. Þeirra
vinsælast er Thistlegorm-flakið
sem er einnig einn vinsælasti
áfangastaður ferðamanna í
Egyptalandi og aflar ferðaþjón-
usta í kringum Thistlegorm inn
meiri peninga árlega en einn af
pýramídunum í Giza enda kafa að
jafnaði um 600 manns daglega
niður í flakið.
Thistlegorm er breskt skip
sem sökk eftir árás þjóðverja árið
1941. Skipið var þá aðeins árs-
gamalt og var á leið frá Glasgow
með hervarning til breskra her-
manna í Afríku. Þjóðverjar gerðu
árás úr lofti á skipið og náðu að
sprengja það í tvennt. Skipið sökk í uppréttri stöðu
niður á sandbotn og þar hefur það verið í 65 ár.
Sprengingin var það öflug að partur úr skipinu
skaust upp og hitti aðra árásarvélina með þeim
afleiðingum að hún hrapaði og sökk í sæ stutt frá.
Rifflar og mótorhjól
Þó að menn hafi lengi vitað af tilvist flaksins var það
ekki fyrr en upp úr 1992 sem farið var að kafa niður
í það og á aðeins örfáum árum hefur flakið orðið að
vinsælasta áfangastað kafara hvaðanæva að úr heim-
inum. Það gerir auðvelt aðgengi að flakinu, hversu
heillegt það er og sú staðreynd að
skipið var með fullfermi af
ýmsum hergögnum þegar það
sökk sem gaman er að skoða. Má
þar nefna hundruðir mótorhjóla
af gerðinni BSA W-M20 og Norton
16H, sum með hliðarvagni og
WOT 2 Ford og Bedford OY
trukkum. Flugvélavængir voru
einnig í lestinni, skriðdrekar,
rifflar, skothylki og þar má einnig
sjá hermannastígvél. Allir þessir
hlutir eru afar heillegir. Alltaf
eru einhverjir kafaranna sem
freistast til þess að taka minja-
gripi með sér úr flakinu, þó að
slíkt sé stranglega bannað. Bannið
gildir ekki bara um Thistlegorm
heldur er bannað að taka nokkurn
minjagrip með sér úr Rauða
hafinu eins og kórallabrot eða skeljar.
Þrátt fyrir að árásin á Thistlegorm hafi verið
hrottaleg á sínum tíma og 9 manns af 39 manna
áhöfn hafi farist er samt sem áður gleðilegt að sjá
hvernig lífríki hafsins hefur tekið fagnandi á móti
flakinu. Fjöldi fiska hefur komið sér vel fyrir í lest-
inni og öðrum vistarverum og kórallar hafa tekið
sér bólfestu á skipsskrokknum og þannig glætt flak-
ið lífi á ný.
Thistlegorm
– frægasta flak heims
FLOTTIR MÓTORFÁKAR Mótorhjólin í lestinni eru afar heilleg. Kafarar hafa freistast til þess að taka hluta af þeim með upp á yfirborðið sem
minjagrip sem er þó stranglega bannað.
LÍFLEGT FLAK Eins dauði er annars brauð segir máltækið sem sannast vel í Thistlegorm þar
sem fiskar og aðrar lífverur hafa tekið flakinu fagnandi og sest þar að.
BAÐHERBERGI SKIPSTJÓRANS
Gaman er að kíkja inn í skip-
stjórakáetuna þar sem hægt er
að sjá baðherbergi skipstjórans
með öllum hreinlætistækjum á
sínum stað.
Árlega dregur Thistlegorm flakið í Rauða hafinu að sér milljónir ferða-
manna. Ástæðan er sú að flakið er fullt af ýmsum hergögnum sem gam-
an er að skoða og svo liggur það heldur ekki á svo miklu dýpi. Snæfríður
Ingadóttir kafaði niður í flakið og ofan í sögu þess.
THISTLEGORM
Þjóðerni: breskt
Byggt: 1940
Sökk: 5-6 október 1941.
Áhöfn: 39 manns, 9 af þeim fórust
þegar skipið sökk.
Hámarkshraði: 10.5 hnútar.
Tonn: 9009
Lengd: 126,5 m
Breidd: 17.5
Dýpt að flaki: 15-30 metrar.
Staðsetning: 19,2 mílur frá Ras
Mohammed og 31 mílur frá Sharm
el-Sheik.