Fréttablaðið - 19.04.2006, Side 44

19. apríl 2006 MIÐVIKUDAGUR28
timamot@frettabladid.is
Tilkynningar um merkisatburði, stórafmæli, andlát og
jarðarfarir í smáletursdálkinn hér að ofan má senda á
netfangið timamot@frettabladid.is.
Auglýsingar á að senda á auglysingar@frettabladid.is
eða hringja í síma 550 5000.
PIERRE CURIE (1859-1906)
LÉST ÞENNAN DAG
„Radíum gæti orðið mjög
hættulegt í höndum
glæpamanna.“
Pierre Curie og Marie kona hans
fengu nóbelsverðlaun, meðal
annars fyrir rannsóknir sínar á
radíum.
Á þessum degi árið 1943 hófst
uppreisn í gyðingahverfinu í
Varsjá. Nasistar komu hverfinu
á koppinn árið 1940 og fluttu
þangað gyðinga sem lifðu við
sérlega bág kjör. Sumarið 1942
bjó hálf milljón gyðinga á 340
hektara svæði í Varsjá sem var
umkringt hlöðnum veggjum og
gaddavír.
Í júlí 1942 hófu SS-sveitinar svo brottflutning fá
gyðingahverfinu til útrýmingarbúðanna í Treblinka.
Meira en fimm þúsund gyðingar voru fluttir á degi
hverjum fram í september og voru þá einungis 55
þúsund íbúar eftir í hverfinu.
Brottflutningunum fylgdi vitaskuld mikil óánægja
og fóru þeir fáu íbúar sem eftir voru í hverfinu að
taka sig saman og skipuleggja varnir. Í byrjun janúar
1943 kom Himmler, foringi SS-
sveitanna, í heimsókn í gyðinga-
hverfið og ákvað að átta þúsund
gyðingar til viðbótar skyldu fluttir
til Treblinka. Um leið og þetta
spurðist út fóru varnarsveitirnar í
gang og gyðingarnir sem eftir voru
börðust og földu sig. Tilraunum
þýsku hermannanna lauk nokkrum
dögum seinna án árangurs.
Þetta fór vitaskuld í taugarnar á yfirmönnum
SS-sveitanna og Himmler ákvað í tilefni afmælis
Hitlers hinn 20. apríl að hefja endanlegan brott-
fluttning allra gyðinga frá hverfinu. Uppreisnin hófst
á nýjan leik og börðust gyðingarnir hetjulega við vel
vopnaða þýska hermenn. Andspyrnan stóð í fjórar
vikur, þangað til síðasti gyðingurinn var fluttur til
útrýmingar í Treblinka.
ÞETTA GERÐIST: 19. APRÍL 1943
Uppreisn gyðinga hefst í Varsjá
GYÐINGAHVERFIÐ Í VARSJÁ
MERKISATBURÐIR
1246 Haugsnessfundur er háður í
Skagafirði með þeim afleið-
ingum að um hundrað
manns féllu og er þetta
talin mannskæðasta orrusta
Íslandssögunnar.
1917 Leikfélag Akureyrar er stofn-
að sem áhugamannafélag.
1923 Alþýðubókasafn Reykjavíkur
tekur til starfa og heitir það
nú Borgarbókasafn Reykja-
víkur.
1954 Börn í Akureyrarkirkju
fermast í hvítum kyrtlum en
það hafði ekki verið til siðs
hér á landi.
1956 Leikkonan Grace Kelly giftist
Rainier þriðja af Mónakó.
1961 Innrásinni við Svínaflóa
lýkur.
1995 168 deyja í sprengingu í
Alfred P. Murrah-bygging-
unni í Oklahoma-borg.
Anna Eggertsdóttir, Álakvísl 27,
lést mánudaginn 17. apríl.
Fanney Sigurlaugsdóttir, Helgu-
braut 27, Kópavogi, lést sunnu-
daginn 16. apríl.
Guðrún Guðmundsdóttir (Bíbí),
Hjarðartúni 7, Ólafsvík, lést að
kvöldi laugardagsins 15. apríl.
Lára Jakobsdóttir, Syðri-Reykjum,
Biskupstungum, lést á Heilbrigðis-
stofnun Suðurlands föstudaginn
14. apríl.
Líney Arndís Pálsdóttir lést
laugardaginn 15. apríl.
Njáll Símonarson, Bólstaðarhlíð
68, lést á Landspítala Fossvogi
laugardaginn 15. apríl.
Sigrún Magnúsdóttir lyfjafræð-
ingur lést á líknardeild LSH í
Kópavogi aðfaranótt föstudagsins
langa 14. apríl.
Sigurður Breiðfjörð Halldórsson,
Akurbraut 11, Innri Njarðvík, lést á
páskadag, 16. apríl, á Heilbrigðis-
stofnun Suðurnesja.
Sveinn Mýrdal Guðmundsson,
Elliheimilinu Grund, Hringbraut
50, lést á heimili sínu föstudaginn
langa 14. apríl.
13.00 Gestur Guðjónsson, Hjalla-
braut 33, Hafnarfirði, verður
jarðsunginn frá Víðistaða-
kirkju.
13.00 Helgi Jóhannesson,
fyrrverandi aðalgjaldkeri,
Hæðargarði 29, verður jarð-
sunginn frá Fossvogskirkju.
13.00 Unnur Erlendsdóttir, Lyng-
brekku 11, Kópavogi, verður
jarðsungin frá Digranes-
kirkju.
13.30 Ingi Steinar Guðlaugsson,
frá Miðsamtúni, verður jarð-
sunginn frá Möðruvöllum í
Hörgárdal.
14.00 Hreggviður Hermanns-
son læknir, Nónvörðu 14,
Keflavík, verður jarðsunginn
frá Keflavíkurkirkju.
15.00 Sigþrúður Jórunn Tómas-
dóttir verður jarðsungin frá
Hafnarfjarðarkirkju.
Kaffihúsið Tíu dropar er rótgróinn
staður með ungum áherslum. Í októb-
er tóku fjórar ungar konur; Þuríður
Helga Kristjánsdóttir, Þorgerður
Egilsdóttir, Tinna Ásgeirsdóttir og
Brynja Björk Hinriksdóttir, við rekstri
Tíu dropa sem er í kjallaranum á
Laugavegi 27 en kaffihúsið er eitt það
elsta í miðbæ Reykjavíkur. Í vikunni
opnuðu þær á ný eftir breytingar sem
heppnuðust sérlega vel að sögn Þuríð-
ar Helgu.
„Staðurinn er bjartari núna og mið-
uðu breytingarnar að því að koma
stemningunni betur á framfæri,“ segir
Þuríður Helga. Á veggjum kaffihúss-
ins hanga myndir með sál og í glugg-
unum sitja enn munir með sögu. Því
þarf enginn að óttast að yfirbragð
staðarins hafi breyst þó að ferskar
pensilstrokur hafi farið um veggina.
„Við höfðum allar fjórar verið lengi
í þessum bransa og þekktum því allar
til reksturs svona kaffihúss,“ segir
Þuríður Helga um ástæður þess að vin-
konurnar ákváðu að hella sér út í rekst-
urinn. „Svo sáum við bara kaffihúsið
auglýst og okkur fannst þetta spenn-
andi verkefni.“ Tvær konur höfðu
rekið kaffihúsið áður en þær stöllur
tóku við og því má segja að sannkallað
kvennaveldi ríki á Tíu dropum.
Þuríður Helga viðurkennir að hafa
ekki oft farið inn á kaffihúsið áður en
þær tóku við rekstrinum. „Allir vita
hvar Tíu dropar eru en það eru
kannski ekki margir sem ákveða að
koma við. Stefnan á næstunni er að
gera staðinn sýnilegri og í rauninni
löngu kominn tími til að gera það.“
Aðspurð segist Þuríður Helga ekki
óttast samkeppnina við önnur kaffi-
hús á Laugaveginum. Tíu dropar sé
kaffihús með sérstöðu og andrúmsloft
sem hvergi sé að finna annars staðar.
„Það er alltaf gaman að koma í vinnuna
á morgnana,“ bætir hún brosandi við.
Fastakúnnahópinn er mjög stór og
segir Þuríður Helga að það hafi komið
þeim skemmtilega á óvart. „Þetta er
allskonar fólk. Hingað kemur mikið af
fólki á miðjum aldri sem er kannski að
vinna hérna í kring og fær sér morgun-
mat eða hádegismat.“ Hún segir því að
varlega verði farið í breytingar svo
allir verði ánægðir.
Hefðbundnar íslenskar kaffiveit-
ingar hafa löngum verið sérstaða Tíu
dropa og ætla vinkonurnar áfram að
bjóða upp á það. „Við ætlum samt að
fara í breytingar á matseðli og í sumar
kemur kannski prentaður matseðill,“
segir Þuríður Helga. Einnig hefur sú
nýbreytni verið tekin upp eftir andlits-
lyftinguna að viðskiptavinum er boðið
upp á þráðlausa nettengingu.
Því má með sanni segja að gamli
tíminn mæti þeim nýja á kaffihúsinu
Tíu dropum. ■
KAFFIHÚSIÐ TÍU DROPAR: OPNAÐ Á NÝ EFTIR BREYTINGAR
Gamli tíminn mætir þeim nýja
KAFFIHÚSIÐ TÍU DROPAR Síðan í október hafa þær Þuríður Helga Kristjánsdóttir, Þorgerður Egilsdóttir, Tinna Ásgeirsdóttir og Brynja Björk Hinriksdóttir séð
um rekstur kaffihússins Tíu dropa á Laugavegi. Á myndina vantar Brynju Björk. FRÉTTABLAÐIÐ/VALLI
ANDLÁT JARÐARFARIR
Ástkær eiginmaður minn, faðir okkar,
tengdafaðir og afi,
Gísli K. Sigurðsson
bifreiðarstjóri, Mjósundi 15, Hafnarfirði,
verður jarðsunginn frá Fríkirkjunni í Hafnarfirði
föstudaginn 21. apríl kl. 13.00.
Marta Ormsdóttir
Sigurður Gíslason Ásbjörg Joana Skorastein
Kristín Gísladóttir Ellert V. Harðarson
Júlíus Aron Ellertsson
Rakel Ósk Ellertsdóttir
Innilegar þakkir til þeirra sem sýndu
okkur samúð og hlýhug við andlát og útför
Hjördísar Óskarsdóttur
frá Hrísey.
Sérstakar þakkir til starfsfólks Heilbrigðisstofnunar
Suðurnesja og starfsfólks Landspítala -
Háskólasjúkrahúss.
Bjarni Sigurgrímsson
Hafsteinn Ómar Ólafsson Lára Jónsdóttir
Margrét Ólafsdóttir Sigurjón Sigmundsson
og barnabörn.
Ástkær sonur okkar, bróðir og mágur,
Sigurður Gíslason
Fífumóa 3e, Njarðvík,
andaðist á Heilbrigðisstofnun Suðurnesja laugar-
daginn 15. apríl. Útförin fer fram frá Keflavíkurkirkju
föstudaginn 21. apríl kl. 11.00. Blóm og kransar eru
vinsamlega afþökkuð en þeim sem vilja minnast
Sigurðar er bent á Björgunarsveitina Suðurnes.
Gísli Sigurðsson Árný Dalrós Njálsdóttir
Njáll Trausti Gíslason Heiða Adólfsdóttir
Gísli Árni Gíslason Anna Rún Oddsdóttir
Jóhann Gíslason.
Ástkær faðir minn, afi, langafi og
sambýlismaður,
Valdimar Þ. Einarsson
skipstjóri og útgerðarmaður,
verður jarðsunginn föstudaginn 21. apríl kl. 13.00 frá
Áskirkju.
Guðjón Valdimarsson
María Svava Guðjónsdóttir Emil Örn Víðisson
Alma Emilsdóttir
Valdimar Örn Emilsson
Halla Steingrímsdóttir.
Útfararþjónustan ehf.
Stofnað 1990
Þegar andlát ber að
Síðastliðin 15 ár höfum við feðgar
aðstoðað við undirbúning útfara.
Alhliða útfararþjónusta
Símar: 567 9110,
893 8638 og 897 3020
Rúnar
Geirmundsson
Sigurður
Rúnarsson
Elís
Rúnarsson