Fréttablaðið - 23.04.2006, Síða 16

23. apríl 2006 SUNNUDAGUR16
timamot@frettabladid.is
Tilkynningar um merkisatburði, stórafmæli, andlát og jarðar-
farir í smáletursdálkinn hér að ofan má senda á netfangið
timamot@frettabladid.is.
Auglýsingar á að senda á auglysingar@frettabladid.is
eða hringja í síma 550 5000.
Innilegar þakkir til allra sem sýndu okkur
samúð og hlýhug við andlát og útför
elskulegs föður okkar, tengdaföður og afa
Geirs U. Fenger
Lynghaga 7, Reykjavík.
Pétur U. Fenger Sigrún Guðmundsdóttir Fenger
Anna Kristín Fenger Herjólfur Guðjónsson
Ida Hildur Fenger Skafti Jóhannsson
og afabörnin Úlfhildur, Kristján Geir, Geir Torfi,
Tinna Björk, Kristjana, Kristín Dagbjört, Geir Ulrich og
Anna María.
Afmæli
Hörður Zóphaníasson
verður 75 ára næstkomandi þriðjudag, hinn
25. apríl. Þá bjóða hann og Ásthildur upp á
kaffisopa í Gaflinum frá klukkan 17 til 19.30.
Það myndi gleðja þau hjónin að sem flestir
vinir þeirra og vandamenn létu sjá sig á
Gaflinum og samfagna þeim á þessum
afmælisdegi Harðar. Ásthildur og Hörður
hafa ákveðið í tilefni dagsins að stofna sjóð,
Hraunbúasjóðinn. Sjóðurinn er tileinkaður minningu Rúnars
Brynjólfssonar. Afmælisbarnið frábiður sér blóm og afmælisgjafir, en
gjafabaukur verður á staðnum fyrir þá sem vilja styrkja fyrirhugaðan
Hraunbúasjóð, sem hugsaður er til að glæða og efla skátastarf í
Hafnarfirði í framtíðinni.
AFMÆLI
Sigurlín Margrét
Sigurðardóttir vara-
þingmaður er 42 ára.
Halla Margrét
Árnadóttir söngkona
er 42 ára.
Magnús Ver
Magnússon
kraftakarl er 43 ára.
Þröstur Leó Gunnars-
son leikari er 45 ára.
Haraldur Jónsson
myndlistarmaður er
45 ára.
Hilmar Örn Hilm-
arsson alsherjargoði
og tónlistarmaður er
48 ára.
MERKISATBURÐIR
1964 Sýningar hefjast á hátíð-
aruppfærslu Leikfélags
Reykjavíkur á Rómeó og
Júlíu í tilefni 400 ára fæð-
ingarafmælis Shakespeare.
1951 Útvarpsþátturinn Óskalög
sjúklinga hefur göngu sína.
1956 Elvis Presley kemur fram
í fyrsta sinn í borginni Las
Vegas í Nevada.
1983 Kvennalistinn hlýtur þrjár
konur kjörnar á Alþingi í
fyrstu kosningunum sem
listinn er boðinn fram.
1984 Vísindamenn í Bandaríkjun-
um finna HIV-veiruna sem
veldur alnæmi.
1997 Páll Skúlason er kjörinn
rektor Háskóla Íslands.
2001 Fréttablaðið kemur út í
fyrsta sinn.
CHARLES G. DAWES (1865-1951),
LÉST ÞENNAN DAG
„Meðalmennska krefst
fálætis svo hún varðveiti
reisn sína.“
Dawes var varaforseti Bandaríkj-
anna og fékk friðarverðlaun Nóbels.
Á þessum degi árið 1993 hófst
þjóðaratkvæðagreiðsla í Erítreu
um sjálfstæði landsins frá
Eþíópíu. Erítrea á sér langa sögu
um erlenda stjórn og styrjaldir.
Seint á nítjándu öld eignuðu Ítalir
sér landsvæðið og gerðu Erítreu
að nýlendu sinni. Þeir girntust
strandlínu við Rauða hafið sem
hafði öðlast mikilvægi eftir opnun
Súesskurðarins.
Eftir hernaðarbrölt í Eþíópíu
hröktust Ítalir frá Erítreu og tóku
Bretar að sér stjórn landsins
árið 1941. Þá hófst áratugur
pólitískrar spennu þar sem
Eþíópustjórn reyndi allt sem hún
gat til að sannfæra ríki heimsins
um að löndin tvö ættu að vera
eitt. Eftir miklu var að slægjast
fyrir Eþíópíumenn sem horfðu
löngunaraugum til strandlínunnar
við Rauða hafið og fengu þeir
sínu framgengt árið 1950 þegar
Sameinuðu þjóðirnar ákváðu
sameiningu landanna tveggja.
Ekki fór sameiningin þó vel
því kristin stjórn í Eþíópíu leit
ekki á múslima í Erítreu sem
jafningja annarra. Spenna gegn
yfirstjórninni byggðist upp í
Erítreu og á næstu áratugum voru
þar starfandi skæruliðahreyfingar
sem kröfðust sjálfstæðis landsins.
Eftir stutt afskipti Sovétríkjanna
unnu sjálfstæðissinnar í Erítreu
loks sigur. Sjálfstæði landsins
var lýst yfir þann 21. maí 1993
eftir að sjálfstæðisyfirlýsing hafði
verið samþykkt með yfirburðum í
þjóðaratkvæðagreiðslu.
ÞETTA GERÐIST: 23. APRÍL 1993
Erítrear kjósa um sjálfstæði
FRÁ ERÍTREU
Fyrsta maí næstkomandi verða miklar
breytingar í lífi Kolbrúnar Ólafsdótt-
ur lögfræðings. Þá kveður hún emb-
ætti Lögreglustjórans í Reykjavík og
heldur inn í hringiðu stjórnmálanna
sem aðstoðarmaður Sivjar Friðleifs-
dóttur heilbrigðisráðherra.
„Starfið er virkilega áhugavert og
spennandi að fá að takast á við þetta,“
segir Kolbrún sem er að vonum him-
inlifandi með nýja starfið. Hún hlakk-
ar bæði til spennandi áskorana í heil-
brigðisgeiranum og ekki síður að
verða nánasta samstarfskona Sivjar
Friðleifsdóttur heilbrigðisráðherra.
„Ég er mjög ánægð með að fara að
starfa með Siv. Mér finnst hún öflug-
ur stjórnmálamaður og mikill skör-
ungur.“
Kolbrún óttast ekki glímuna við
vandamál á sviði stjórnmálanna. Hún
er heldur ekki ókunn því starfi og
hlakkar til að fá að helga stjórnmálun-
um vinnudaginn allan. „Aðstoðarmað-
ur ráðherra er náttúrulega pólitískt
starf og í rauninni er ég bara að fara
að vinna í pólitíkinni allan daginn.
Mér finnst það mjög spennandi því ég
er búin að starfa í Framsóknarflokkn-
um um árabil og gaman að fá þetta
tækifæri.“
Að sögn Kolbrúnar felst starf
aðstoðarmanns ráðherra fyrst og
fremst í því að vera til staðar fyrir ráð-
herrann og því þurfi hún að setja sig
inn í alla málaflokkana í ráðuneytinu.
„Ætli fyrstu verkin verði ekki að kynna
sér þetta allt. Svo lærir maður bara
með því að stökkva í djúpu laugina.“
Starfsreynsla Kolbrúnar er úr Lög-
reglunni í Reykjavík og nýja starfið
því óneitanlega mjög frábrugðið því
gamla. „Ég er búin að starfa sem full-
trúi lögreglustjórans í Reykjavík á
lögfræði- og ákærusviði. Starfið felst
í rauninni í afgreiðslu opinberra mála
og að ákveða hvort þau séu þannig
fallin að eigi að ákæra í þeim. Ef svo
er rek ég málin fyrir dómi sem sækj-
andi.“ Að vissu leyti segir Kolbrún þó
að reynslan úr starfi lögreglunnar
eigi eftir að nýtast í heilbrigðisráðu-
neytinu. „Maður sér ýmislegt í starf-
inu hjá lögreglunni og áttar sig að
vissu leyti á mörgum vandamálum í
samfélaginu. Að því mun ég búa þegar
ég byrja í ráðuneytinu.“
KOLBRÚN ÓLAFSDÓTTIR: NÝR AÐSTOÐARMAÐUR HEILBRIGÐISRÁÐHERRA
Enginn glímuskjálfti
KOLBRÚN ÓLAFSDÓTTIR Aðstoðarmaður ráðherra er pólitískt starf og hlakkar Kolbrún mikið til að glíma við stjórnmálin í fullu starfi. FRÉTTABLAÐIÐ/GVA
Elskuleg eiginkona mín, móðir okkar,
tengdamóðir og amma,
Jóhanna Þorgeirsdóttir
Hlunnavogi 3,
lést á Landspítalanum við Hringbraut föstudaginn
21. apríl sl. Jarðarförin verður auglýst síðar.
Hjalti Jónasson, börn, tengdabörn og barnabörn.
Áslaug Jónsdóttir, Svalbarði 7,
Hornafirði, lést á Landspítalanum
Fossvogi miðvikudaginn 19. apríl.
Ásta Antonsdóttir, Rjúpufelli 23,
lést á Landspítalanum Fossvogi að
morgni fimmtudagsins 20. apríl.
Elísabet Benediktsdóttir frá Erps-
stöðum, Dalasýslu, Álfheimum 36
í Reykjavík, lést föstudaginn 21.
apríl á Landspítalanum í Fossvogi.
Guðmundur Guðmundsson
prentari, Tjarnarbóli 14, Seltjarn-
arnesi, lést á Landspítalanum við
Hringbraut föstudaginn 21. apríl.
Guðrún Jóhanna Ármannsdóttir
frá Neskaupstað lést á heimili sínu
Aðalgötu 5, Keflavík, miðvikudag-
inn 19. apríl.
Jóhanna Þorgeirsdóttir, Hlunna-
vogi 3, lést á Landspítalanum við
Hringbraut föstudaginn 21. apríl.
Jóhannes Helgi Jónsson, Hvassa-
leiti 56, áður Álftamýri 30, lést á
Landspítalanum við Hringbraut
föstudaginn 21. apríl.
Kristján Jónsson bifreiðastjóri,
dvalarheimilinu Hlíð, Akureyri, lést
að morgni fimmtudagsins 20. apríl.
Númi Ólafsson Fjeldsted,
Ljósheimum 10, Reykjavík, lést á
líknardeild Landspítalans, Kópa-
vogi, að morgni fimmtudagsins
20. apríl.
Stefanía Ingibjörg Snævarr lést
fimmtudaginn 20. apríl.
Þorsteinn Freyr Viggósson
veitingamaður í Kaupmannahöfn
er látinn.
ANDLÁT
Nú er lóðahreinsun á höfuð-
borgarsvæðinu í fullum
gangi. Fara þá starfsmenn
sveitarfélaganna um bæjar-
félögin og hirða garðúrgang
sem settur hefur verið út
fyrir lóðamörk og hreinsa að
auki til á opinberum svæð-
um eftir veturinn.
Hreinsunin hófst í Reykja-
vík á föstudaginn og stendur
fram til 29. apríl. Í Kópavogi
er dögunum skipt niður á
hverfin og byrja starfsmenn
bæjarins í Vestur- og Austur-
bæ Kópavogs í dag fram til
27. apríl. Smárar, Lindir og
Salir verða hreinsuð dagana
26. til 28. apríl en að lokum
Kóra- og Vatnsendahverfi 2.
og 3. maí. Vorhreinsun í
Garðabæ stendur yfir fram
á föstudag, 28. apríl en Hafn-
firðingar hafa tíma fram á
laugardaginn 29. til að
hreinsa sínar lóðir.
Hreinsun garða