Fréttablaðið - 28.04.2006, Side 38

2
Ingibjörg er stór framleiðandi garð-
plantna og er þekkt fyrir vandaða
vöru. Hún hefur rekið eigin gróðr-
arstöð í Hveragerði í 25 ár, ásamt
fjölskyldu sinni, og er því búin að
safna sér drjúgri reynslu í sarpinn af
ræktun hinna ýmsu tegunda. Fyrri
hluta ársins snýst líf hennar um
garðplönturnar og þegar þeirri ver-
tíð lýkur eru gróðurhúsin hreinsuð
og vinna við jólastjörnurnar tekur
við.
Vinnudagurinn er langur hjá
Ingibjörgu á þessum árstíma. Hún
er með hundruð þúsunda plantna af
ótal tegundum í uppvexti á svæði
sem áður heyrði sjö gróðrarstöðv-
um til. Tíu þúsund fermetrar eru
undir plasti og gleri, auk þess sem
hluti ræktunarinnar fer fram undir
berum himni. „Það er að minnsta
kosti enginn tími til að láta sér leið-
ast,“ segir hún brosandi þegar hún
er spurð út í verkefnin. Helst kveðst
hún hafa slæma samvisku gagnvart
yngstu dótturinni, sem hún kallar
ellistyrkinn sinn, sem finnst stund-
um erfitt að skilja af hverju mamma
og pabbi þurfi alltaf að vera að
vinna.
Það er talsvert fyrir hverri plöntu
haft, frá því að fræinu er sáð og þar
til hún er tilbúin að fegra umhverf-
ið með útsprungnum blómum. Hún
þarf vatn að drekka með vissu milli-
bili og æ meira vaxtarrými eftir því
sem hún þroskast. Svo þarf að passa
upp á hitastigið sem hvorki má
vera of hátt né of lágt. Þó að jarð-
varminn sé vinur litlu plantnanna
hennar Ingibjargar og vorhret nái
ekki til þeirra þá verða þær smátt og
smátt að venja sig við svalann sem
bíður þeirra þegar þær verða stórar.
„Ég legg mikla áherslu á að herða
plönturnar vel í uppvextinum, svo
þær þrífist og dafni þegar í garðana
er komið,“ segir ræktunarkonan.
Spurð hvort bláleit blöð á stjúpum
séu hreystimerki brosir hún góðlát-
lega að fákunnáttu blaðamanns og
segir bláa litinn til merkis um að
plantan hafi orðið fyrir sjokki vegna
kulda. Það þurfi hins vegar ekki að
skaða hana til frambúðar.
Mörg handtök eru við sáningu,
grisjun og vökvun en ýmiss konar
tækni léttir líka störfin. Sumum
tegundum er sáð með vél og jafnvel
priklað í stærri ílát með vél líka. Það
er þó umhyggjan fyrir lífi þessara
litlu plantna sem öllu máli skiptir
og af henni á Ingibjörg nóg.
Leggur áherslu á að herða
plönturnar vel fyrir sumarið
Til að við getum prýtt garðana okkar með hraustlegum og sællegum sumarblómum
þarf fólk eins og Ingibjörgu Sigmundsdóttur í Hveragerði.
Ingibjörg við vermireit með sumarnellikum. FRÉTTABLAÐIÐ/GUN
Bakki með flauelsblómum sem bíða. Blómin yfir og allt um kring.
■■■■ { hús & garðar } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
Falleg garðhúsgögn fást víða og
það er einstaklingsbundið eftir
hverju fólk er að leita. Á meðan
einhverjir vilja vegleg tréhúsgögn
vilja aðrir létt og þægileg húsgögn
úr plasti sem auðvelt getur verið að
færa til eftir þörfum. Flestir ættu
þó að finna eitthvað við sitt hæfi
því úrvalið er mikið í íslenskum
verslunum.
Húsgögn í
garðinn
Þegar vorar vilja flestir geta
haft það huggulegt úti í
garði í góða veðrinu.
Garðhús-
gögn úr
Habitat.
Heilan leikvöll eins og þennan hafa margir
sumarhúsaeigendur slegið saman í, en
svona leikvelli má fá fyrir minna en margir
halda.
Þessi leiktæki eru frá Barnsmiðjunni en í
sumar verður hægt að kaupa hoppkastala
þar.
Vönduð og vottuð róla eins og þessi sem
er frá Jóhanni Helga & co. er öruggt leik-
tæki fyrir unga jafnt sem aldna.
Leiktæki inni í einkagörðum eru
alltaf að verða algengari og algeng-
ari sjón og eru trampólínin án efa
nærtækasta dæmið. Sala á litlum
sem stórum leiktækjum hefur einn-
ig aukist mjög undanfarin ár og eru
ástæðurnar fyrir því tvær helstar.
Hin mikla fjölgun sumarbústaða
hérlendis hefur ýtt undir þörf fyrir
fjölbreyttari afþreyingu við þá og
eins hafa gæði leiktækjanna aukist
og þau eru öruggari og skemmti-
legri.
Hreyfing er börnum holl og þess
vegna er gaman þegar börnin geta
skemmt sér um leið. Ekki spillir fyrir
þegar leikurinn fer fram í öruggu
umhverfi í garðinum heima.
Örugg skemmtun
í garðinum heima
Gæði útileiktækja hafa aukist gífurlega á undanförnum
árum sem gerir það að verkum að slík leiktæki eru ekki
einungis raunhæfur heldur mjög skemmtilegur kostur í
garðinn og við sumarbústaðinn.
Þessi ungi en hressi piltur skemmtir sér greinilega vel við þessi útileiktæki. Þau er auðvelt
að taka í sundur og flytja þannig á milli staða. FRÉTTABLAÐIÐ/HÖRÐUR